Daniel 7:1 - Khoekhoegowab 2020

¹ ǂGuro ǂgaeǂguis kurib Babilons gao-aob Belsasari dib ǃnâ ta ge tita Danielta, tsuxuba ǁhapos ǃnâ ai-e ge mû. Tita ge ǁhaposa ge xoamâi tsî nēb ge xoaǁguib,

Khoekhoegowab Elobmîs 2020

¹ ǂGuro ǂgaeǂguis kurib Babilons gao-aob Belsasari dib ǃnâ ta ge tita Danielta, tsuxuba ǁhapos ǃnâ ai-e ge mû. Tita ge ǁhaposa ge xoamâi tsî nēb ge xoaǁguib,

Daniel 7:1 Iomraidhean Croise

Genesis 15:1

Nēs khaoǃgâb ge ǃKhūba Abrammi ǀkha ǁhapo-i ǃnâ ge ǃhoa: “Tā ǃao re Abramtse, tita ge satsa ǃaorosasiga xu sâu tsî kai mādawa-amsa nî mā.”

Genesis 46:2

Tsuxubab ge Eloba ai-i ǃnâ Israeli ǃoa ge ǂgai: “Jakotse, Jakotse!” Ob ge Jakoba “Nē ta ge a” ti ge ǃeream.

ǂKhanis Job dis 4:13

ǁGaisi ǁhapodi ge tsuxub ǃnâ ge ǁnāǂam te, khoen ǃgam ǂoms ǃnâ ǁomǁgoe hîa;

Jesaja 30:8

Nēsi ǃgû, î ǀuiǂgapab ai ǁîn aiǃâ sī xoaǂgā, î ǂkhanis ǃnâ xoamâi, îs ǁîsa ǃgoaxaǁaeb ǃaroma ǀamo ǀhûǀguis ase hâ.

Jesaja 8:1

ǃKhūb ge tita ǃoa ge mî: “Kai ǀuiǂgapaba ū, î ǁîb ai ǁnaetisa xoaǀgaub ǀkha kaise xoa; ‘Maher-salal-has-bas.’

Jeremia 23:28

ǁNā kēbo-aob ǁhapo-e ga ūhâba, ab ǁhaposa ǃhoa, tsî ti mîs ga ǁîb tawa hâba, ab ti mîsa amab ǃnâ ǃhoa. Tare-eb kha ǃhoroǁôaba ǃhorob ǀkha ǁae hâ?” tib ge ǃKhūba ra mî.

Jeremia 27:7

ǁAedi hoadi ge ǁîb tsî ǁîb ôab tsî ǀgôab âb di ôaba nîra ǃoaba, ǁîb ǃhūb on di ǁaeb nîra hās kōse; ǃnubain ge ǀgaisa ǁaedi tsî kai gao-aogu tsîna ǁîba nîra ǃoabakaisen.”

Jeremia 36:32

Ob ge Jeremiaba ǀnî xamiǂkhanisa ū tsî Neriab ôab, xoa-aob Baruxa ge mā. ǁÎb ge ǁîs ai Jeremiab di mîdi, ǁnā ǂkhanis Judab gao-aob Jojakimmi ge ǂhubis didi hoade ge xoamâi. Tsî di ge noxopa ǂgui mîdi ǁnāti īde ge ǀarohe.

Jeremia 36:4

Ob ge Jeremiaba Neriab ôab Baruxa ge ǂgai, tsîb ge ǁîba ǃKhūb di mîdi Jeremiabab ge mîba di hoade mîbahe tsî xamiǂkhani-i ai ge xoamâi.

Esekiel 1:1

ǃNonadisiǁî kurib ǃnâ, koroǁî tsēs hakaǁî ǁkhâb dis ai ta ǃkhōsaben ǁaegu Kebarǃāb tawa hâ hîab ge ǀhomma ge ǁkhowa-amsen tsî ta ge Elob di ai-e ge mû.

Esekiel 40:2

Elob di ai-i ǃnâb ge tita Israelǃhūb ǃnâ ūsī tsî kaise ǀgapi ǃhommi ai ge mâi; tsî ǁîb ǃkhawagasǀkhāb ai i ge ǃā-i khami ī kuru-ai-e ge hâ i.

Daniel 1:17

Elob ge nē haka ǂkham khoega xoadi ǃnâ ǁnâuǃāb tsî ǂans tsîra ge mā, xoade gu nî ǁguiǃā ǁkhāse tsî ǁkhāti gā-aisib tsîna. Danieli ge aidi tsî ǁhapodi tsîna ge ǁguiǃā ǁkhā i.

Daniel 2:1

Gao-aob Nebukadnesari ge ǀgamǁî kurib ǁîb ǂgaeǂguis dib ǃnâ ǁhapo-e ge ǁhapo. ǁÎb ge nēs xa kaise ǁom ǁoab ges kōse ge ǂhanihe.

Daniel 2:26

Ob ge gao-aoba Danieli, Beltsasar tis tsîna ge ǂansa iba ge dî: “ǁHapo ta ge ǁhapos tsî ǁîs di ǂâibasens tsîra mîba te ǁkhāts a?”

Daniel 4:13

“Noxopa ta ǁomǁgoe hîa ta ge ai-i ǃnâ ǃanu ǀhomǃgāba ǀhomma xu ra ǁgôaxase ge mû.

Daniel 4:5

Xawe ta ge ǃao kai te ge ǁhaposa ge ūhâ i tsî ǃhuriǃhurisa aide ǂoms ǃnâ ge mû.

Daniel 5:1

Gao-aob Belsasari ge ǁîb di ǀguiǀoadisi ǂamkhoega ǂûǁare-e dība tsî ǁîgu ǀkha ǂauxûi-e gere ā.

Daniel 5:22

“Sats ǁîb ôats, Belsasarts ge nēn hoanats ge ǂan i, xawe ǃgamǃgamsen tama hâ.

Daniel 5:30

ǁNā tsuxub ǂûb ǃnâb ge Babilonias gao-aob Belsasara ge ǃgamhe.

Daniel 7:13

ǃAruǀî ta ge ti tsuxu-aidi ǃnâ ǀguib, khoe-i khami ra mûsenni ǃâudi ǃnâ ra hā ǃkhaisa ge mû. ǁÎb ge ǁnāb ǀamos kōse ûi hâb ǀgūse ge sī tsî ǁîb aiǃâ sī ge mâihe.

Daniel 7:15

Tita ge nē ta ge mû ais xa kaise ǃaoǃaohe tsî ge ǃhuriǃhurihe.

Daniel 7:7

Kō ta ra hîab ge hakaǁî ǀguruba ge ǂhai. ǁÎb ge ǃhuriǃhurisa, ǃaoǃaosa tsî kaise ge ǀgaisa i. Tsîb ge ǁîb di kai, ǀuri ǁgûgu ǀkha khākhoen âba ǃopoǃā tsî ge haraǂgā tsî ǃgau gena ǂaigu âb ǀkha ge dāǂkhūǂkhū. ǁÎb ge nau ǀgurugu hoaga xu ge ǀkhara i tsî disi ǁnâga ge ūhâ i.

Daniel 8:1

ǃNonaǁî ǂgaeǂguis kurib gao-aob Belsasari dib ǃnâ ta ge tita Danielta ǁkhawa ai-e ge mû.

Joel 2:28

“ǁNās khaoǃgâ ta ge ti Gagaba khoen hoan ai nî ǁhōǂui. Sadu ôagu tsî sadu ôadi tsîn ge nî kēbo, sadu di kairan ge ǁhapode nî ǁhapo tsî sadu ǂkham khoen ge aide nî mû.

Amos 3:7

ǃKhūb Elob ge tātsē xū-i xare-e dī tama hâ, ǁîb di ǃgāgu kēbo-aogab ǁîb ǀapesa ǂanǂan tamase.

Habakuk 2:2

Ob ge ǃKhūba ge ǃeream te: “Tita nî ǂhaiǂhaiba tsina ǀuiǂgapagu ai ǃgāsase xoamâi, î-i ǃkhoeǃkharu ka khoe-i hoa-e ǁîna khomai ǁkhā.

Numeri 12:6

ob ge ǁîba ǁîra ǃoa ge mî: “Nēsi ǃgâ, tare-e ta saro ǃoa ra mîsa! Kēbo-aogu ga sadu ǁaegu hâ, o ta ge tita ǁîga ai-i ǃnâ ǂhai tsî ǁhapodi ǃnâ-u ra ǃhoa-ū.

Romeǁîn 15:4

Xoadi ǃnâ ǀnai xoahe hân ge sada ǁkhāǁkhās ǃaroma xoahe hâ, tanixasib tsî ǀgaiǀgaiǃnâs tsîra Xoade xu hâra ǃnâ-u da nî ǃâubasensa ūhâse.

2 Korinteǁîn 12:1

Koasens ge tita harebeoǃnâba, xawe ta ge nēsi ǁhapodi tsî ǂhaiǂhaidi ǃKhūb ge mā te di xa nî ǃhoa.

ǂHaiǂhais 1:19

ǁNā-amaga mûts gona xoamâi re, hâ an tsî nēn khaoǃgâ nî īn tsîna.

ǂHaiǂhais 10:4

Nē ǃgurugu ge ǃhoatoa, o ta ge gere xoa ǂgao. Xawe ta ge dom-i hîa ǀhomma xu ra ǃhoa-ū te-e ge ǁnâu: “Tā ǁnâuts go xūna xoamâi, tā ǁîna ǂhaiǂhai!”