Daniel 4:3 - Khoekhoegowab 2020

³ “Mâtikōse di saodi âba a kai, mâtikōse gu buruxadīgu âba a ǀgaisa. Elob ge ǀamose a gao-ao, ǁîb di gaosib ge ǀamos kōse ra hâ.

Khoekhoegowab Elobmîs 2020

³ “Mâtikōse di saodi âba a kai, mâtikōse gu buruxadīgu âba a ǀgaisa. Elob ge ǀamose a gao-ao, ǁîb di gaosib ge ǀamos kōse ra hâ.

Daniel 4:3 Iomraidhean Croise

ǂKhanis Job dis 25:2

“Gaosib tsî ǃhuriǃhurisasib tsîkha ge Elob di; ǁîb di ǀgapi ǀhommi ǃnâb ge ǂkhîba ra dī.

Psalmdi 104:24

Mâtikōse gu a ǂgui sa sîsenga ǃKhūtse, hoa xūnats ge gā-aisib ǀkha ge kuru tsîb ge ǃhūbaiba sa kurusaben xa ǀoa hâ.

Psalmdi 105:27

ǁÎkha ge Egipteǁîn ǁaegu ǁîb saode gere dī tsî buruxa dīna Xammi ǃhūb ǃnâ gere dī.

Psalmdi 145:13

Sa gaosis ge hoa ǀamosib kōse hâ sa gaosis ge ǃhaosa xu ǃhaos kōse ra hâ.

Psalmdi 66:7

ǁÎb ǀgaib ǀkhab ra ǀamose gaosîsen mûra âb ge ǁaede ra ǃûi, în mâǃoaxa khoena tā ǁî-aitsama ǀgapiǀgapisen.

Psalmdi 72:18

ǃKhūb Elob, Israels Elobab karehe ǁîb ǀguib buruxana ra dība.

Psalmdi 77:19

Sa ǃgûdaob ge hurib ǃnâ-u ge hâ i, sa ǃgûǂgaroba ǀgaisa ǁgamgu ǃnâ, xawe di ge dāǃharodi âtsa ge mûsa tama hâ i.

Psalmdi 86:10

Sats ge a kai tsî buruxana ra dī sats ǀguits ge a Elo.

Psalmdi 92:5

Mâtikōse gu a kai sa sîsenga ǃKhūtse; ǂâidi âts ge kaise a ǃgam.

Jesaja 25:1

ǃKhūtse, sats ge ti Elotsa! Tita ge koas ǀkha ǀgapiǀgapi tsi tsî sa ǀonsa nî ǃkhōǀkhā. Sats ge buruxa xūna ge dī; tsîts ge ǀnaits ge ǀape hâ i ǀapede ǂgomǂgomsase tsî ǁaposase ge sîsenǂui.

Jesaja 28:29

Nē gā-aisib ge ǃKhūb Hoaǀgaixaba xu ra hā; ǁîb ǀapes ge buruxa tsî ǂoaǂamsa gā-aisiba ūhâ.

Jesaja 9:7

ǁÎb ǀgaib ge ǃaruǀîǀgui nî khoraǂuisen tsî ǁîb gaosib ge ǀamo ǂkhîba nî ūhâ. Gao-aob Davidi saoǃgonaoseb ge nî ǂgaeǂgui; ǁîb ǀgaibab ge ǂhanub tsî ǂhanu-aisib ai nî ǃgaoǃgao, nēsi tsî ǀamosib kōse. ǃKhūb Hoaǀgaixab ge nēn hoanab nî dīse mîmâi hâ.

Jeremia 10:10

Xaweb ge ǃKhūba a ama Elo, ǁîb ge a ûitsama Elo, ǀamo Gao-aoba! ǁÎb di ǁaixasib xab ǃhūbaiba ra ǀkhū, ǁaedi ǁaixasib âba a tani ǁoa.

Daniel 2:2

ǁNā-amagab ge ǃgaidī-aogu, aimûǀgaru-aogu, ǀkhūǂnau-aogu tsî ǀgamirokō-aogu tsîga ge ǂgaihā kai. Hā gu ge

Daniel 2:44

ǁNā gao-aogu di ǁaeb ǃnâb ge ǀhommi di Eloba, tātsē ǀam tide gaosiba nî ǂnûiǂgā. ǁÎb ge ǀnî gaosi-i xare-i xa danhe tide, tsîb ge nau gaosigu hoaga hoaragase nî hîkākā, xawe ǁîb ǂûb ge ǀamos kōse nî hâhâ.

Daniel 4:17

Nē mîǁguib di ǂanǂans ge sîsabegu, ǃanu ǀhomǃgāgu xa ge ǂanǂanhe, în hoa khoena ǂan, Hoan xa ǀGapi Elob ǃhūbaib di gaosigu hoagu ǂama ǀgaiba ūhâ tsîb ǁîga ǂgaob ra khoe-i hoa-e ra māsa, hoan xa ǃgôaǁnâsa-i tsîna.’

Daniel 7:14

Tsîb ge ǁkhāsib tsî ǃgôasib tsî gao-aosi ǀgaib tsîna ge māhe, în hoa ǁaedi, ǃhaodi tsî gowagu di khoena ǁîba ǃoaba. ǁÎb di ǂgaeǂguis ge ǀamos kōse ra hâ tsî gaosib âb ge tātse ǀam tide.

Daniel 7:27

ǀGaib tsî kaisib, ǃhūbaib gaosigu hoagu diban ge Hoan xa ǀGapi Elob di khoena nî māhe. ǁÎn di gaosib ge ǀamos kōse nî hâ tsî gu ge ǃhūbaib di ǂgaeǂgui-aogu hoaga ǁîna ǃoaba tsî nî ǁnâuǀnam.”

Romeǁîn 11:33

Mâtikōsen Elob di ǃkhūsib, gā-aisib tsî ǂans tsîna a ǃgam. ǁÎb ga ǀgoraǃgâ, xawe tari-e ǁnāsa a ôaǃnâ ǁkhā? Tamas ka io tari-e ǁîb daoga ǂanǂui ǁkhā?

Deuteronomium 4:34

ǀNî elo-e hâ-e khâimâ tsî ǀnî ǃhaode xu khoena sī ǁî-i dise ge ūbasen-e, ǃKhūb sadu Elob ge Egipteb ǃnâ sado dība khami? Sadu mûǁaeb ge ǁîba kai ǀgaib tsî ǁkhāsiba gere sîsenū; ǁîb ge tsûtsû-aidi tsî torob tsîna gere hā kai, saodi tsî buruxa dīna gere dī, tsî ǃhuriǃhurisa xūna gere ī kai.

1 Timoteub 1:17

Ab ǃgôasib tsî ǂkhaisib tsîkha māhe re Eloba, ǀamosiba xu ǀamosib kōse. ǁÎb ge a ǀamo Gao-ao, mûhe ǁoa tsî ǁō ǁoaba; ǁÎb ǀguib ge a Elo! Amen.*

Hebreǁîn 1:8

Xawe ǀGôab xab ge ra mî: “Sa trons ge Elotse ǀamosib kōse nî hâ tsî ǂhanu-aisib di gaohais ge sa Gaosib di gaohai;

Hebreǁîn 2:4

ǁKhā ǁaeb aib ge Eloba saodi, buruxa sîsengu tsî ǁkhāti ǂguiǃnâgu buruxa dīn tsî ǃAnu Gagab di mādi ǁîb di ǂâisa ǃoa ǀgoraǂuihe hâdi xa gere ǀhûǀgui.

1 Petrub 4:11

Khoe-i ga ǃhoas di ǁkhāsiba ūhâo, a i Elob di mîsa aoǁnâ. Tsî khoe-i ga ǃoaba, a i Elob ra ǀkhae ǀgaiba xus ase ǃoaba, îb Eloba xūn hoan ǃnâ koahe Jesub Xristub ǃnâ-u. ǁÎb ǂkhaisib tsî ǀgaib tsîkha anu hâba ǀamosib kōse. Amen.*

ǂHaiǂhais 11:15

Hûǁî ǀhomǃgāb ge ǁîb di xâiǁnâsa xâi, o gu ge ǃgari domga ǀhommi ǃnâ ge ǁnâuhe, mî raga: “Gaosib ǃhūbaib dib ge a nē sada ǃKhūb tsî ǁîb di Xristub* di tsîb ge ǁîba ǀamosib kōse nî gaosîsen!”