Joel 3:2 - Khoekhoegowab 2020

² o ta ge ǁaede nî ǀhaoǀhao tsî ta ge ǁîde Josafatǃgoaǃnāb ǃnâ nî sī-ū. ǁNāpa ta ge ǁîde nî ǀgoraǃgâ, ti ǁaes Israels ǀkhan ge dīn ǃaroma. ǁÎn ge ti ǁaesa ǃhao ǃhūgu ǃnâ ǀgaruǀgaru tsî ti ǃhūba ge ǀgoraǃā.

Khoekhoegowab Elobmîs 2020

² o ta ge ǁaede nî ǀhaoǀhao tsî ta ge ǁîde Josafatǃgoaǃnāb ǃnâ nî sī-ū. ǁNāpa ta ge ǁîde nî ǀgoraǃgâ, ti ǁaes Israels ǀkhan ge dīn ǃaroma. ǁÎn ge ti ǁaesa ǃhao ǃhūgu ǃnâ ǀgaruǀgaru tsî ti ǃhūba ge ǀgoraǃā.

Joel 3:2 Iomraidhean Croise

2 Kroniks 20:26

Hakaǁî tsēs ai gu ge Berakaǃgoaǃnāb ǃnâ ǀhao tsî ǃKhūba ge koa, ǁnā-amagab ge ǁnā ǃgoaǃnāba Beraka ti ra ǀonǂgaihe.

Jesaja 66:16

ǀAes tsî gôab tsîra ǀkhab ge ǃKhūba hoaraga khoesiba nî ǁkhara, tsî ǁîb xa ǃgamhe hân ge kaise nî ǂgui.

Jesaja 66:18

Tita ge ǁîn sîsengu tsî ǂâide a ǂan tsî ta ge hoaraga ǃhaodi tsî gowaga nî ǀhaoǀhao tsîn ge ti ǂkhaisiba hā nî mû,

Jeremia 12:14

Nētib ge ǃKhūba ra mî: “Ti ǂkhaba ǀgūkhoen, ti ǁaes Israelsa ta ge ǀumis ase mā ǃhūba ra tsâǀkhā ǂgaon xasa, mû tita ge ǁîna ǃhūb âna xu nî tsubuǂui tsî ta ge Judaba ǁîna xu nî ǃnoraǃnora.

Jeremia 25:31

ǀŌb ge ǃhūbaib di ǀams kōse nîra sī ǃKhūb ǂnoaguǃkhai-e ūhâ ǁaedi ǀkha xui-ao; ǁîb ge khoesib hoab ǀkha ǀgoraǃgâs ǃnâ ra ǂgâ tsîb ge eloxoresana nî ǃgam” tib ge ǃKhūba ra mî.

Jeremia 49:1

Nētib ge ǃKhūba Amonǁîn ǂama ra mî: “Israela ǀgôaga ūhâ tama hâ? ǀUmi-ao-eb ūhâ tama? Tarexab Milkomma Gada ge ū tsîn ǁîb khoena Gadi ǃādi ǃnâ ǁan hâ?

Jeremia 50:17

“Israelǁîn ge xamgu xa sauruǀgaruǀgaruhe hâ gūna. ǂGurose ge ǁîna hapub ge Asiriab gao-aoba tsî ǀunis aib ge Babilons gao-aob Nebukadnesara ǁîn ǂkhōga ge xâu.

Esekiel 25:8

Nētib ge ǃKhūb Eloba ra mî: “Moab tsî Seiri tsîkha ge Judab ge nau ǁaedi ǁkhādi khami ge ī ti ra mî,

Esekiel 34:6

Ti gūn ge hoaraga ǃhomgu tsî ǃnâugu ai gere ǁhapuma. ǁÎn ge hoaraga ǃhūbaib ai ǀgaruǀgarusase ge hâ i, tsî i ge ǁîna ra dîǃgâ tamas ka io ra ôa khoe-i xare-e ge ǀkhai i.

Esekiel 35:10

“Sats ge mî amaga, ǁnā ǀgam ǁaera tsî ǃhūkha tsîn nî sa tsîts ǁîna nî ūbasen ǃkhaisa, ǃKhūb ǁnāpa hâ hîa.

Esekiel 36:1

“Satsa khoenôa ǀgôatse, Israeli ǃhomga kēboba îts mî: ‘Israeli ǃhomgo ǁnâu re ǃKhūb di mîsa.

Esekiel 36:5

“Nētib ge ǃKhūb Eloba ra mî: Amase ta ge tita khau ra ǁaib ǃnâ ǃgau hâ ǁaedi ǂama tsî Edommi din ti ǃhūba ge aitsama ūbasenn hoan ǂama ra mî. ǁÎn ge ti ǃhūb tsî ǃû-aidi tsîna kai dâb tsî ǃharaxūb ǀkha ge ǁkhâuǁnâ.

Esekiel 38:22

Tita ge ǁîba ǂhīǁōb tsî ǀaoǂnâxūs ǀkha nî ǀgoraǃgâ. Tita ge ǁîb tsî ǁîb di toroǂnubis tsî ǁîb ǀkha hâ ǂgui ǁaedi tsîn hoan ai ǀgaisa ǀnanub tsî ǃnareb, ǀaes tsî sulfuri tsîna nî ǀapi kai.

Esekiel 39:11

“ǁNātsē ta ge Goga ǁî-i tawab nî ǁkhōhe ǃkhai-e Israeli ǃnâ nî mā, ǃGûkhoenǃgoaǃnāb ǃnâ, ǂŌxahurib aiǂoasǀkhāb ai. ǁÎs ge ǃgûkhoen di daoba nî ǂganam. Gogi tsî ǁîb di ǂnubis hoaragas tsîn ge ǁnāpa nî ǁkhōhe, tsîb ge ǁnā ǃkhaiba Gogi ǂnubis di ǃGoaǃnāb ti nî ǀonǂgaihe.

Joel 3:12

A di ǁaede ǂhomisen tsî Josafatǃgoaǃnāb ǃoa hā. ǁNāpa ǂnû tsî ta ge ǂnamipeb di ǁaedi hoade nî ǀgoraǃgâ.

Joel 3:14

Kaise ǂgui ǂnubidi ge mîǁguib ǃgoaǃnāb ǃnâ hâ. ǃKhūb di tsēs a ǀgū xui-ao, mîǁguib ǃgoaǃnāb ǃnâ.

Amos 1:11

“Edommi ge ǃnākorobe ge ǃûǂam tsî ta ge ǁnās ǃaroma ǁîn di ǁkharaba ǁkhaedawa tide. ǁÎb ge ǁîb di ǃgâsab Israela gôab ǀkha ǃgôaǃgon tsî ǁîba ǀkhomxa tama i xui-ao. ǁÎb di ǁaib ge ǀûs ose ge aiǃgû tsîb ge ǀkhaoǂgaoxasib âba ǀamǀam tama ge i.

Mixa 4:12

Xawen ge ǁîna ǃKhūb di ǂâisa a ǀū; ǁîn ge ǁîb di ǀapesa ǁnâuǃā tama hâ. ǁÎb ge ǁîna ǃhoroǃgaeǀkhādi khami dāǃnâǃkhais ǃaroma nî ǀhaoǀhao.

Sefanja 3:8

“ǁNā-amaga tita ǃâu. ǃÂu ǁnā tsēs ǁîs ai ta khâi tsî ti ǁkhâuǁnâsa hā nî ūsa. Tita ge ǁaedi tsî gaosigu tsîna nî ǀhaoǀhao, ǁîn ai ta ti ǁaiba nî ǁhōǂuise, ǀoasa ǀgammi ti ǁaib diba. Hoaraga ǃhūbaib ge ti ǁaib di ǀaes xa nî hîkākāhe,” tib ge ǃKhūba ra mî.

ǂHaiǂhais 11:18

ǁAedi ge ǁaib xa ge ǀoa sa ǁaib di ǁaeb go hā xui-ao, ǁō hân nî ǀgoraǃgâhese. ǁAeb ge go hā mādawa-amts nîba, sa ǃgān, kēbo-aon tsî ǃanun, tsî ǁnān sa ǀonsa ra ǃaoǃgân, ǂkharin tsî kaina. Tsî ǁnān hîa ǃhūbaiba ra hîkākān ge nî hîkākāhe!”

ǂHaiǂhais 16:14

Nē ǁgâuagu* di gagagu ge saodi hoaraga ǃhūbaib di gao-aogu kōse ra ǂoade ra dī, ǁîga ǀguipa ǀhaoǀhaos ǀkha, Hoaǀgaixa Elob di kai Tsēb ai nî hâ torob ǃaroma.

ǂHaiǂhais 16:16

Tsî gu ge gagaga gao-aoga Hebregowab ǃnâ Armagedon ti ra ǂgaihe ǃkhaib tawa ge ǀhaoǀhao.

ǂHaiǂhais 16:6

ǁÎn ge ǀaob ǃanun diba ge ǂnâxū tsî ǁkhāti sa kēbo-aogu diba. Tsîts ge ǁnā-amaga ǁîna ǀaoba ge mā, ǁîn nî āse, ǁnāsan ǃoaǂui hâ amaga.”

ǂHaiǂhais 20:8

tsîb ge ǁîba hoaraga ǃhūbaib ǃnâ hâ ǁaedeb nî ǂgaeǂhapuse nî ǂoa, ǁnākha ge Gogi tsî Magogi tsîkha. Satanni ge ǁîn hoana ǃkhams ǃaroma nî ǀhaoǀhao, ǁnān hîa ǃgôab âna hurib di ǃhūb kōse ǂguina.