Joel 2:2 - Khoekhoegowab 2020

² Tsēs ǃkhaeb tsî ǃkhaenab dis, tsēs ǃâudi tsî kai ǃkhaenab disa. ǃKhaenab hîa ǃhomgu ai ra hāb, khamis ge kai tsî ǀgaisa ǂnubisa ra hā. ǁÎs khami īs ge aiǃâ ge ǀkhai i tsî ǃgoaxaǁaeb ǃnâs tsîna ǁkhawa hâ tide.

Khoekhoegowab Elobmîs 2020

² Tsēs ǃkhaeb tsî ǃkhaenab dis, tsēs ǃâudi tsî kai ǃkhaenab disa. ǃKhaenab hîa ǃhomgu ai ra hāb, khamis ge kai tsî ǀgaisa ǂnubisa ra hā. ǁÎs khami īs ge aiǃâ ge ǀkhai i tsî ǃgoaxaǁaeb ǃnâs tsîna ǁkhawa hâ tide.

Joel 2:2 Iomraidhean Croise

Psalmdi 10:6

ǂGaogu ân ǃnân ge ra mî: “Tātsēs tsîna da ge tsūǃgâ-i ǃnâ ǂgâ tide.”

Psalmdi 97:2

ǃÂudi tsî ǃkhaenab ge ǁîba ǃnamiǂgā hâ tsî ǂhanub tsî ǂhanu-aisib ge a ǁîb di tron.

Eksodus 10:14

ǁÎn ge kai ǂhoms ǃnâ Egipteb hoaragaba ǁnāǂam tsî hoaraga ǃhūb ǃnâ ge hâ. Hoaraga Egipteb ǃnân ge noxopa ǁnātikō ǂhoms di ǂhomna ge mûhe tama hâ i tsî ǁkhāti tātsēs tsîna ǁkhawa mûhe tide.

Eksodus 10:6

ǁÎn ge sa gao-omgu, sa ǂammâisagu tsî Egipteǁîn di omdi hoadi ǃnâ nî ǂgâ. Sadu aboxagu tsîn ge nēpa gu ge hā ǁaeba xu nēsis kōse noxopa ǁnāti ī xū-e ge mû tama hâ i.’ ” Ob ge Moseba dabasen tsî Faraoba xu ge ǃgû.

Eksodus 20:21

Moseb ge ǃkhae ǃâus, Elob ge hâǃnâ isa ǀgū on ge ǁîna ǃnūse ge mâ i.

Jesaja 5:30

ǁNā tsēs ai di ge hurib di ǀōb khami ǁîdi amǀnē-e nî ǃguruǃgâ. Khoe-i ga ǁnā ǃhūb ǃoa kō, o ra ge ǃkhaenas tsî ǂōǂōsib tsîra ǀguira nî hâ; tsîb ge ǃnâba ǃâudi xa nî ǃkhaeǃkhaehe.

Jesaja 8:22

ǃHūb ǃoan ga kō, on ge ǂōǂōsib tsî ǃkhaenas ǀguisa ra mû; ǃaoǃaosa ǃkhaenas hîan nî ǁgariǂgāǃnâhesa.

Jeremia 13:16

ǃKhūb sadu Eloba ǃgôasiba mā re; ǃkhaebab nî hā-ūs aiǃâ tsî di ǂaidi âdo ǃhomgu ai nî ǃomsens aiǃâ, tsî du ǃnâba ra ôa hîab ge ǁîba ǃoab ǃnâ ra ǀkharaǀkhara tsî kai ǃkhaenab ase ra dī.

Jeremia 13:6

ǁAe-i khaoǃgâb ge ǃKhūba “Khâi îts Eufrati ǁga ǃgû tsî ǁnāpa ta ge sâu kai tsi kamanaǃgaesenna sī ū” ti ge mîba te.

ǃGae-amdi 1:12

“Sadu nē daob ai ra ǃkharudo ǁae tama hâ? Tita tawa ge hâ tsû-i kō tsû-i hâsa kō re; tsûb, ǃKhūb ge tita ǂama hā kaiba, ǁaixasib âb ǃnâ.

Esekiel 32:7

Satsa ta ga hîkākā, o ta ge ǀhomma nî ǃgū-ai tsî ǀgamirode nî ǃkhaeǃkhae. Soresa ta ge ǃâudi ǀkha nî ǃgū-ai tsî ǁkhâb ge ǃnâ-e mā tide.

Esekiel 34:12

ǃÛi-aob ra ǀgaruǀgaruhe hâ gūn âba ôa khami ta ge tita ti gūna nî ôa. Tsî ta ge ǁîna ǀgaruǀgaruhen ge hâ i ǃkhaidi hoade nî huiǂui, ǃâudi tsî kai ǃkhaenas di tsēs ai.

Esekiel 38:9

Sats ge ǁgaoǂoas khami ǁîn ai nî hā, ǃâu-i ǃhūba ra ǃûǂam-i khami, sats tsî sa toroǂnubi hoadi tsî ǂgui ǁaedi sats ǀkha hâdi tsîdo.

Daniel 12:1

“ǁNā ǁaeb ǃnâb ge kai ǀhomǃgāb Mixaeli, sa ǁaes ǂama ǃûisa ūhâba nî ǂhai. ǁNā ǁaeb ge kaise nî ǃgom, ǃhaodi ge hâ isa xu i ge tātsēs tsîna ī tama hâ i khami. ǁNā ǁaeb ǃnân ge sa ǁaes din hoan hîa Elob di ǂkhanis ǃnâ xoamâisana nî sâuhe.

Daniel 9:12

Sats ge sida tsî sida ǂgaeǂgui-aogu ǀkhats nî dī tits ge mîna ge dīǀoaǀoa, kai tsūǀkhābats ge sida ǂama hā-ūs ǀkha. Hoaraga ǃhūbaib ai i ge Jerusalems ǀkha ge ī khami i xū-e ī tama hâ.

Joel 1:6

ǁAe-i ge ti ǃhūba ge hāǂam, kaise ǀgaisa tsî ǃgôaheǁoasa ǁae-e. ǁÎ-i ge xammi ǁgûga ge ūhâ i, ǀā ǁgûgu xams diga.

Joel 2:25

Tita ge ǁnā kai ǂhoms di ǂhomn ge sadu ǃgaosa hapu kurigu ǂama nî mādawa du, tita ge ǁnā kai toroǂnubisa sadu ǃoagu sî xui-ao.

Joel 2:31

Sores ge nî ǃkhaeǃkhaehe tsî ǁkhâb ge ǀaob khami nî ǀapa, kai tsî ǃaoǃaosa tsēs ǃKhūb dis nî hās aiǃâ.

Joel 2:5

ǁÎn ge torokunidi khami ra ǀōse, ǃhomgu di ǂaogu ai ra uri; ǂnâsa ǀgâna ra ǂhubi ǀaeǁhabub khami, ǀgaisa toroǂnubis, ǃkhams ǃoa ǂhomisas khami.

Joel 3:4

“Tare-e du tita ǃoagu ūhâ, sadu Tirus tsî Sidons tsî Filisteǁîn ǀkharib hoaragab dido? Tita du xū-i ǂama ra dīdawa-am ǂgao? Tita du ga ǀkhao, o ta ge tita sadu dība ǃhaese sadu danas ai nî ǁgôaxa kai.

Amos 4:13

ǁNāb ǃhomga ge ǂnubib tsî ǂoaba ge kurub; ǁnāb khoesiba ǁîb ǂâisa ra ǂanǂanni, ǁgoaǃaromasa ra ǃkhae kaib, ǃhūbaib di ǀgapigu ai ra ǃgûb, ǁîb ge ǃKhūb, Hoaǀgaixa Elob ti ǀon hâ.

Sefanja 1:7

ǃKhūb Elob aiǃâ ǃnō re, ǃKhūb di tsēs a ǀgū xuige. ǃKhūb ge ǁguiba-e ǂhomi tsî ǁkhausaben âba go khai.

Saxaria 14:6

ǁNā tsēs ai i ge ǃnâ-i, ǃkhai-i tamas ka io ǃkhoa-e hâ tide,

Mateub 24:21

ǁNā ǁaeb ǃnâb ge kaise kai ǂōǂōsib, tātsēs tsîna ge ǃhūbaib ǃnâ ī tama hâ i tsî ǁkhāti ǁkhawa mûhe tideba nî ī.

Markub 13:19

Nē tsēdi ge kaise nî ǃhuriǃhurisa, Elob ge ǃhūbaiba kuru ǁaeba xu nēsis kōse ī tama tsî ǁkhawa ī tide khami.

Deuteronomium 32:7

“ǃKharu gen tsî ǀnai ge ǃgû-īn tsîn xa ǂâi re. Sadu îba ī gere xūn xa tsî sadu aboxana ǃgû-ī gen xa dî re.

Hebreǁîn 12:18

Sadu ge tsâǀkhāhe ǁkhā ǃhom-i ǀaes ǀkha ra ǂhubi-i, ǃkhaeb, ǃkhaenab tsî ǁgaoǂoab,

Judab 1:13

ǁAixa ǃgabigu hurib digu, ǁîn di taosiba ra ǁgauǂuigu; ǀgamiron ǁîna xub ǃkhaenab di ǃkhaeba ǀamose sâuhe hân khamin ī.

ǂHaiǂhais 9:2

Nē ǀgamiros ge ǃgam āba ǁkhowa-am, ob ge kai ǁganoms di ǀanni khami ī ǀanna ǁnāpa xu ǂoaxa tsî sores tsî ǃāǂuisab tsîna ge ǃkhaeǃkhae.