Joel 3:7 - Khoekhoegowab 2020

⁷ Xawe ta ge tita ǁîna ǁnā ǃkhais ǁîna du ge ǁamaxūsa xu nî ǂoaxa kai, tsî ta ge sadu dīga nî dīdawa-am du.

Khoekhoegowab Elobmîs 2020

⁷ Xawe ta ge tita ǁîna ǁnā ǃkhais ǁîna du ge ǁamaxūsa xu nî ǂoaxa kai, tsî ta ge sadu dīga nî dīdawa-am du.

Joel 3:7 Iomraidhean Croise

Ester 7:10

ǁNātib ge Hamanna Mordekaib ǃaromab ge kuru ǂgāhaib ai ge ǂgāmâihe. ǁNā ǁaeb ai ǀguib ge gao-aob ǁaiba ge ǁgôaxa.

Jesaja 11:12

ǁÎb ge ǁaedi nî mûse ǃkhauba ge ūkhâi, hoa haka ǁhôadi ǃhūbaib didi ǃnâ doeǁgabēhe hâ Israelǁîn tsî doeǁgabēhe hâ Judab khoen tsîn hoanab nî ǀhaoǀhaose.

Jesaja 49:12

Mû, nēn ge ǃnūseba xu ra hā tsî mû, nēn ge ǀapas tsî huriǂoasa xu ra hā tsî nēn ge Sinimǃhūba xu ra hā.”

Jesaja 66:6

ǃĀsa xu hâ ǂkhupiba ǃgâ re! Tempela xu hâ domma! ǃKhūb di dommi, ǁîb khākhoena ra mādaba-amma!

Jeremia 23:8

“Xawe ‘ǃKhūb Israeli ommi di suriba ǀapas ǃhūba xu tsî hoaraga ǃhūgu ǁîgu ǁgab ge ǁîna doeǁgabē hâ iga xu ge ūkhâib a ûitsama xui-ao ti nî nūdi ge nî hā.’ Tsîn ge ǁîn di ǂhunuma ǃhūb ǃnâ nî ǁan.”

Jeremia 30:10

“Tā ǃao ti ǃgā Jakotse, tā ǃhuri Israeltse, tib ge ǃKhūba ra mî. Tita ge satsa ǃnūseba xu nî ore tsî sa suriba ǃkhōsis di ǃhūba xu. Jakob ge oahā tsî ǂkhîse tsî sâsase nî hâ, tsî khoe-i xare-i xa ǃaoǃaohe tide.

Jeremia 30:16

Xawe sasa ra hapun hoan ge nî hapuhe, sa khākhoen hoan ge ǃkhōsabese nî ūǃgûhe. Sasa ra ǃnari-ain hoan ge nî ǃnari-aihe, sasa ra ǁkhâuǁnân hoan ge nî ǁkhâuǁnâhe.

Jeremia 31:8

Tita ge ǁîna ǀapasa xu nî oaǀkhī-ū, tsî ǃnū ǃkhaidi ǃhūbaib dide xu nî ǀhaoǀhao. ǂGīn tsî ǃhomn tsîn ge ǁîn ǀkha nî hā, ǀgamǀkhādi tsî ǁoratsûb ǃnâ hâdi tsîna. Kai ǁaesen ge ǁîna nî oahā.

Jeremia 32:37

Tita ge ǁîna ǁnā ǃhūgu, ǁîna ta ge ti ǁaib tsî ǀkhaob tsî kai ǁaixasib ǃnâ doeǁgabē hâ iga xu nî ǀhaoǀhao; tita ge ǁîna nē ǃkhais ǃoa nî oahā-ū tsî ǂkhîb ǃnâ nî ǁan kai.

Esekiel 36:24

Tita ge sado ǁaede xu nî ū tsî ǃhūgu hoaga xu ǀhaoǀhao tsî sadu ǃhūb ǃoa nî oahā-ū.

Esekiel 38:8

ǂOmxa ǁaeb khaoǃgâts ge satsa nî mîmāhe, îts ǁnā ǃhūb torob khaoǃgâ ge ǁkhawa omkhâiheb ǃoagu khâimâ. ǁNā ǃhūb ǂgui ǁaede xu ge ǀhaoǀhaohe khoen, Israeli ǃhomgu, gaxu ǁaeba ge hîkākāsase ǁgoe igu ai hâb ǃoa. ǁÎn ge ǂgui ǁaede xu ge oahā-ūhe tsî nēsi hoatsama ǃnorasase ǁan hâ.

Joel 3:4

“Tare-e du tita ǃoagu ūhâ, sadu Tirus tsî Sidons tsî Filisteǁîn ǀkharib hoaragab dido? Tita du xū-i ǂama ra dīdawa-am ǂgao? Tita du ga ǀkhao, o ta ge tita sadu dība ǃhaese sadu danas ai nî ǁgôaxa kai.

Saxaria 9:13

Judaba ta ge khāse ge ǂgaeǃnâbasen tsî Efraimma ǂāb ase. Tsî Siontse, sa ôaga ta ge nî ūkhâi, sats Grikeǃhūts di ôaga ta ge ǁē-aob di gôase nî dī.

Mateub 7:2

Khoe-ets ra ǀgoraǃgâ-ū ǀgoraǃgâs ǁkhās ǀkhats ge nî ǀgoraǃgâhe tsîb ge sats ra nauna ǁguiba ǂhanuba sats tsîna nî ǁguibahe.

2 Tesalonikaǁîn 1:6

Elob ge a ǂhanu-ai tsî ǁnān hîa gere sado ǁgâiǀāna ǃgôaǃgondi ǀkha nî mādawa-am,

Jakobub 2:13

Elob ge ǀgoraǃgâb kao, ǀkhomoǃnâ khoe-e ǀkhom tama hâ. ǀKhomxasib ge ǀgoraǃgâsa ra dan.

ǂHaiǂhais 13:10

“Khoe-i ǃkhō-oms ǃoa ra ǂgaeǂguihe-i ge ǃkhō-oms ǃnâ nî ǂgâ-e. Tsî gôab ǀkha ra ǃgam-i ge ǁkhāti gôab ǀkha nî ǃgamhe. Nēpan ge Elob di khoena ǃnūǃnâxasib tsî ǂgoms tsîna nî ūhâ.”

ǂHaiǂhais 16:6

ǁÎn ge ǀaob ǃanun diba ge ǂnâxū tsî ǁkhāti sa kēbo-aogu diba. Tsîts ge ǁnā-amaga ǁîna ǀaoba ge mā, ǁîn nî āse, ǁnāsan ǃoaǂui hâ amaga.”

ǂHaiǂhais 19:2

“ǁÎb di ǀgoraǃgâdi ge ama tsî a ǂhanu-ai! ǁÎb ge ǁnā kai ǀai-aos, ǁîs di ǀaib ǀkha ǃhūbaiba gere ǁgaoǁgaosa ge ǁkhara. ǁÎb ge ǃgān âb di ǀaob ǂama ǁîsa ge ǀkhao.”

ǂHanuǂhanu-aogu 1:7

Ob ge Adonibeseka ge mî: “Hûdisi gao-aogu, ǃomdi tsî ǂaidi âgu di kai ǀkhunude ǁhāǁnâhe hâgu ge ǃgau hâ ǃârona ti tāb ǃnaka gere sākhâi. Nēsib ge Eloba ǁîgu ǀkha ta ge dī khami tita ǀkha go dī.” ǁÎb ge Jerusalems ǁga ǃgû-ūhe tsî ǁnāpa sī ge ǁō.

1 Samuel 15:33

Ob ge Samuela ǁîb ǃoa ge mî: “Sa gôab ge khoena ǃgam tsî ǁgûde ǀgôao kais ǁkhās khamis ge sa îs ona nî ǀgôao kaihe.” Tsîb ge Samuela ǃKhūb aiǃâ Gilgals ǃnâ Agaga ǃâdi ǃnâ ge ǁhāǃā.