Genesis 26:4 - Khoekhoegowab 2020

⁴ Tita ge sa suriba ǃāǂuisab ǃnâ hâ ǀgamirodi kōse ǂguiǂgui tsî nē hoaraga ǃhūǀkhariba ǁîna nî mā. Sa surib ǃnâ-u di ge hoaraga ǁaedi ǃhūbaib ai hâde nî ǀkhaehe.

Khoekhoegowab Elobmîs 2020

⁴ Tita ge sa suriba ǃāǂuisab ǃnâ hâ ǀgamirodi kōse ǂguiǂgui tsî nē hoaraga ǃhūǀkhariba ǁîna nî mā. Sa surib ǃnâ-u di ge hoaraga ǁaedi ǃhūbaib ai hâde nî ǀkhaehe.

Genesis 26:4 Iomraidhean Croise

Genesis 13:16

Tita ge sa suriba ǃhūbaib di tsarab khami nî ǂguiǂgui, tsî khoe-i kom ga ǃhūbaib tsaraba ǃgôa ǁkhāo, ob ge sa surib tsîna nî ǃgôahe ǁkhā.

Genesis 15:18

ǁNā tsēs aib ge ǃKhūba Abrammi ǀkha ǃgaeǀhaosa dī tsî ge mî: “Tita ge Egipteb di ǃhūǀgorasa xu Eufratǃāb kōse hâ ǃhūba ta nî sa suriba mā ǃkhaisa ra mîmâi.

Genesis 15:5

Tsîb ge ǃKhūba Abramma tentoms âba xu ǂoaxa-ū tsî ge mîba: “ǃĀǂuisab ǃoa kōkhâi, îts ǀgamirode ǃgôatsâ; ǁîdi kōse ǂgui suribats ge nî ūhâ.”

Genesis 18:18

ǁÎb di surib ge kai tsî ǀgaisa ǁaese nî ī tsî ta ge ǁîb ǃnâ-u hoaraga ǁaede nî ǀkhae.

Genesis 26:24

ǁNā tsuxub ǃnâb ge ǃKhūba ǁîba ǂhai tsî ge mîǀî: “Tita ge sa îb, Abrahammi di Elota. Tā ǃao re, tita sats ǀkha hâ xuige. Tita ge satsa ǀkhae tsî kai suriba nî mā, ti ǃgāb, Abrahamma ta ge dība mîmâis ǃaroma.”

Genesis 28:14

ǁÎn ge ǃhūb di tsarab, ǃhūbaib ai hâb kōse nî ǂgui. ǁÎn ge ǀkharib âna hoa ǀkhāgu ai nî kaikai tsî ta ge sats tsî sa surib ǃnâ-u hoaraga ǁaedi ǃhūbaib dide nî ǀkhae.

Genesis 28:3

Ab Hoaǀgaixa Eloba sa ǃgameba ǀkhae tsî ǂgui ǀgôana mā tsi îts ǂgui ǁaedi di ǁgû kai.

Genesis 35:12

Tita ge sats tsî ǁkhāti sa surib, sa khaoǃgâ nî hāb tsîna Abrahammi tsî Isak hâkha ta ge mâ hâ i ǃhūba nî mā.”

Genesis 47:27

Israelǁaes di khoen ge Gosenǀkharib, Egipteb dib ǃnâ ǁan tsî ǃkhū tsî ǁkhāti ge ôananôagu.

1 Kroniks 27:23

Gao-aob Davidi ge ǀgamdisi kurigu xa ǃnaka hâ khoena ge ǃgôakhâi tama hâ i, ǃKhūb ge Israelǁînab, ǀhommi di ǀgamiron kōse nî ǂguiǂgui ti mîmâi xui-ao.

Psalmdi 72:17

As gao-aob ǀonsa ǀamose hâ re; as sores hâs kōse ǀons âba aiǃgû. Hoa ǁaedi ge ǁîb ǃnâ nî ǀkhaehe tsîb ge ǁîba nî karehe.

Eksodus 32:13

Sa ǃoaba-aogu Abrahammi, Isaki tsî Jakob tsîgu xa ǂâi re. ǁÎgu ǀkhats ge mîmâi nūs xa ǂâi re: ‘Tita ge ǀhommi di ǀgamiron khami sago suriba ǂguiǂgui tsî ǁîna ta ge mîmâiba ǃhūb hoaragaba ǁîn di ǀamo ūhâxūse ǁîna nî mā.’ ”

Eksodus 6:4

Tita ge ǁkhāti ti ǃgaeǀhaos, Kanaanǃhūb hîa gu ge ǁanǃnâ hâ iba māgus disa ǁîgu ǀkha ge ǁapoǁapo.

ǃNaeǃkhaidi 3:25

Sadu kom ǁnā kēbo-aogu di ôadu, ǀumi-aodu Elob ge sada di aboxagu ǀkha dī ǃgaeǀhaos, nētib ge Abrahammi ǁga mîs disa: ‘Sa suriba xu hâ khoe-i ǃnâ-u ta ge ǃhūbaib ai hâ khoen hoana nî ǀkhae.’

Galateǁîn 3:16

Elob ge ǁîb di mîmâisa Abrahammi tsî ǁîb di surib ǀkha ge dī. Xoas ǃnâ i ge “surigu” ti ǂguiǀnōb ǃnâ xoahe tama i tsî ǀguiǀnōb ǃnâ “surib” ti ǀgui xoasa hîa ǀgui khoeb, Xristub xa ǀgui ra ǂâibasensa.

Galateǁîn 3:8

Tsîs ge Xoasa ǀnai ge aimûǀgaru Elob nî Jodeǁî taman* tsîna ǂgoms ǃnâ-u ǂhanu-ai kai ǃkhaisa. ǁNā-amagab ge Eloba ǀnai ǃGâiǂhôasa Abrahamma nēti ge aoǁnâba: “Sats ǃnâ di ge ǃhūbaib di ǁaedi hoade nî ǀkhaehe.”

Deuteronomium 13:17

Tā hîkākāhe nîse ge ǀhaoǀhaohe xūna xu xū-i xare-e ū, îb tā ǃKhūb di ǁaiba sadu ǃoagu khâi, xaweb ǀkhom tsî ǀkhomxa du î du sadu aboxagab ge mîmâiba khami ǂguiǂguisen.

Deuteronomium 9:5

Sadu a ǃgâi tsî ǂhanu-aio tamas ge ǃKhūb sadu Elob ǁîn ǃhūba ra ū kai dusa. Xaweb ge nē ǁaedi ǂkhaba ǃkhais ǃaroma tsî ǁkhāti mîmâis hîab ge ǃKhūba sadu aboxagu Abrahammi, Isaki tsî Jakob hâgu ǀkha dīs ǃaroma ǁîde ge doeǁgaǂui.

Hebreǁîn 11:2

ǁÎn di ǂgomsa xus ge sada aboxan ge Elob xa ūǃoahesa.