Genesis 48:4 - Khoekhoegowab 2020

⁴ ǁÎb ge ‘Tita ge satsa ǂûǂûxa kai tsî ǂgui ǀgôana nî mā, surib âts ge nî ǂgui ǁae kai tsî ta ge nē ǃhūba ǁîna ǁîn di ūhâxūse nî mā’ ti ge mî.

Khoekhoegowab Elobmîs 2020

⁴ ǁÎb ge ‘Tita ge satsa ǂûǂûxa kai tsî ǂgui ǀgôana nî mā, surib âts ge nî ǂgui ǁae kai tsî ta ge nē ǃhūba ǁîna ǁîn di ūhâxūse nî mā’ ti ge mî.

Genesis 48:4 Iomraidhean Croise

Genesis 12:2

Tita ge satsa ǂgui suriga nî mā tsîn ge ǁîna kai ǁaese nî ī. Tita ge satsa nî ǀkhae tsîs ge sa ǀonsa khoen ǃnâ nî ǃgôaǃgôasa, tsîts ge khoena ǀkhaeb ase nî ība.

Genesis 17:13

Nēsi gu ga sa oms ǃnâ ǃnae hâs, sa mari-i ǀkha gu ga ǁamahe hâs hoasa gu ge nî ǃgaohe. ǁNātis ge ti ǃgaeǀhaos di saosa sadu di sorodi ai ti ǃgaeǀhaos, sadu ǀkha ta ūhâs a ǀamo ǃkhaisa nî ǁgauǂui.

Genesis 17:6

Tita ge satsa ǂgui surib, ǁîba xun ǀnîn âna gao-aose nî ǂoaxaba nî mā. Sa surib ge ǁnātikōse nî ǂgui, ǃhaodi asen nî īs kōse.

Genesis 17:8

Tita ge nē ǃhūb, nēsits ǃhaokhoese hâǃnâba sats tsî sa suriba nî mā. Hoaraga Kanaanǃhūb ge ǀamosib kōse nî sa surib di tsî ta ge tita nî ǁîn di Elo.”

Genesis 22:17

ta ge kai surib ǃāǂuisab ǀgamirodi di ǂguiba ūhâ tamas ka io hurib ǃhūb kōse nî ǂguiba nî mā tsi. Tsîb ge sa suriba ǁîn di khākhoena nî ǃkhamdā.

Genesis 26:4

Tita ge sa suriba ǃāǂuisab ǃnâ hâ ǀgamirodi kōse ǂguiǂgui tsî nē hoaraga ǃhūǀkhariba ǁîna nî mā. Sa surib ǃnâ-u di ge hoaraga ǁaedi ǃhūbaib ai hâde nî ǀkhaehe.

Genesis 28:3

Ab Hoaǀgaixa Eloba sa ǃgameba ǀkhae tsî ǂgui ǀgôana mā tsi îts ǂgui ǁaedi di ǁgû kai.

Genesis 32:12

Sats kom ‘Tita ge satsa ǃgâidī tsî sa suriba hurib di ǃhūb, ǃgôahe ǁoab khami nî ǂguiǂgui’ ti ge mîo.”

Genesis 35:11

Tsîb ge Eloba ge mî: “Tita ge a Hoaǀgaixa Elo. ǂÛǂûxa î ǂgui ǀgôana hō. ǁAedi ge satsa xu nî hā tsîts ge satsa nî gao-aogu di aboxa.

Genesis 46:3

Ob ge Eloba Jakob ǃoa ge mî: “Tita ge a Elo, sa îb di Elota, xuige tā Egipteb ǃoa ǃgûsa ǃao, tita ǁnāpa sa suriba kai ǁaese nî dī xuige.

Genesis 47:27

Israelǁaes di khoen ge Gosenǀkharib, Egipteb dib ǃnâ ǁan tsî ǃkhū tsî ǁkhāti ge ôananôagu.

Psalmdi 127:3

Aore ǀgôagu ge ǀumi-amǃnâs ǃKhūba xu hâs ase ī; ǁhās di ǂûtanib ge a mādawa-am.

Eksodus 1:11

ǁNā-amagab ge gao-aob tsî ǁîb ǀapemāǃnans tsîna mûǂamaoga ge ǁgaumâi, ǃgom sîsengu ǁîna gagasise nî dīhapuga ǁîn ai nî ǁgariǁnâse. Israelǁîn ge nē ǁgariǁnâs ǃnaka Faraob di sîsenūs ǃaroma ǃāra Pitoms tsî Rameses tsîra ge ǂnubi.

Eksodus 1:7

xaweb ge ǁîgu surib, Israeli diba ǃaruǀî ôananôagu, kai ǃgôab ǃnâ ǂguiǂguisen tsî ge ǀgai, Egipteb ge ǁîn xa ǀoas kōse.

Esekiel 37:25

Tsîn ge ti ǃgāb Jakoba ta ge mā ǃhūb, ǁîn aboxagu ge ǁanǃnâ hâ ib ǃnâ nî ǁan. ǁÎn tsî ǁîn ôan tsî ǁnuriǀgôan tsîn ge ǀamose ǁnāpa nî ǁan tsîb ge ti ǃgāb Davida ǀamose ǁîn ǂama nî gao.

Levitikus 26:9

ǀKhae du tsî ta ge ǂgui ǀgôana nî mā du; ti ǀkhāb ǃgaeǀhaos dib sadu ǀkha ta ge dība ta ge nî ǃkhōǀgara.

Deuteronomium 32:8

Hoaǀgaixab ge ǃhaode ǁîdi ǃhūba mā, tsî mâtin nî ǁan ǀgaub ǃnâ ge ǀgoraǂgā. Israelǁîn di ǂguisib ǃoab ge ǁîna ǃhūǀgoradi ǃnâ ge ǀgoraǂgā.