Genesis 19:3 - Khoekhoegowab 2020

³ ǁÎb ge kaise ǀûs ose ǂgan, o kha ge ǀams ai Lota oms ǁga ge sao. Sī gu ge ob ge Lota ǃgān âba pere-e am tsîn nî nē ǃhaokhoekha ǃaroma ǃgâi ǂû-e sâi ǃkhaisa ge mîmā, tsî gu ge toa i ge o ge ǂû.

Khoekhoegowab Elobmîs 2020

³ ǁÎb ge kaise ǀûs ose ǂgan, o kha ge ǀams ai Lota oms ǁga ge sao. Sī gu ge ob ge Lota ǃgān âba pere-e am tsîn nî nē ǃhaokhoekha ǃaroma ǃgâi ǂû-e sâi ǃkhaisa ge mîmā, tsî gu ge toa i ge o ge ǂû.

Genesis 19:3 Iomraidhean Croise

Genesis 19:2

tsî ǁîkha ǃoa ge mî: “ǃGôahesakho, sakho ǃgāta di oms tawa toxopa sī, î ǁnāpa ǁom re. ǁNāpa kho ge ǂaidi âkho ǁā tsî ǁgoaǃaroma ǁnāpa xu khâi a ǃkharu ǁkhā.” O kha ge ǀhomǃgākha “Hî-î, sikhom ge ǂgās ai nî ǁom” ti ge ǃeream bi.

Genesis 21:8

Nē ǀgôab ge ge kai, tsî ǀōǀōheb nî tsēs ge hā, ob ge Abrahamma kai ǂûǁaesa ge mā.

Genesis 24:31

tsî ge mî: “Hā re tita ǀkha. Sats ge ǃKhūb xa ǀkhaehe hâ. Tare-i ǃaromats ǃauga mâ? Tita ge ǃnā-omsa ti oms ǃnâ go ǂhomiba tsi, ǁkhāti sa ǃnain ǃaromas tsîna i ge ǃkhai-e hâ.”

Genesis 26:30

Ob ge Isaka kai ǂûǁaesa ge dī tsî gu ge ǂû tsî ge ā.

2 Gao-aogu 4:8

ǀGuitsēb ge Elisaba Sunems ǁga ge ǃgû. ǁNāpas ge ǃkhū hâ tarasa ge ǁan hâ i tsîs ge ǁîba ge ǁkhau ǁîs tawab nî ǂûse, tsî ǁnā ǁaeba xub ge Elisaba ǁnāpab ga sī ǃnās hoasa ǁîs di oms tawa gere ǂû.

Eksodus 12:15

“Hû tsēdi ǀgaiba du ge khūkhū-e ūhâ tama pere-e nî ǂû. ǂGuro tsēs ai du ge sadu omdi ǃnâ hâ khūkhū-ūxūn hoana nî aoxū. Tsî ǁnā hû tsēdi ǃnâ ga khūkhū-e ūhâ pere-e ǂû khoe-i hoa-i ge ǃaruǀî Israelǁîn di ǀgui-i ase ǃgapaǀîhe tide.

Eksodus 12:39

Egipteba xun ge ūsao khūkhū-e ūhâ tama kinisa pere-i ǀkhan ge ǃgupu, ǂhaba perede ge am. ǁÎn ge Egipteba xun ge kaise ǃnoesase ǁgariǂuihe xui-ao, ǁîn di perenan nî ǁanǁan ǁae-i tsîna hō tama ge hâ i.

Lukab 11:8

Mîba go ta ra: ǁÎb ǀhōsab a ǃkhais ǃaromab ga khâi tsî mā bi tama i, xaweb ge khâi tsî ǂhâbab hân hoana nî mā bi, tao tamaseb ǀûs oseb ra ǂgan ǃkhais ǃaroma.

Lukab 14:23

Ob ge ǀhonkhoeba ǃgāb ǃoa ge mî, ‘ǃGûǂoa daogu ai tsî ǂgarogu ai, î ǁkhau în ǂgâxa, îs ti omsa ǀoa.

Lukab 5:29

Tsîb ge Leviba kai ǂûǁaresa ǁîb oms ǃnâ Jesuba ge aiǂhomiba. Kai ǂnubis di ǁgui-aimariǃkhōǃoa-aon tsî ǀnî khoen ǁîkha ǀkha ge hâ in hoan ge nē ǁâudīb tawa ge ǁhao.

Johaneb 12:2

Jesub ǃaromas ge tsuxuǂûsa ǁnāpa ge aiǂhomihe hâ i. Martas ge gere ǃoaba tsî Lasarub ge Jesub ǀkha tāb tawa ge ǂnôa i.

1 Korinteǁîn 5:8

A da sada Pasxaǁâudība tsēdī, ǀoro pereb, ǁoreb tsî ǂkhabab tsîn ǀkha khūkhūhe hâb ǀkhas ose, xawe khūkhū-e ūhâ tama pereb, ǃanusib tsî amab tsîkha dib ǀkha.

2 Korinteǁîn 5:14

Xristub di ǀnammi ge sige ra ǂgaeǂgui tsî ge ge ǀGui Khoeb ge hoan ǃaroma ǁō ǃkhaisa ra mûǂan, ǁnā-amagan ge hoana ge ǁō.

Hebreǁîn 13:2

Tā ǃhaokhoena sadu omdi ǃnâ ǃkhōǃoasa ǁnākhao, nēs ǃnâ-un ge ǀnîna ǀūǂamsib ǃnâ ǀhomǃgāna ǃgâidī xuige.

ǂHanuǂhanu-aogu 6:19

Gideonni ge oms ǃnâ ǂgâ tsî piriro-e sī ǁanǁan tsî khūkhūsa tama pere-e disi kiloxram mel-i ǀkha ge dī. Tsîb ge ǁgan-e ǀharus ǃnâ ǂgā, sīro-e sūs ǃnâ ǂnâ tsî ǁîna aikehais tawa sī ǃKhūb di ǀhomǃgāba ge mā.

1 Samuel 28:24

Taras ge kaukauhe hâ tsâu-e oms tawa ǃharas ǃnâ ge ūhâ i tsîs ge ǁî-e ǃhaese ge ǂā. ǁÎs ge mel-e ū, ǁî-e kini tsî khūkhūsa tama pere-e ge ǁgan.