Genesis 3:1 - Khoekhoegowab 2020

¹ ǀAob ge ǃKhūb Elob ge kuru hoaraga ǀgurun ǃgâ-ai ge ǀhôagao i ǀguruba. ǁÎb ge tarekhoesa ge dî: “Amabes ǃnâb kha Eloba nē ǃhanab ǃnâ mâ haidi ǂû-i xare-e ro ǂû tide, ti ge mî?”

Khoekhoegowab Elobmîs 2020

¹ ǀAob ge ǃKhūb Elob ge kuru hoaraga ǀgurun ǃgâ-ai ge ǀhôagao i ǀguruba. ǁÎb ge tarekhoesa ge dî: “Amabes ǃnâb kha Eloba nē ǃhanab ǃnâ mâ haidi ǂû-i xare-e ro ǂû tide, ti ge mî?”

Genesis 3:1 Iomraidhean Croise

Aoǁnâ-aob 4:10

ǀGui-i ga ǁnā, o-i ge nau-i xa a huikhâihe ǁkhā. Xawe i ge kaise a ǃoaǃoaxa ǁnā khoe-i hîa ǁnā-i ka, o nî huikhâi-i khoe-e ūhâ tama-i ǃaroma.

Jesaja 27:1

ǁNā tsēs aib ge ǃKhūba ǁîb ǀā, kai tsî ǀgaisa gôab ǀkha ǃkhoeni ra ǀaob Leviatanna nî ǂnau, ǂgunixa ǀaob Leviatanna tsîb ge ǁîba hurib ǃnâ hâ draka nî ǃgam.

Mateub 10:16

“Mû, tita ge sago gūn ase ǂhiran ǁaegu ra sîǂgā; ǀaon khami gā-ai, î ǂnabun khami ǀhapio.

Mateub 4:3

Ob ge ǁgâuaba hā tsî ǁîb ǃoa ge mî: “Elob Ôats kao, nē ǀuide mîba, î di pere kai.”

Mateub 4:6

tsî ge mî: “Elob Ôats kao, uriǁgôa re! Xoahe hâ xui-ao: “ ‘ǁÎb ge ǀhomǃgāgu âba sats ǃaroma nî mîmā; ǁÎgu ge ǃomgu ai nî tani tsi, ǂais âtsats ǀui-i ai ǃnom tidese.’ ”

Mateub 4:9

“Nēn hoana ta ge nî mā tsi, ǃhonǁgoa tsîts ga tita ǀgoreǀîo.”

2 Korinteǁîn 11:14

Tsî ǁnās ge buruxa tama hâ, Satanni* ǂûb kom ǃnâb di ǀhomǃgāse ra ǀkharaǀkharaseno,

2 Korinteǁîn 11:3

Xawe ta ra ǃao, sadu ǂâidi nî Xristub ǃnâ du ūhâ ǂgomsa xu ǂgaeǂhapuhe ǃkhaisa, ǀaob ge Evasa gāxaǃnâsib âb ǀkha ǂgaeǂhapu khami.

1 Petrub 3:7

ǁNās ǁkhās ase sago aogo, ǁnâuǃāxase ǁîdi ǀkha ûiǁare, î go ǁîde ǃgôasib ǀkha sîsenū, ǁîdi sago xa ǂkhabusa xawe sago ǁkhāgo ǀkha ǀkhommi hōsa nî ǃkhōǃoa xuige, o di ge sago ǀgorede ǂhanihe tide.

ǂHaiǂhais 12:15

Ob ge ǀaoba ǃāb khami ra dâu ǁgamma khoes ǃgâb ai ǀkhabuǂui, îs ga ǁîsa ǃāb xa dâubēhe ǁkhā.

ǂHaiǂhais 12:9

Kai draki, ǁnā ǀoro ǀaob, ǁgâuab* tamas ka io Satanni* ti ra ǂgaiheb hîa hoaraga ǃhūbaiba ra ǂgaeǂhapub ge ge aoǂuihe. ǁÎb ge ǃhūbaib ǃoa ge aoǁnâhe, hoaraga ǀhomǃgāgu âb ǀkha.

ǂHaiǂhais 20:2

ǁÎb ge draki,* ǁnā ǀoro ǀaob, ǁgâuab*, Satanna* ǃkhō tsî ǁîba ǀoadisi kuriga ge ǃgae.