Joel 1:7 - Khoekhoegowab 2020

⁷ ǁÎ-i ge sida draibehaina hîkākā tsî sida ǀnomahaide ge ǂkhôa. Tsî haidi ǁûga ǂgaeǁnâ tsî ge aoǁgui, haidi ǁnâugu ge ǃuris kōse.

Khoekhoegowab Elobmîs 2020

⁷ ǁÎ-i ge sida draibehaina hîkākā tsî sida ǀnomahaide ge ǂkhôa. Tsî haidi ǁûga ǂgaeǁnâ tsî ge aoǁgui, haidi ǁnâugu ge ǃuris kōse.

Joel 1:7 Iomraidhean Croise

Psalmdi 105:33

ǁÎn di draibehain tsî ǀnomahaideb ge ge hîkākā; ǁîn ǁanǀkharib di hainab ge ge khôaǂkhū.

Eksodus 10:14

ǁÎn ge kai ǂhoms ǃnâ Egipteb hoaragaba ǁnāǂam tsî hoaraga ǃhūb ǃnâ ge hâ. Hoaraga Egipteb ǃnân ge noxopa ǁnātikō ǂhoms di ǂhomna ge mûhe tama hâ i tsî ǁkhāti tātsēs tsîna ǁkhawa mûhe tide.

Eksodus 10:15

ǁÎn ge hoaraga ǃhūb nî ǂnūs kōse ǃhūba ǃgū-ai tsî hoaraga ǁhaon tsî haiǂûn, kai ǃnareb xa ge tsâǀkhāhe tama hâ i haidi din tsîna ge hapu. ǃAm xū-i tsîn ge ǀguis khami ī hai-i Egipteb di-i ais tsîna ge mûhe tama hâ i.

Jesaja 24:7

ǂAuxûib ge ra ǂnâ, ǂgonagu ge ra ǂnâtoa, ǃgâiaǂgao geren ge ǃoa hâ.

Jesaja 32:12

ǃHanagu, îsa ǃhanagu tsî ǂûtanixa ǂgonagu ǃaroma ǃoab ǀkha saso ǁkhaigu ai ǂnau!

Jesaja 5:6

ǁÎba ta ge ǀapob ase nî dī; ǁîba ta ge ǃaruǀî ǃgao tamas ka io ǃkhāǃkhuri tide; ǁîb ge ǁîǁhain tsî ǁkhūn tsîn xa nî ǁhaiǃnâhe; ǁkhāti ta ge ǃâude nî mîmā î di tā ǀapi.”

Jeremia 8:13

“Amase ta ga ti ǁaesa ǀhaoǀhao ǂgao, o draibe-i xare-e draibehais ai hâ i nî, tsî ǁkhāti ǀnomana ǀnomahais ai hân nî? Tita ge ǁîna mān hoan ge ǁîna xu nî ūbēhe” tib ge ǃKhūba ra mî.

Hosea 2:12

Tsî ta ge ǁîs di draibeǃhanagu tsî ǀnomahain, ǁîn xas “Nēn ge a ti mādawa-am, ti ǁâsagu ge mā tena” ti ra mîna nî hîkākā. ǁÎna ta ge ǃgaroǃhūse nî dī; tsîn ge ǃgarob xamarina ǁîna nî hapu.

Joel 1:12

Draibehaigu ge a ǂnâsa, ǀnomahaidi ge ǂnâ hâ; xranathaidi, palmhaidi tsî apelhaidi; ǃhanab di haidi hoadi ge ǂnâ hâ. ǃGâiaǂgaob ge khoena xu bē hâ.

Amos 4:9

“Tita ge sadu ǃhoroba ǀgamsa ǂoab tsî ǀae-ain ǀkha ge hîkākā. Tita ge sadu ǃhanagu tsî draibehain tsîna ge hîkākā. Sadu ǀnomahaidi tsî ǀkherahaidi tsîn ge ǂhomn xa ge haputoahe, xawe du ge tita ǃoa ǃhobasen tama ge i,” tib ge ǃKhūba ra mî.

Habakuk 3:17

ǀNomahais ga ǂûtani tama i tsî ǂû-i ga draibehais ai ǀkhai, ǀkherahais di ǂûtanib ga ī ǁoa tsî ǃhanagu ai i ga ǂû-i xare-e ǀkhai, gū-i xare-i ga gūǃharadi ǃnâ ǀkhai tsî goman di ǃharadi ga ǀkhaiǃnâ,

Maleaxi 3:11

Tita ge ǂhomna nî ǁkhae, în sadu ǃhūb di ǂûna tā hîkākā, tsî sadu draibehaidi ge ǂûtanioǃnâ tide,” tib ge ǃKhūb Hoaǀgaixaba ra mî.