Genesis 2:1 - Khoekhoegowab 2020

¹ ǁNātis ge hoaraga ǀhommi tsî ǃhūbaib tsî ǁîkha ǃnâ hân di ǂnubihesa ge dītoahe.

Khoekhoegowab Elobmîs 2020

¹ ǁNātis ge hoaraga ǀhommi tsî ǃhūbaib tsî ǁîkha ǃnâ hân di ǂnubihesa ge dītoahe.

Genesis 2:1 Iomraidhean Croise

Genesis 1:1

Tsoatsoas ǃnâb ge Eloba ǀhommi tsî ǃhūbaib tsîkha ge kuru.

Genesis 1:10

Ob ge Eloba ǂnâsa ǃkhaiba “ǃhūb” ti ǂgai tsî ǁgammi ǀhao geba “hurib” ti ge ǂgai. Tsîb ge Eloba ǃgâi-i a ǃkhaisa ge mû.

Genesis 2:4

Nēs ge ǀhommi tsî ǃhūbaib tsîkha ge ǂnubihe ǀgausa. ǃKhūb Elob ge ǃhūbaib tsî ǀhommi tsîkha ǂnubi

2 Gao-aogu 19:15

tsî ge ǀgore: “ǃKhū Israeli di Elots, trons âts xerugu ǂamai hâtse, sats ǀguits ge ǃhūbaib di gaosigu hoagu ǂama a Elo. Sats ge ǀhommi tsî ǃhūbaib tsîkha ge kuru.

2 Kroniks 2:12

ǃKhūb, Israeli di Elob, ǀhommi tsî ǃhūbaib tsîkha di Kuru-aoba koa re. ǁÎb ge gao-aob Davida gā-ai ǀgôaba ge mā, gā-aisib tsî ǂans tsîra ūhâb, nēsi ǃKhūba Tempela ra ǂnubiba ǂgaob tsî gao-omma ra ombasen ǂgaoba.

Nehemia 9:6

“Sats ǀguits ge a ǃKhū; sats ge ǀhommi tsî ǀgamiron tsîna ge kuru. Sats ge ǃhūbaib tsî hurib tsî ǁîkha ǃnâ hân hoana kuru tsî ǁîn hoana ûiba ge mā. ǀHomsi ǂnubis ge satsa ra ǀgoreǀî.

ǂKhanis Job dis 12:9

Nē xūn hoan ǃnâ tari-e a ǀū, ǃKhūb ge hoana a kurusa?

Psalmdi 104:2

Anaǂamsarab ǀkhas khamits ge ǃnâb ǀkha anasen hâ; tsîts ge ǀhomga tentommi di ǂgāmâisab khami ra ǃāǂui.

Psalmdi 146:6

ǀHommi tsî ǃhūbaib, hurib tsî ǁîb ǃnâ hân hoana ge kurub; ǀamose a ǂgomǂgomsaba.

Psalmdi 33:6

ǃKhūb ams di mîde xu gu ge ǀhomga ge ǂnubihe; tsî ǁîgu di ǂnubis hoasa ǁîb ams di ǀomma xu.

Psalmdi 33:9

ǁÎb ge ǃhoa, o i ge ī; tsî ǁîb ge mîmā, o i ge mâ xui-ao.

Eksodus 20:11

ǃNani tsēdi ǃnâb ge ǃKhūba ǀhommi tsî ǃhūbaib, hurib tsî ǁîgu ǃnâ hâ xūn hoana kuru tsî hûǁî tsēs ai ge sâ. ǁNā-amagab ge ǃKhūba hûǁî tsēsa ǀkhae tsî ǁîsa ge khai.

Eksodus 31:17

Nēs ge hâhâ nî saos tita tsî Israelǁîn tsîn ǁaegu hâsa, ǃKhūb ge ǀhommi tsî ǃhūbaib tsîkha ǃnani tsēdi ǃnâ a kuru xui-ao, tsî hûǁî tsēs aib ge sîsenǀû tsî ge sâ.”

Jesaja 34:4

ǀHomaib ai hâ xūn hoan ge nî kā, tsîb ge ǃāǂuisaba xamiǂkhani-i khami nî xamikhâisen. Hoaraga ǀgamirodi ge nî ǁnā, ǂgonab ai hâ ǂnare-i ra ǂnâ tsî ǁnā khami, tamas ka io ǀnomahais ai ǂnôa ǂûn ra kā khami.

Jesaja 42:5

Nētib ge Elob ǃKhūb ǀhomga ge kurub tsî ǁîga ge ǃāǂuib, ǃhūbaib tsî ǁîb ǃnâ hân hoana ge ǂapaǂoa kaib; ǃhūbaib ai hâ khoen hoana ǀom kai tsî ǁîb ai ra ǃgûn hoana gagaba ge māba ra mî:

Jesaja 45:12

Tita ge ǃhūbaiba ge kuru ta, ti ǃomkha ge ǀhomma ge khoraǂuikha tsî ta ge ǀhommi ǃnâdi hoade ge mîmā.

Jesaja 45:18

Nētib ra ǃKhūb ǀhomma ge kurub, ǁîb ǀguib a Elob, ǃhūbaiba ǂnubi tsî ge kurub, ǁîba ge ǃgaoǃgaob, xawe ǀhomaxase ǁîba kuru tamab, xawe ǁîba ǁanǃnâs ǃaroma ge ǂnubiba mî xui-ao: “Tita ge ǃKhūta tsî ǀnîb xareb ge a ǀkhai.

Jesaja 48:13

Ti ǃommi ge ǃhūbaib ǃgaoǃgaoba ge ǁguiba tsî ti amǀkhāb ǃommi ge ǀhomma ge ǃāǂuiba. Tita ge ǁîga ǂgaihā, o gu ge ǂgōse ǀguipa ge mâ.’

Jesaja 55:9

ǀHommi ǃhūbaib xa a ǀgapi, khami gu ge ti daoga sadu daogu xa a ǀgapi tsî ti ǂâide sadu ǂâidi xa xui-ao.

Jesaja 65:17

Nētib ge ǃKhūba ra mî: “Tita ge ǀasa ǀhommi tsî ǀasa ǃhūbaib tsîkha ra kuru; ǃkharu ge xūn ge ǂâihōhe tide tamas ka io ǂâis ǃnâ hā tide.

Jeremia 10:12

ǃKhūb ge ǁîb ǀgaib ǀkha ǃhūbaiba ge ǂnubi, gā-aisib âb ǀkhab ge ǃhūbaiba ge dī, tsî ǀhomma ge ǃāǂui.

Jeremia 10:16

Jakob Elob ge ǁîn khami ī tama hâ; ǁîb ge ǁnāb hoaraga xūna ge kurub tsî Israelǁaesa ǁîb di ǂhunuma ǁaese ge ǁhûiba. ǃKhūb Hoaǀgaixab tib ge ǀon hâ.

Jeremia 8:2

“Tsîn ge ǁîga sores tsî ǁkhâb tsî hoaraga ǀhommi ǂnubis ǁîsan ge kaise ǀnam i tsî gere ǃoabas, ǁîsan gere saoǃgon, ǀape-ôa-ai tsî ǀgoreǀîs aiǃâ nî ǃāǁgui. ǁÎgu ge ǀhaoǀhaohe tamas ka io ǁkhōhe tide, xawe ǀarub hîa ra ǁgoemab khami nî ī.

Saxaria 12:1

Nēs ge mîs ǃKhūb dis, Israeli ǂama hâsa. ǃKhūb hîa ǀhomma khoraǂui, ǃhūbaiba ǃgaoǃgao tsî gagas khoeb disa ǁîb ǃnâ ge kurub ge nēti ra mî:

Lukab 2:13

Tsî ǁnātimîsis ge ǀhomsi ǂnubis, ǀhomǃgāb ǀkha ge hâ isa Eloba koa tsî ge mî:

ǃNaeǃkhaidi 4:24

Tsî hoaraga xūnan ge ǁnâutoas khaoǃgân ge ǂgomsabena ǀguiǂâixase Elob ǃoa nî ǀgorese ǀhao tsî ge mî: “ǀHonkhoetse, sats kuru-aots ǀhommi tsî ǃhūbaib, ǁgammi tsî ǁîb ǃnâ hân ditse.

ǃNaeǃkhaidi 7:42

Ob ge Eloba ǁîn ai ǁâb âba dawa tsî ǁîna sores, ǁkhâb tsî ǀhommi di ǀgamiroden nî ǀgoreǀîse ge ǁnāxū. Kēbo-aogu di ǂkhanis ǃnâ i a xoamâisa khami: “ ‘Israeli dido! Ti tama ta ge ûitsamaxūna ǂā tsî du ge hakadisi kuriga ǃgaroǃhūb ǃnâ ǁguibas ase gere hā-ūba ta.

Deuteronomium 17:3

ǀkhara elogu, tamas ka io sores, tamas ka io ǁkhâb, tamas ka io ǀgamirode ǀgoreǀîs tsî ǃoabas ǀkha khôa; ǃKhūb di mîmās ǃoagu,

Deuteronomium 4:19

Tā dītsâ tsî ǀhommiǀî du ga kōkhâi tsî mû xūn: Sores, ǁkhâb, ǀgamirodi tsî ǀnî ǀhommi ǂnubis ka xawe ǀgoreǀî. ǃKhūb sadu Elob ge ǁîna nau hoaraga khoen ǃhūbaib din xan nî ǀgoreǀîhese ge mā.

Hebreǁîn 4:3

Sada ǂgom rada ge sâb ǃnâ nî ǂgâ, Elob ge mî khami: “Ti ǁaib ǃnâ ta ge ge nū, ‘ti sâb ǃnân ǂgâ tide ǃkhaisa.’ ” Tsîb ge ǁnāsa sîsengu âb ge ǃhūbaib di ǃgaoǃgaosa xu dītoahe hâ i xawe ge mî.