Genesis 2:8 - Khoekhoegowab 2020

⁸ Tsîb ge ǃKhūb Eloba Edens ǃnâ, aiǂoasǀkhāb ai ǃhanaba ǂgā tsî khoeb, ǁîb ge ǂnubiba nē ǃhanab ǃereamsa ge mā.

Khoekhoegowab Elobmîs 2020

⁸ Tsîb ge ǃKhūb Eloba Edens ǃnâ, aiǂoasǀkhāb ai ǃhanaba ǂgā tsî khoeb, ǁîb ge ǂnubiba nē ǃhanab ǃereamsa ge mā.

Genesis 2:8 Iomraidhean Croise

Genesis 13:10

Ob ge Lota kōǂnami tsî hoaraga Jordanni ǃgoaǃnāb, Soars ǁga garub ǃKhūb di ǃHanab khami kai ǁgam-e ūhâ tamas ka io Egipteb khami ī ǃkhaisa ge mû. Nēs ge ǃKhūb nî Sodoms tsî Gomoras tsîra hîkākās aiǃâsa.

Genesis 3:23

ǁNātib ge ǃKhūb Eloba Adamma Edenǃhanaba xu ge ǃgû kai, ǁîba xub ge kuruhe ǃhūbab sī nî sîsense.

Genesis 3:24

Tsîb ge aiǂoasǀkhāb ǃhanab dib ai ûitsama kurusaben tsî ǁhabu ra gôa-i, hoa ǀkhāgu ǁga ra dabasen-e ge mâi. Nēs ge ûiba ra mā hais tawa i khoe-i xare-e nî ǀgū ǃkhaisa ǁkhaes ǃaroma ge dīhe.

Genesis 4:16

Tsîb ge Kainna ǃKhūb di aisa xu ǃgûbē tsî Nodǃhūb, Edens aiǂoasǀkhāb ai hâb ǃnâ sī ge ǁan.

2 Gao-aogu 19:12

Ti aboxagu ge Gosans, Harans tsî Resefs tsîde hîkākā tsî Edens khoen Telasars ǃnâ ge ǁan hâ ina ge ǃgam, xaweb ge ǀguib ǁîn elogu dib xaweba ǁîna ge huiǂui ǁoa i.

Jesaja 51:3

“ǃKhūb ge Sionsa nî ǁkhaeǂgao; ǁîb ge hîkākāhe ge ǃkhaidi hoade nî ǁkhaeǂgao. Tita ge ǃgaroǃhūba Edenni khami nî dī, tsî ǁîs ǀgopaǃhūba ǃKhūb di ǃhanab khami. ǃGâiaǂgaob tsî dâb tsîkha ge ǁîs ǃnâ nî hâ, gangans tsî ǁnaetsanas ǀōba.

Esekiel 27:23

Skebab, Asuri tsî Kilmanni di ǂharugu-aogu Haranni, Kanneb tsî Edenni tsîgu ge sas ǀkha gere ǁamaǂharugu.

Esekiel 28:13

Sats ge Elob di ǃhanab, Edenni ǃnâ ge hâ i; mâ ǃgomǀgausa ǀuis hoas ge ge sa ǃgū-aixū i: Sardisǀuidi, topas, diamantǀuidi, turkoes, sardoniksǀuidi, jaspisǀuidi, safir, robain, smaraxǀuidi tsî ǃhuniǀurib ǂnûǃkhaidi tsî ǀuide xu ǃgaoǂuisa xūn tsîna. Sats ge kuruhe tsēs ain ge ǁîna ge ǂhomisa i.

Esekiel 31:16

ǁÎs ǁnās di ǀōb ǀkha ta ge ǃhaode ge ǀkhū kai, ǁîsa ta ge ǁŌhân Hâǃkhaib ǃoa āb ǃnâ ra ǁgôan ǀkha sîǁgôao. Tsî hoaraga haidi Edenni didi tsî ôaǂuisa tsî ǂoaǂamsa haidi Libanonni didi, ǃgâise ǂnâhe hâdi ge ǃhūbaib di ǃgamsib ǃnâ nî ǁkhaeǂgaohe.

Esekiel 31:18

“Mâs Edenni ǃnâ mâ haidi disa sats khami i, sa ǂkhaisib tsî kaisib ǃnâ? Xawets ge satsa Edenni haidi ǀkha ǃhūbaib ǃgamsib ǃoa nî ǁgôa-ūhe tsî eloxoresan tsî gôab ǀkha ǃgamhe hân tsîn ǀkha ǀguipa nî ǁgoe. ǁNān ge Faraob tsî ǁîb ǁaes tsîna,” tib ge ǃKhūb Eloba ra mî.

Joel 2:3

ǁÎn aisǀkhāb ais ge ǀaesa ra ǂhubi, ǃgâbǀkhāb aib ge ǁhabuba ra khau. ǁÎn aiǃâb ge ǃhūba Edenǃhanab khami ī, xawe ǁîn ǃgâb aib ge ǃgaroǃhūb ǀguiba ǁgoe. ǀGui xū-i tsî ge ǁîna xu ûiǂoa tama hâ.