Genesis 12:3 - Khoekhoegowab 2020

³ “Tita ge ǁnān satsa ra ǀkhaena ǀkhae, tsî ǁnā-i satsa ra ǀâxare-e nî ǀâxare. Tsî sats ǃnâ-u ta ge hoaraga ǃhaodi ǃhūbaib dide nî ǀkhae.”

Khoekhoegowab Elobmîs 2020

³ “Tita ge ǁnān satsa ra ǀkhaena ǀkhae, tsî ǁnā-i satsa ra ǀâxare-e nî ǀâxare. Tsî sats ǃnâ-u ta ge hoaraga ǃhaodi ǃhūbaib dide nî ǀkhae.”

Genesis 12:3 Iomraidhean Croise

Genesis 18:18

ǁÎb di surib ge kai tsî ǀgaisa ǁaese nî ī tsî ta ge ǁîb ǃnâ-u hoaraga ǁaede nî ǀkhae.

Genesis 18:19

Tita ge ǁîba ge ǁhûiǂui ǁîb ôagu tsî suribab tita ǁnâuǀnam tsîn ǃgâi tsî ǂhanu-ai xūna nî dīse nî mîmāse. Tsîn ga ǁnāsa dī, o ta ge hoaraga xūn ǁîba ta ge mîmâibana nî dī.”

Genesis 22:18

Tsî ti dommats go satsa ǁnâuǀnam, xui-ao di ge hoaraga ǁaedi ǃhūbaib dide sa surib ǃnâ-u nî ǀkhaehe.’ ”

Genesis 24:35

ǃKhūb ge kaise ti ǀhonkhoeba ge ǀkhae, ǃkhūǁî kaib ges kōse. ǁÎb ge ǁîba gūn tsî pirin, goman, ǀhai tsî ǃhuniǀurib, aore tsî tare khobon, ǃnain tsî dâukina ge mā.

Genesis 25:11

Abrahammi di ǁōb khaoǃgâb ge Eloba ǁîb ôab, Isaki “ǁNā-Ûitsamab-hîa-ra-Mû-teb-di-Tsaus” tawa ge ǁan hâ iba ge ǀkhae.

Genesis 26:29

sats ǀkha ra dī ǂgao îts tā tsûtsû ge, sige tsîn ge satsa tsûtsû tama i tsîts ge ǂkhîb ǃnâ does ǁkhās khami. Tsî-i kom nēsisa a ǃgāsao, ǃKhūb xats ǀkhaehe hâ ǃkhaisa.”

Genesis 26:4

Tita ge sa suriba ǃāǂuisab ǃnâ hâ ǀgamirodi kōse ǂguiǂgui tsî nē hoaraga ǃhūǀkhariba ǁîna nî mā. Sa surib ǃnâ-u di ge hoaraga ǁaedi ǃhūbaib ai hâde nî ǀkhaehe.

Genesis 27:29

ǃHaodi ge nî ǃoaba tsi tsî ǁaedi ge sa aiǃâ nî ǃhon. Sats ge sa ǃgâsagu ǂama nî ǀhonkhoe tsî gu ge sa îs di ôaga sa aiǃâ nî ǃhon. An satsa ga ǀâxaren hoana ǀâxarehe tsî satsa ra ǀkhaen hoana ǀkhaehe.”

Genesis 28:14

ǁÎn ge ǃhūb di tsarab, ǃhūbaib ai hâb kōse nî ǂgui. ǁÎn ge ǀkharib âna hoa ǀkhāgu ai nî kaikai tsî ta ge sats tsî sa surib ǃnâ-u hoaraga ǁaedi ǃhūbaib dide nî ǀkhae.

Genesis 30:27

Ob ge Labanna ge ǃeream bi: “Tita ge ǃKhūb ge tita sats ǃaroma ǀkhae ǃkhaisa ra hōǃâ.

Genesis 30:30

Tita nî hās aiǃâts ge ūhâ i xūron ge kaise ge ǀarosen tsîb ge ǃKhūba tita ga ǃgû ǃkhai-i hoa-i ai gere ǀkhae tsi. Xui-ao i ge nēsisa go tita nî ti xūna kōǃgâ ǁaexa.”

Genesis 39:5

ǁNāpa xub ge ǃKhūba Josefi ǃaroma Egipteǁîb di omaris, hoaraga xūn oms âb ǃnâb ūhân tsî ǁîb di ǃhanagu tsîna ge ǀkhae.

Psalmdi 72:17

As gao-aob ǀonsa ǀamose hâ re; as sores hâs kōse ǀons âba aiǃgû. Hoa ǁaedi ge ǁîb ǃnâ nî ǀkhaehe tsîb ge ǁîba nî karehe.

Eksodus 23:22

Xawe du ga ǁîba ǁnâuǀnam tsî tita ra mîmā du xūn hoana dīo, o ta ge sadu khākhoen hoan ǃoagu nî ǃkham.

Numeri 24:9

ǁAes ge ǀgaisa xammi khami ī; ǁommi kao, tari-e ǁîba ǂkhaiǂkhaisa nî dītsâ? Israelsa ra ǀkhae-i hoa-i ge nî ǀkhaehe, tsî Israelsa ga ǀâxare-i hoa-i ge nî ǀâxarehe.”

Mateub 25:40

Ob ge Gao-aoba nî ǃeream: ‘Amase ta ra mîba du, ti ǃgâsa-e du ge dība ǂkhariro-i hoa-e du ge tita ge dība!’

Mateub 25:45

Ob ge Gao-aoba nî ǃeream: ‘Amase ta ra mîba du, mâ ǃnās ti ǂkhariron di ǀgui-e du ge hui tama is hoasa du ge tita huisa ge ǂkhā.’

Lukab 24:27

Tsî Jesub ge ǁîb xa ra ǃgû Xoadi hoade Moseb ǂkhanidi ǀkha tsoatsoa tsî kēbo-aogu xoadi kōse ǁîkha ge ǁguiǃāba.

Romeǁîn 4:11

Ega ǀguib ge ge ǃgaohe tsî nē ǃgaohes ǁîb dis ge Elob ge ǁîba ǂgoms âb ǃaroma ǃgaoheb nîs aiǃâ ǃkhōǃoa ǃkhais di ǁgauǁgaus ase ī. ǁNā-amagab ge Abrahamma hoan Elob ǃnâ ra ǂgom tsî ǂhanu-ai kaihen di ǁgû, nēsin ga ǃgaohe tama i xawe.

1 Korinteǁîn 1:30

Elob ge sada Xristub Jesub ǃnâ ǀguiǃnâxa kai tsî ǁîba sada gā-aisib ase ge dī. ǁÎb ǃnâ-u da ge Elob ǀkha ge ǂhanu-ai kaihe tsî nēsi Elob di ǃanu khoe kai tsî ge orehe.

Galateǁîn 3:16

Elob ge ǁîb di mîmâisa Abrahammi tsî ǁîb di surib ǀkha ge dī. Xoas ǃnâ i ge “surigu” ti ǂguiǀnōb ǃnâ xoahe tama i tsî ǀguiǀnōb ǃnâ “surib” ti ǀgui xoasa hîa ǀgui khoeb, Xristub xa ǀgui ra ǂâibasensa.

Galateǁîn 3:28

ǁNā-amaga i ge ǃaruǀî ǃkharagagusi-i xare-e ǀkhai Jodeǁîn tsî Grikeǁîn ǁaegu, khobon tsî ǃnorasan ǁaegu, aorekhoeb tsî tarekhoes ǁaegu; hoadu Xristub Jesub ǃnâ a ǀgui xui-ao.

Galateǁîn 3:8

Tsîs ge Xoasa ǀnai ge aimûǀgaru Elob nî Jodeǁî taman* tsîna ǂgoms ǃnâ-u ǂhanu-ai kai ǃkhaisa. ǁNā-amagab ge Eloba ǀnai ǃGâiǂhôasa Abrahamma nēti ge aoǁnâba: “Sats ǃnâ di ge ǃhūbaib di ǁaedi hoade nî ǀkhaehe.”

Efeseǁîn 1:3

Ab Elob tsî ǁGûb sada ǃKhūb Jesub Xristub diba ganganhe! ǁNāb ǀhomsi ǃkhaidi ǃnâ ge mâ gagasi mā-i hoa-i ǀkha Xristub ǃnâ ǀkhae daba.

Koloseǁîn 3:11

Nēs xa ǃaromahe hâse i ge ǃaruǀî ǃkharagagusi-e Grikeǁî-i tsî Jodeǁî-i, ǃgaohe* hâ-i tsî ǃgaohe tama-i, ǂūǁoa-i, Skitǁî-i, khobo-i tsî ǃnorasa-i tsîn ǁaegu a ǀkhai, xaweb ge Xristuba a hoa tsî hoa khoen ǃnâ hâ.

ǂHaiǂhais 7:9

Tsî nēn khaoǃgâ ta ge kō, o ta ge khoe-i xare-i a ǃgôa ǁoas kōse kai ǂnubis, hoaraga ǁaedi, ǃhaodi, khoen tsî gowaga xu hâsa trons tsî ǁKhaob aiǃâ ge mûmâ, ǃuri sarana ǂgaeǂgā tsî palmǂgonaga ǃomǁae ūhâse.