Genesis 9:6 - Khoekhoegowab 2020

⁶ Elob ge khoesiba ǁîb īb ǃoa kuru xui-ao i ge mâ khoe-i hîa nau-e ga ǃgam-i hoa-e nî ǃgamhe.

Khoekhoegowab Elobmîs 2020

⁶ Elob ge khoesiba ǁîb īb ǃoa kuru xui-ao i ge mâ khoe-i hîa nau-e ga ǃgam-i hoa-e nî ǃgamhe.

Genesis 9:6 Iomraidhean Croise

Genesis 4:14

ǃHūba xu tsî sa aisa xuts ra tita ǃhaebē xui-ao. Hâǃkhaio khami ta ge ǃhūbaib ai nî hâma tsî-i ge hō te ka-i hoa-e nî ǃgam te.”

Genesis 42:22

Ob ge Rubenna ge ǃeream: “Mîba go tama ta ge hâ i, axab ǃoagu go ǁore tidesa? Xawe go kom ge ǃgâ te ǂgao tama hâ io. O ge ge nēsi ǁîb ǀaob ǃaroma ge nî ǃeream ǃkhaisa ra ǂgaoǀkhāhe.”

Genesis 5:1

Nēb ge Adammi surib di ǂgaekhâiba. Elob ge khoebab ge kuruo, ǁîba ǁîb īb ǃoa ge kuru.

2 Samuel 4:11

Mâtikōse ta ǁnās ǃgâ-ai ǁnāti eloxoresa khoekha, ǀhapio khoeba go oms âb ǃnâ kharob âb ai ǃgamkha ǀkha nî dī. Tita ge ǁōb âba amase sakho ai ǀkhao tsî sakho ǃhūbaiba xu nî hîkākā.”

1 Gao-aogu 2:9

Xawe satsa ǁîba nēsi tā ǀhapio kai, gā-ai khoets ge satsa xuige ǁnâuǃāxase dī, îts ǁîba kairab ka xawe ǃgam.”

2 Gao-aogu 11:1

Ahasiab îs Atalias ge ǀgôab âs go ǃgamhe ǃkhaisas ge mû, o hoaraga khoen gao-aob surib din nî ǃgamǂuihe ǃkhausa ge mîmā.

2 Gao-aogu 11:16

O gu ge ǁîsa ǃkhō, gao-ommi tawa sī-ū tsî Hān-Dao-ams tawa ge ǃgam.

2 Gao-aogu 11:20

Hoaraga ǁaes ge kaise gere ǃgâiaǂgao tsîs ge ǃāsa, Atalias ge gao-ommi tawa ǃgamhes khaoǃgâ ge ǃnōsa i.

2 Kroniks 33:24

Amonni di ǂamkhoegu ge ǁîb ǃoagu ǀapeǀhao tsî ǁîba gao-ommi âb ǃnâ ge ǃgam.

Psalmdi 51:4

Sats ǀguits ǃoagu ta ge ǁore tsî sa mûǁae a ǂkhabana go dī. ǃHoats ka, ots nî ǂhanu-aise, tsîts ǀgoraǃgâs âts ǃnâ nî ǃanuse.

Eksodus 20:13

“ǃGamts ge tide.

ǂKhoamîdi 28:17

Nau khoe-i ǀaoba ga ǂnâxū khoe-e, a i ǁō i nî tsēs kōse ǃhū; tā i ǁî-e khoe-i xare-i xa huihe.

Aoǁnâ-aob 3:3

ǁaeb ǃgams dib tsî ǁaeb ǂuruǂurus dib, ǁaeb khôaǁnâs dib tsî ǁaeb ǂnubikhâis diba.

Levitikus 24:17

“Khoe-i ǃgam ka-i hoa-i ge nî ǃgamhe,

Numeri 35:16

“Tari-i ǀgui-i ka xawe i ga ǀuri-i tamas ka io ǀui-i tamas ka io hai-e nau khoe-e ǃgams ǃaroma sîsenū, o i ge ǁî-e ǀhapixa tsî nî ǃgamhe.

Numeri 35:25

ǀHûhâsib ge ǃgams ǃaroma a ǀhapixa khoe-e, ǃgamhe ge khoe-i di ǀgūǀaokhoen di ǃomga xu huiǂui, tsî ǁî-e ǁhaiǁhâǀîǃās hîa i ge ǁhaiǁhâǀî hâ is ǁga nî oa-ū. ǁÎ-i ge ǁnā ǁaeb ǃnâ ǂgaeǂguis ǃnâ hâ ǀgapipristeri nî ǁōs kōse ǁnāpa nî hâ.

Numeri 35:33

Nēsats ga dī, ots ge ǁanǃnâts hâ ǃhūba ra ǀuriǀuri. ǃGams ge ǃhūba ra ǀuriǀuri, xawe ǃgamao-i di ǃgamhes ose, o-i ge ǃanuǃanus di ǁāxasib di ǂhâbasasi-e ǁnāti ī khoe-i ge ǃgamǃnâhe ǃhūb ǃnâ a ǀkhai.

Mateub 26:52

Ob ge Jesuba ǁîb ǃoa ge mî: “Sa gôaba ǃkhais âb ǃnâ ǂgā-oa. Gôab ǀkha ra ǃgam-i hoa-i ge gôab xa nî ǃgamhe.

Romeǁîn 13:4

ǁÎ-i sa ǃgâiba ǃoa Elob di ǃoaba-ao amaga. Xawe ǂkhababats ga dī, ots ge nî ǃao, ǁî-i ǁause gôaba tani tama amaga. ǁÎ-i ge Elob di ǃoaba-ao tsî a ǁaib di ǀkhao-ao, ǁnā-i ǂkhababa ra dī-i ǃoagu.

1 Korinteǁîn 11:7

Xawe khoeb ge ǀgapa tide, Elob di ī tsî ǂkhaisib a amaga, xawe khoes ge a khoeb di ǂkhaisi.

Deuteronomium 19:11

“Xawe i ga khoe-e ǁî-i ǀgūkhoe-e ǁkhan tsî ǁî-e ǃâuǁgoe tsî ǁnāǂam tsî ǃgam, tsî ǁnā ǁhaiǁhâǀîǃādi ǀguis ǁga ǁî-i ǃnorasasib ǃaroma ǁhaiǁhâ,

Deuteronomium 5:17

“ ‘ǃGamts ge tide.

Jakobub 3:9

ǁÎs ǀkha da ge ǃKhūb tsî ǁGûba kare tsî ǁkhāti ǁîs ǀkha khoen hîa Elob īb ǃoa ge kuruhena ra ǀâxare.

ǂHaiǂhais 13:10

“Khoe-i ǃkhō-oms ǃoa ra ǂgaeǂguihe-i ge ǃkhō-oms ǃnâ nî ǂgâ-e. Tsî gôab ǀkha ra ǃgam-i ge ǁkhāti gôab ǀkha nî ǃgamhe. Nēpan ge Elob di khoena ǃnūǃnâxasib tsî ǂgoms tsîna nî ūhâ.”

ǂHanuǂhanu-aogu 9:56

ǁNātib ge Eloba ǁîb di hûdisi ǃgâsaga ǃgams ǀkhab ge ǁgûb ǃoagu a dī ǂkhabadīb ǂama Abimelexa ge mādawa-am.

1 Samuel 15:33

Ob ge Samuela ǁîb ǃoa ge mî: “Sa gôab ge khoena ǃgam tsî ǁgûde ǀgôao kais ǁkhās khamis ge sa îs ona nî ǀgôao kaihe.” Tsîb ge Samuela ǃKhūb aiǃâ Gilgals ǃnâ Agaga ǃâdi ǃnâ ge ǁhāǃā.