Genesis 3:5 - Khoekhoegowab 2020

⁵ Elob ge ǁîsa xu ro ga ǂû, o ro ǁîb khami ī tsî ǃgâin tsî tsūn ǁaegu ǀgoras di ǂansa nî ūhâ ǃkhaisab ǂan xui-ao ǁnāti ge mî.”

Khoekhoegowab Elobmîs 2020

⁵ Elob ge ǁîsa xu ro ga ǂû, o ro ǁîb khami ī tsî ǃgâin tsî tsūn ǁaegu ǀgoras di ǂansa nî ūhâ ǃkhaisab ǂan xui-ao ǁnāti ge mî.”

Genesis 3:5 Iomraidhean Croise

Genesis 2:17

ǁnā hais ǃgâin tsî ǂkhaban ǁaegu ǀgoras ǂansa ra mās ǀguis ose, ǁîsa xuts ga ǂû, ots ge ǁkhā tsēs ai nî ǁō.”

Genesis 2:9

Tsîb ge ǃKhūb Eloba hoa haiǃnôana ǃhūba xu ge ǀomkhâi kai. Hain, mûs ai îsa tsî ǃgâi ǂûna ra tanina. ǃHanab ǁaegub ǃnâ ra ge ûib di hais tsî ǃgâin tsî ǂkhaban ǁaegu ǀgoras di ǂans hais tsîra ge mâ i.

Genesis 3:10

Ob ge “ǃHanab ǃnâ ta go ǁnâu tsi, o ta ge ǃao tsî satsa xu go gau, ǀōǀkhā ta hâ xui-ao” ti ge ǃeream.

Genesis 3:22

Tsîb ge ǃKhūb Eloba ge mî: “Nēsisab ge khoeba sage di ǀguib khami ī tsî ǃgâin tsî tsūn ǁaegu ǀgorasa a ǂan. ǁÎb ge ǃommi âba ǀhōǂui tsî ûib di haisa xu ū tsî ǂûsa mā-amhe tide, ǁnāsab ga dī, ob nî ǀamose ûi xui-ao.”

Genesis 3:7

ǂÛtoa ra ges khaoǃgâ ra ge ǁnâuǃāba hō tsî ǀōǀkhā ra hâ ǃkhaisa mûǂan, o ra ge ǀnomahais di ǂgaegu ǀkha ǃgaera ge ǂomǁaebasen.

1 Gao-aogu 22:6

Ob ge gao-aob Axaba kēbo-aogu, ǁaubexa hakakaidisiga ǂgaiǀhao tsî ǁîga ge dî: “ǃKham ta sī nî Ramots ǃoagu tamas ka io ta nî ǀû?” O gu ge ǁîga “ǃKham sī, ǃKhūb ǁîs ǂama dansa nî mā tsi xuige” ti ge ǃeream.

2 Kroniks 32:15

Tāb Hiskiaba sado nēti gā tsî ǂgaeǂhapu. Tā ǁîba ǂgom. ǀGui ǁae-i tamas ka io gaosi-i di elob tsîn ge ǁîb ǁaesa, ti ǀgaib tamas ka io ti aboxagu di ǀgaiba xu ge huiǂui ǁoa i. Sadu Elob tsîn ge sado huiǂui ǁkhā tide.”

Psalmdi 12:4

“Sida ge mîdi ǀkha ǂhâba da ra xū-i hoa-e ra hō tsî da ge ǂgao da ra xū-i hoa-e nî mî tsî i ge khoe-i xare-e ǂkhā da tide” ti ra mîde ǃnōǃnō.

Eksodus 20:7

“ǃKhūb sa Elob ǀonsats ge ǁause ǂgaiǀhuru tide, ǃKhūb ǁkhara tamase hâ kai tide ǁnā-i ǁîb ǀonsa ra ǂgaiǀhuru-e xui-ao.

Eksodus 5:2

Xaweb ge Faraoba “Tariba nē ǃKhūba, o ta tita ǁîb domma ǁnâuǀnam tsî Israelǁîna nî ǃnoraǃnora? Tita ge ǃKhūba a ǀū tsî ta Israelǁîna ǃnoraǃnora tide” ti ge mî.

Jesaja 14:14

Tita ge ǃâudi ǀgapise nî ǂoa; Hoan xa ǀGapib khami ta ge nî ī.’

Esekiel 13:22

“Saso ge ǂhanu-ai khoen di ǂgaoga ǂhumib ǀkha ge ǂkhabaǂkhaba, tita ǁîna ǂkhabaǂkhaba tama xawe; saso ge ǂkhaba khoena ǁîn ǂkhabadīb ǃnâ ǃaruǀî ǀgui ǂkhabaǂkhaba, ûib ǃoa ǁîna huis ǃās ǃnâ.

Esekiel 28:12

“Khoenôa ǀgôatse, Tires gao-aob ǃaroma ǃgaetsana-e ǁnae, î ǁîb ǃoa mî: Nētib ge ǃKhūb Eloba ra mî: ‘Sats ge hoa ǃgâi xūn di aiǁgau ge itsa, sats ge gā-aisib xa ǀoa tsî îsasib ǃnâ a dīǀoaǀoasa.

Esekiel 28:2

“Khoenôa ǀgôatse,” “Tires gao-aob ǃoa mî: Nētib ge ǃKhūb Eloba ra mî: Sa ǂgaob a ǂnīsa, tsîts ge mî xui-ao: ‘Tita ge a elo; tita ge elogu ǂnû-aiǃnaos ai ǂnôa, hurigu di ǁaegub ǃnâ.’ Xawets ge khoes ǀguisa ī tsî elo tama hâ, sa ǂâisats ga elo-i ǂâis ǀkha ǀgopeǀnō xawes tsîna.

Esekiel 28:9

Noxopats nî mî: ‘Tita ge elota’, ti, satsa ra ǃgamn di mûǁae, xawets khoes ǀguisa ī tsî elo tama hîa, ǁnān satsa tsui hân di ǃomǁaets hâ hîa?

Esekiel 29:3

tsî mî: Nētib ge ǃKhūb Eloba ra mî: Tita ge sats ǃoagu hâ, Farao, Egipteb di gao-aotse, sats kai draki ase ǃāgu ǁaegu ǁgoe tsî ra mîtsa: Ti Nylǃāb ge a ti, tita ge ǁîba, tita ǃaroma ge kuru.”

Daniel 4:30

hîab ge ge mî: “Kō re mâtikōses Babilonsa kaisa. Ti ǀgaib di ǁkhāsiba xu ta ge ǁîsa, ti ǃgôasib tsî ǂkhaisiba ǃoa, gao-aosi danaǃāse ge ǂnubi.”

Daniel 6:7

Sige hîa ǂgaeǂguis ǃnâ mâge, mûǂamaoge, gowoniage, ǀkharisi ǂgaeǂgui-aoge tsî ǂamkhoege ge go ǁnâugu, gao-aosi mîmā-i nî māǂuihesa. Nē mîmās ge ǁkhōǁkhōsase nî ǂgaoǀkhā, ǃnonadisi tsēdi ǁaeb ǃnâ ga sats gao-aots ose, ǀnî elo-i tamas ka io khoe-e ǀgoreǀî khoe-i hoa-i, xamn āb ǃnâ nî aoǂgāhesa.

Mateub 6:23

xawes ga sa mûsa ǃgâi tama i, os ge sa sorosa ǃkhaenab ǃnâ nî hâ. Tsî ǃnâb sats ǃnâ hâb ga ǃkhae, o mâtikōseb durutsuxus xase nî kai!

ǃNaeǃkhaidi 26:18

Sats ge mûdi âna nî khowa, ǁînats ǃkhaenaba xu ǃnâb ǃoa tsî Satanni* ǀgaiba xu Elob ǃoa nî unuse. Tsîn ge ǁîna tita ǃnân ūhâ ǂgomsa xu ǁoren âna ǀûbahe tsî Elob di ǃanun ase nî ǂansa.’

2 Korinteǁîn 11:3

Xawe ta ra ǃao, sadu ǂâidi nî Xristub ǃnâ du ūhâ ǂgomsa xu ǂgaeǂhapuhe ǃkhaisa, ǀaob ge Evasa gāxaǃnâsib âb ǀkha ǂgaeǂhapu khami.

2 Korinteǁîn 4:4

ǁNāb hîa ǂkhabab ge ǂgomoǃnân di ǂâide ge ǂgī kai. ǁNā-amagan ge nē khoena ǃGâiǂhôas ūhâ ǃnâb, Xristub* di ǂkhaisib hîa Elob di īb xa hâba mû tama hâ.

2 Tesalonikaǁîn 2:4

ǁnāb mâǃoas ǃnâ aitsama ra mâisenni tsî hoan ǂamai ra ǀgapiǀgapisenni, Elob ǀkha dīxūxa xū-i hoa-i ǃoagu tamas ka io Elob Tempeli ǃnâ ǂnû tsî Elob ase ra mâi-aiǃâsenna.

ǂHaiǂhais 13:14

Tsîb ge ǃhūbaib ai ǁan hâna ǁîb ge ǂguro ǀgurub aiǃâ dīb nîsa mā-amhe hâ i saodi ǀkha gere ǂgaeǂhapu. Tsîb ge ǁîna ǁnā ǀgurub hîa ǁkhōǁkhōsaseb ge tsû xawe ûitsamab di ǃgôasiba ǃoan nî ī-e kuru ǃkhaisa ge mîba.

ǂHaiǂhais 13:4

Tsîn ge hoaragana ǁîb di ǁkhāsibab ge ǀguruba mā xui-ao, draka gere ǀgoreǀî. ǁKhātin ge ǀgurub tsîna ǀgoreǀî tsî gere mî: “Tari-e ǀgurub khami ī-e? Tari-e ǁîb ǃoagu a ǃkham ǁkhā?”

ǂHanuǂhanu-aogu 3:2

Mâ surib Israelǁîn dib hoabab torob xa nî ǁkhāǁkhāseb ge ǃKhūba nēsa ge dī, ǀō-aisase ǁnān noxopa ge toro-i ǃnâ hâtsâ tama hâ in ǃaroma.