Genesis 1:1 - Khoekhoegowab 2020

¹ Tsoatsoas ǃnâb ge Eloba ǀhommi tsî ǃhūbaib tsîkha ge kuru.

Khoekhoegowab Elobmîs 2020

¹ Tsoatsoas ǃnâb ge Eloba ǀhommi tsî ǃhūbaib tsîkha ge kuru.

Genesis 1:1 Iomraidhean Croise

2 Gao-aogu 19:15

tsî ge ǀgore: “ǃKhū Israeli di Elots, trons âts xerugu ǂamai hâtse, sats ǀguits ge ǃhūbaib di gaosigu hoagu ǂama a Elo. Sats ge ǀhommi tsî ǃhūbaib tsîkha ge kuru.

1 Kroniks 16:26

Nau ǁaedi elogu hoagu ge a ǁgôa-elo, xawe ǃKhūb ge ǀhomma ge kuru.

2 Kroniks 2:11

Ob ge gao-aob Hiramma sîǂkhani-i ǃnâ Salomoba nēti ge ǃeream: “ǃKhūb ge ǁîb di ǁaesab a ǀnam amaga, satsa ǁîn ǂama gao-aose ge mâi.

Nehemia 9:6

“Sats ǀguits ge a ǃKhū; sats ge ǀhommi tsî ǀgamiron tsîna ge kuru. Sats ge ǃhūbaib tsî hurib tsî ǁîkha ǃnâ hân hoana kuru tsî ǁîn hoana ûiba ge mā. ǀHomsi ǂnubis ge satsa ra ǀgoreǀî.

ǂKhanis Job dis 26:13

ǁÎb di ǂoab ǀkhab ge ǀhomma ra ǃgomǃanuǃanu; ǁîb ǁôab ǀkhab ge ǃkhoeni ra ǀaoba ra ǃgam.

ǂKhanis Job dis 38:4

Mâpats ge hâ i ǃhūbaiba ta ge ǃgaoǃgao-o? ǁNâuǃāts kao, mîba te.

ǂKhanis Job dis 9:8

ǁÎb ǀguib ge ǀhomma ra ǃāǂui tsî hurib di ǃgabiga ra dāǃgâ.

Psalmdi 102:25

ǃKharu ge ǁaeb aiǃâts ge satsa ǃhūbaiba ge ǃgaoǃgao; ǀhommi ge a sa ǃomkha di sîsen.

Psalmdi 104:24

Mâtikōse gu a ǂgui sa sîsenga ǃKhūtse, hoa xūnats ge gā-aisib ǀkha ge kuru tsîb ge ǃhūbaiba sa kurusaben xa ǀoa hâ.

Psalmdi 104:30

Sa gagabats ga sî, on ra ǂnubihe tsîts ra ǃhūbaiba ǀasaǀasa.

Psalmdi 115:15

ǃKhūb xa du ǀkhaehe re; ǁnāb ǀhommi tsî ǃhūbaiba ge kurub xa.

Psalmdi 121:2

Ti huib ge ǃKhūba xu ra hā, ǁnāb ǀhommi tsî ǃhūbaiba ge kuruba.

Psalmdi 124:8

Sida huib ge ǃKhūba xu ra hā, ǁnāb ǀhommi tsî ǃhūbaiba ge kuruba.

Psalmdi 134:3

Ab ǃKhūba satsa Sionsa xu ǀkhae ǁîb ǀhommi tsî ǃhūbaiba ge kuruba.

Psalmdi 136:5

Gā-aisib âba xu ǀhomga ge kuruba; ǁîb di hâhâ ra ǀnammi ge ǀamose ra hâ.

Psalmdi 146:6

ǀHommi tsî ǃhūbaib, hurib tsî ǁîb ǃnâ hân hoana ge kurub; ǀamose a ǂgomǂgomsaba.

Psalmdi 33:6

ǃKhūb ams di mîde xu gu ge ǀhomga ge ǂnubihe; tsî ǁîgu di ǂnubis hoasa ǁîb ams di ǀomma xu.

Psalmdi 33:9

ǁÎb ge ǃhoa, o i ge ī; tsî ǁîb ge mîmā, o i ge mâ xui-ao.

Psalmdi 8:3

ǀHommi sats ge kurub, ǁkhâb tsî ǀgamiron, ǁîn ǃkhaidi aits ge ǂnûina ta ga kō-o;

Psalmdi 8:4

tare xū-e khoe-e, ots ra ǁî-i xa ǂâi, tsî khoen ôa-e, ots ra ǁî-e kōǀî?

Psalmdi 90:2

ǃHomgu ǃnae tamasa xu; ǃhūb tsî ǃhūbaibats ūǀkhī tamasa xu; ǀamosiba xu ǀamosib kōsets ge satsa a Elo.

Psalmdi 96:5

Nau ǁaedi elogu hoagu ge a ǁgôa-elo, xawe ǃKhūb ge ǀhomma ge kuru.

Eksodus 20:11

ǃNani tsēdi ǃnâb ge ǃKhūba ǀhommi tsî ǃhūbaib, hurib tsî ǁîgu ǃnâ hâ xūn hoana kuru tsî hûǁî tsēs ai ge sâ. ǁNā-amagab ge ǃKhūba hûǁî tsēsa ǀkhae tsî ǁîsa ge khai.

Eksodus 31:18

Elob ge Sinaiǃhommi ai Moseb ǀkha ǃhoatoa, ob ge ǁîba Moseba aitsamab disi mîmāde xoa-ai hâ ǀuiǂgapakha ge mā.

ǂKhoamîdi 16:4

ǃKhūb ge kuru xū-i hoa-i ge ǁî-i ǃaromasa ūhâ; eloxoresa-i ge ǂōǂōsib tsēsa ǂâibahe hâ.

ǂKhoamîdi 3:19

ǃKhūb ge ǁîb gā-aisib ǀkha ǃhūbaiba ge ǃgaoǃgao; ǁîb ǁnâuǃāb ǀkhab ge ǀhomma ge kuru.

Aoǁnâ-aob 12:1

Sa Kuru-aob xa ǂkhamsis âts ǃnâ ǂâi re, ǁnā ǂkhaba tsēdi ǁîdi ǃnâts “ǃGâi-i xare-e ta ǁîdi ǃnâ hō tama” ti nî mîdi nî hās aiǃâ.

Jesaja 37:16

“ǃKhū, Hoaǀgaixats, Israeli Elots, xerugu ǂamai trons ai ǂnôatse, sats ge ǀguri a Elo, ǃhūbaib gaosigu hoagu ǂama; sats ge ǀhommi tsî ǃhūbaib tsîkha ge kurutsa.

Jesaja 40:21

ǀŪ du ge i? ǁNâu tama du ge hâ i? Tsoatsoasa xu du ge mîbahe tama hâ i? ǃHūbaib ǂnubihesa xu du ge ǁnâuǃā tama hâ i?

Jesaja 40:26

Mûdi âdo ǃhâkhâi, î ǀgapiseb ǃoa kō! Tariba ǃāǂuisab ai hân hoana ge kuruba? ǁÎb ge ǁîna toroǂnubis khami ge ǂgaeǂguiǂui, ǁîb ge ǁîn ǃgôaba a ǂan tsî mâ-i hoa-e ǀons ai a ǂan! ǁÎb ge ǀgaib âb ǃnâ a kai tsî hoaǀgaixa, ǀgui-i ân tsîn ǁkhuihe tama hâ!

Jesaja 40:28

ǀŪ du ge i? ǁNâu tama du ge hâ i? ǃKhūb a ǀamo Elo ǃkhaisa, Kuru-aob ǃhūbaib ǀkhâuǀamdi diba. ǁÎb ge tsau tamas ka io ǂkhabu tama hâ; ǁîb ǁnâuǃāb ge a ôaǃnâheǁoasa.

Jesaja 42:5

Nētib ge Elob ǃKhūb ǀhomga ge kurub tsî ǁîga ge ǃāǂuib, ǃhūbaib tsî ǁîb ǃnâ hân hoana ge ǂapaǂoa kaib; ǃhūbaib ai hâ khoen hoana ǀom kai tsî ǁîb ai ra ǃgûn hoana gagaba ge māba ra mî:

Jesaja 44:24

Nētib ge ǃKhūb sadu Ore-aob sado ge ǁhās ǃnâ a ǂnubiba ra mî: “Tita ge ǃKhūta, hoa xūna ge kuru ta, ǀguri ge ǀhomma khoraǂui ta, tita ǂûta ge ǃhūbaiba ge khoraǂui ta.

Jesaja 45:18

Nētib ra ǃKhūb ǀhomma ge kurub, ǁîb ǀguib a Elob, ǃhūbaiba ǂnubi tsî ge kurub, ǁîba ge ǃgaoǃgaob, xawe ǀhomaxase ǁîba kuru tamab, xawe ǁîba ǁanǃnâs ǃaroma ge ǂnubiba mî xui-ao: “Tita ge ǃKhūta tsî ǀnîb xareb ge a ǀkhai.

Jesaja 51:13

ǃKhūb, sadu Kuru-aob, ǀhomma ge ǃāǂuib tsî ǃhūbaiba ge ǃgaoǃgaoba du ge ge ǀuru. ǀÛ tamase du ge ǁgâiǀā-aob ǁaiba tsēs hoasa ra ǃao, hîkākā nîse ǀguib ǂhomisen hâ amaga. Xawe ǁgâiǀā-aob ǁaiba mâpab hâ?

Jesaja 51:16

Tita ge ti mîde sa ams ǃnâ ge ǂgā tsî ti ǃommi sommi ǃnâ ge sâu tsi. Tita ge ǀhomga ǃāǂui tsî ǃhūbaiba ge ǃgaoǃgao ta tsî ta ge Sions ǃoa ra mî: ‘Sadu ge a ti ǁae.’ ”

Jesaja 65:17

Nētib ge ǃKhūba ra mî: “Tita ge ǀasa ǀhommi tsî ǀasa ǃhūbaib tsîkha ra kuru; ǃkharu ge xūn ge ǂâihōhe tide tamas ka io ǂâis ǃnâ hā tide.

Jeremia 10:12

ǃKhūb ge ǁîb ǀgaib ǀkha ǃhūbaiba ge ǂnubi, gā-aisib âb ǀkhab ge ǃhūbaiba ge dī, tsî ǀhomma ge ǃāǂui.

Jeremia 32:17

ǃKhū Elotse, sats ge ǀhommi tsî ǃhūbaib tsîkha sa kai ǀgaib tsî ǀgaisa ǃommi ǀkha ge kuru. ǀGui xū-i tsîn ge satsa ǃgomba tama hâ.

Jeremia 51:15

ǃKhūb ge ǁîb ǀgaib ǀkha ǃhūbaiba ge ǂnubi gā-aisib âb ǀkhab ge ǃhūbaiba ge dī tsî ǀhomma ge ǃāǂui.

Saxaria 12:1

Nēs ge mîs ǃKhūb dis, Israeli ǂama hâsa. ǃKhūb hîa ǀhomma khoraǂui, ǃhūbaiba ǃgaoǃgao tsî gagas khoeb disa ǁîb ǃnâ ge kurub ge nēti ra mî:

Mateub 11:25

ǁNā ǁaeb aib ge Jesuba nēti ge ǀgore: “Gangan tsi ta ra, ǀhommi tsî ǃhūbaib tsîkha di ǃKhūtse, nēnats ge gā-ain tsî ǁnâuǃāxana ǂganǃgâsa kaiba tsî ǁnâuǃāoǃnâna ǂhaiǂhaiba ǃkhaisa.

Markub 13:19

Nē tsēdi ge kaise nî ǃhuriǃhurisa, Elob ge ǃhūbaiba kuru ǁaeba xu nēsis kōse ī tama tsî ǁkhawa ī tide khami.

ǃNaeǃkhaidi 14:15

“Aogo, tare-i ǃaroma go nēsa ra dī? Sikhom tsîn ge sadu ǁkhādu khami khoes ǀguisa i! Sikhom ge sado ǃGâiǂhôasa nî aoǁnâbase go ǀkhī, sadu nî nē xū tama xūna xu sadu di ûiga ûitsama Elob ǁga unuse. ǁNāb ǀhommi tsî ǃhūbaib tsî hurib tsî ǁîgu ǃnâ hâna ge kuruba.

ǃNaeǃkhaidi 17:24

“ǁÎb ge ǁnā Elob, ǃhūbaib tsî ǁîb ǃnâ hâna ge dība. Tsî ǁîb a ǀhommi tsî ǃhūbaib di ǃKhū amagab ge ǁîba ǃomgu ǀkha kuruhe hâ tempelgu ǃnâ ǁan tama hâ,

ǃNaeǃkhaidi 4:24

Tsî hoaraga xūnan ge ǁnâutoas khaoǃgân ge ǂgomsabena ǀguiǂâixase Elob ǃoa nî ǀgorese ǀhao tsî ge mî: “ǀHonkhoetse, sats kuru-aots ǀhommi tsî ǃhūbaib, ǁgammi tsî ǁîb ǃnâ hân ditse.

Romeǁîn 11:36

ǁÎb ǃnâ-un ge hoa xūna kuruhe tsî ǂnubihe hâ. ǁÎb dib a ǂkhaisiba ǀamos kōse! Amen.*

1 Korinteǁîn 8:6

da ge sada ǀgui Elob ǀguiba ūhâ, ǁGûb, ǁîba xun hoa xūna hâb tsî ǁîb ǃnâ da sada hâba tsî ǀgui ǃKhūb Jesub Xristub,* ǁîb ǃnâ-un hoa xūna hâb tsî sada ǁîb ǃnâ hâba.

Efeseǁîn 3:9

Hoaraga khoena ta nî Elob hîa hoa xūna ge kurub di ǂganǃgâsa ǀapes, ǃkharu ge ǁaeb hoaba ge ǂganǃgâsa is di sîsenga ǂhaisa kaibase.

Hebreǁîn 1:10

Tsî: “Sats ǃKhūts ge tsoatsoas ǃnâ ǃhūbaiba ge ǃgaoǃgao tsî ǀhommi ge sa ǃomkha di sîsenna.

Hebreǁîn 1:2

Xaweb ge nē ǀuni tsēdi ǃnâ ǀGôab, hoa xūn di ǀumi-aob ǃnâ-u sada ǀkha ge ǃhoa. ǁÎb ge ǁnāb, ǁîb ǃnâ-ub ge ǃhūbaiba kuruba.

Hebreǁîn 11:3

ǂGomsa xus ge ǃhūbaib ge Elob di mîsa xu kuruhe ǃkhaisa da ra ǁnâuǃāsa, mû da ran ge mû tama da hâna xu ǀkhī ǃkhaisa.

Hebreǁîn 3:4

Mâ oms hoas ge khoe-i xa ra ǂnubihe, xawe Elob ge hoa xūna ge ǂnubi.

2 Petrub 3:5

Xawen ge ǂanapega ra ǀuru ǂgao, ǀhommi ge hūgasa xu hâ i tsî ǃhūbaib ge ǁgamma xu kuruhe tsî ǁgammi ǃnâ hâ i ǃkhaisa, Elob di mîsa xu.

1 Johaneb 1:1

Mîs ûib dis, tsoatsoasa xu ge hâ is hîa da ge ǁnâu, sida di mûdi ǀkha mû, ǃgapaǀî tsî sida ǃomgu ǀkha tsâǀkhās xa da ge ra xoaba du.

ǂHaiǂhais 10:6

Ob ge ǁNāb hîa ǀamosib kōse ra ûib, ǀhommi, ǃhūbaib, hurib tsî ǁîgu ǃnâ hâna ge kurub di ǀons ǃnâ nū tsî ge mî: “ǃÂus di ǁaeb ge go toa!

ǂHaiǂhais 14:7

Tsîb ge ǃgari dommi ǀkha ge mî: “Eloba ǃao, î ǁîba ǃgôasiba mā, ǀgoraǃgâs di ǁaeb go ǀoa xuige. ǀGoreǀî re ǁîb ǀhommi, ǃhūbaib, hurib tsî ǁgamǀaudi tsîna ge dība.”

ǂHaiǂhais 21:6

Tsîb ge ge mîba te: “Dītoahe go! Tita ge Alfata tsî Omegata, tsoatsoata tsî ǀunita. ǁGâ hâ-i hoa-e ta ge ûib ǁgam-i di ǀausa xu ǁgam-e nî mā, matareoǃnâse.

ǂHaiǂhais 22:13

Tita ge Alfata tsî Omegata, ǂgurota tsî ǀunita, tsoatsoata tsî ǀamta.”

ǂHaiǂhais 3:14

“Laodiseas ǃnâ hâ kerkheb di ǀhomǃgāb ǃnâ-u nēti xoa re: “Nēs ge ǂhôas, tita Amenta, ǂgomǂgomsa tsî ama ǃkhō-amaota, ǃhūbaib di tsoatsoata, Elob ge ǂnubi xūn dita xu hâsa.

ǂHaiǂhais 4:11

“Sida ǃKhū tsî Elotse! Sats ge anu ǂkhaisib, ǃgôasib tsî ǀgaib tsîna ǃkhōǃoasa. Sats ge hoaraga xūna kuru xui-ao, tsî sa ǂâisa xun ge ge kuruhe tsî hâ.”