1 Samuel 8:3 - Khoekhoegowab 2020

³ Xawe kha ge ǁîkha ǁgûb di aiǁgausa ge sao tama hâ i. ǁÎkha ge hōǂgābasens âkha ai ǀgui gere kō tsî ǀhôagao ǀgaub ai ǀkhaexūna ǃkhōǃoa tsî ǁhōga ǂhanu tamase gere ǀgoraǃgâ.

Khoekhoegowab Elobmîs 2020

³ Xawe kha ge ǁîkha ǁgûb di aiǁgausa ge sao tama hâ i. ǁÎkha ge hōǂgābasens âkha ai ǀgui gere kō tsî ǀhôagao ǀgaub ai ǀkhaexūna ǃkhōǃoa tsî ǁhōga ǂhanu tamase gere ǀgoraǃgâ.

1 Samuel 8:3 Iomraidhean Croise

2 Samuel 15:4

ǃAruǀîb ge gere mî: “Nē ǃhūb ǃnâ ta ga ǂhanuǂhanu-aose mâiheo, o ta ge mâ khoe-i, ǃgomsi-i ǀkha tita ǃoa ra hā-i hoa-e ǂhanu-aise ga ǀgoraǃgâ hâ.”

Psalmdi 15:5

ǁÎn di mari-e hōǂgāsa nî hōxūse ǀkhupiǂui tama hâ, tsî ǀgūkhoe-i ân ǃoagu nî ǀhûǀguitimîse ǁamaǃkhunimari-e ǃkhōǃoa tama. Nēna ga dī-i hoa-i ge ǀamose ǁnobe tide.

Psalmdi 26:10

ǃOmdi ân ǃnâb ǂkhababa hân, tsîb amǀkhāb ǃommi âna ǁamaǃkhunis xa ǀoa hâna.

Eksodus 18:21

Xawe sa xōǀkhā ǁkhāsiba ūhâ, ǂhauǃnâ, eloǃaoǃgâxa tsî ǀhôagaosiba ǁkhan hâ khoega ǁhûi, î ǁnā khoega ǀoadisidi, kaidisidi, korodisidi tamas ka io disidi khoen di ǃgubidi ǂama ǂgaeǂgui-aose ǁgaumâi.

Eksodus 23:6

“Tātsēs tsîna tā ǂhanu-ai ǀgoraǃgâsa ǀgâsa khoe-e ǀgoraǃgâǃkhaib ǃnâ ǀhana.

Eksodus 23:8

Tā ǀhôagao xū-i tamas ka io ǃnarimari-i ǀkha ǁamaǃkhunihe, nēs ra mâisana ǂhanu-aisib ǃoa ǂgī kai tsî ǂhanu-aisib ǀhapio khoen diba ǀhana xui-ao.

Aoǁnâ-aob 2:19

Tsî tari-e gâ tamas ka io i nî gā-ai khoe ǃkhaisa a ǂan? Xawe-i ge ǁî-e hoaraga xūn tita ge nētikō ǀgaisase tsî gā-aise ǀhupuban di ǃereamsa nî ū. Nēs tsîn ge a harebeoǃnâ.

Jesaja 1:23

Sadu ǂgaeǂgui-aogu ge khâikhâisen tsî ǃnari-aogu ǀkha ge ǀhōsagu. Hoagu ge ǀhôagao ǁaxasiga ge ǀnam tsî matare-oahesa ra ǁgūba. ǁÎgu ge ǃguniǀgôana khâimâba tama, tsî ǃoataradi ǂhanuga ǂnoaba tama hâ.

Jesaja 33:15

ǁNān ǂhanu-aise ûi tsî ǂhauǃnâse ra ǃhoan, ǁnān ǁgâiǀā-aon ǃkhūsiba ra ǂharan, ǁnān ǁamaǃkhunihesa ǂkhā tsî ū taman, ǁnān ǀaoǂnâxūs ǃaroma ǂgaedi âna ra ǂganamn tsî ǁnān ǂkhababan mû ǂgao tama, o mûdi âna ra ǂganamna.

Mixa 3:11

ǁÎs di ǂgaeǂgui-aogu ge ǁamaǃkhunis ama ǀgoraǃgâs âga ra dī. ǁÎs di pristergu ge ǃkhōǃoamaris ai ra ǁkhāǁkhā. ǁÎs di kēbo-aogu ge matarehes ǃaroma ra kēbo. Xawe gu ge ǃKhūb ǁîgu ǀkha hâ ti koasen tsî ra mî: “ǃKhūb sige ǀkha hâ tsî ge ǂōǂōsi-i xare-i xa hāǂamhe tide.”

Deuteronomium 16:19

ǁÎgu ǀgoraǃgâs ǃnâ gu ge ǂhanuoǃnâ tamas ka io ǀkhāǁhûixa tide; ǁîgu ge ǁamaǃkhuni kaisen tide, ǁamaǃkhunimarib gā-ai tsî ǂhauǃnâ khoeb tsîna ra ǂgī kai, tsî ǀhapixa khoeb tsîna ra ǀhapio kai xui-ao.

1 Timoteub 3:3

Kerkheb ǂgaeǂgui-ao-i ge ǀhoro tamas ka io ǃkhamxa tide, xawe i ge nî tsamtsiǃnâ tsî ǂkhîxaǃnâ tsî mariǃgunuxa tide.

1 Timoteub 6:10

Mariǃgunuxasib ge a ǂkhaban hoan di ǃnoma, xui-aon ge ǀnî khoen ǁnāti īna ǂgoms âna xu ǁnāǁgôa tsî kai tsûba ge ǃaromabasen.

1 Samuel 12:2

Kō, nēsi du ge gao-aoba ūhâ sadob nî ǂgaeǂguise. Tita xasa, tita ge kaira tsî go ǀhaiadana tsî ti ôakha ge sadu ǀkha hâ. Tita ge sado ti ǂkhamsisa xu nēsis kōse goro ǂgaeǂgui.

1 Samuel 2:35

O ta ge ǂgomǂgomsa pristeri, ti ǁkhoreb tsî ǂgaoǀkhās ǃoa nî sîsenna nî ǁhûiǂuibasen. Tita ge hâhâ ra ôananôaguba nî mā bi tsî gu ge ǀamose ti ǂkhauǀkhāsabeb aiǃâ nî ǃoaba.