Genesis 13:2 - Khoekhoegowab 2020

² Abrammi ge kaise ge ǃkhū hâ i tsîb ge ǀuiǀnūǀgoan, goman, ǃhuniǀurib tsî ǁkhāti ǀhaiǀuriba ge ūhâ i.

Khoekhoegowab Elobmîs 2020

² Abrammi ge kaise ge ǃkhū hâ i tsîb ge ǀuiǀnūǀgoan, goman, ǃhuniǀurib tsî ǁkhāti ǀhaiǀuriba ge ūhâ i.

Genesis 13:2 Iomraidhean Croise

Genesis 12:16

Tsîb ge Abramma Sarais ǃaroma Faraob xa ǃgâise ûi-ūhe tsî ǀuiǀnūǀgoan, goman, dâukin, ǃgān tsî ǃnain tsîna ge māhe.

Genesis 13:6

Tsîb ge ǃhūba ǁîkha hoakha di ûitsama xūn ǃaroma, ǀguipa hâs ǃnâ ǂâu hâ ǃûǃkhai-e ge ūhâ tama hâ i, ǁîkha ge kaise ǂgui ûitsama xūna ūhâ i xui-ao.

Genesis 24:1

Abrahammi ge kaise kaira tsî kurigu ǃnâ ge ǂgâ hâ i tsîb ge ǃKhūba ǁîba mâ xū-i dīb ka-i hoa-i ǃnâ gere ǀkhae.

Genesis 24:35

ǃKhūb ge kaise ti ǀhonkhoeba ge ǀkhae, ǃkhūǁî kaib ges kōse. ǁÎb ge ǁîba gūn tsî pirin, goman, ǀhai tsî ǃhuniǀurib, aore tsî tare khobon, ǃnain tsî dâukina ge mā.

Genesis 26:14

Filisteǁîn ge kaise ǁîba ǂgui gūn, goman tsî ǃgānab ūhâ xui-ao gere suri.

Genesis 30:43

Nē ǀgaus aib ge Jakoba ge ǃkhūǁî kai. ǁÎb ge ǂgui ǀgoan, ǃgān, ǃnain tsî dâukina ge ūhâ i.

ǂKhanis Job dis 1:10

Hoaǁaets ge satsa ǁîb, ǁîb omaris tsî ūhâxūn hoana hoa ǀkhāga xu gere ǁkhauba. ǁÎb ǃomkha di sîsenats ge ge ǀkhae tsîb ge ǁîb ǂgariba hoaraga ǃhūba go ǀoa.

ǂKhanis Job dis 1:3

ǁÎb ge hûǀoadisi gūn, ǃnonaǀoadisi ǃnain, ǀguiǀoadisi goman, korokaidisi dâukin tsî ǁkhāti kaise ǂgui ǃgān tsîna ge ūhâ i. Job ge aiǂoas khoen ǃnâ kaise ǃkhū tsî ge mâǂoa hâ i aoba.

ǂKhoamîdi 10:22

ǃKhūb di ǀkhaeb ge ra ǃkhū kai, ǀhupuǀhupusens ǀkhats xū-i xare-e ǀaro tamase.

Mateub 6:33

Xawe ǂgurose Elob Gaosib tsî ǁîb di ǂhanu-aisib tsîkha ôa, o du ge nēn hoana nî māhe.

Deuteronomium 8:18

Xawe ǃKhūb sadu Elob di ǀgaib tsî ǁkhāsib tsîna xus ge sadu ǃkhūsib ra hāsa, ǁnāsa tā ǀuru; ǁîb di ǂgomǂgomsasib, sadu aboxagu ǀkhab ge dī ǃgaeǀhaos dib ǃaromas ge nētsēs tsînab nēna ra dība dusa.

1 Timoteub 4:8

Sorosi ǃâisens ge ǀnî khami ī ǃgâi sîsenǂuiba ūhâ, xawe ǁnās ǃgâ-ais ge gagasi ǃâisensa a ǂhâǂhâsa, nētsēkam tsî ǃgoaxa ûib tsîn di mādawa-amsas ra mîmâiba tsi xui-ao.

1 Samuel 2:7

ǃKhūb ge ǀnîna ǀgâ kai tsî nauna ra ǃkhū kai; ǁîb ge ǀnîna ǃgamǃgam tsî nauna ra ǀgapiǀgapi.