1 Samuel 4:3 - Khoekhoegowab 2020

³ Tsî ǃkhamaogu ge hâ-ais tawa sīo, o gu ge Israelǁaes di kaiga ge mî: “Tare-i ǃaromab kha ǃKhūba nētsē go dī, Filisteǁîn xa da nî danhesa? A da ǃGaeǀhaos ǂGaes ǃKhūb disa Silosa xu sī ū, îs sada tawa hâ, îs sada khākhoen di ǃomǁaeba xu huiǂui da.”

Khoekhoegowab Elobmîs 2020

³ Tsî ǃkhamaogu ge hâ-ais tawa sīo, o gu ge Israelǁaes di kaiga ge mî: “Tare-i ǃaromab kha ǃKhūba nētsē go dī, Filisteǁîn xa da nî danhesa? A da ǃGaeǀhaos ǂGaes ǃKhūb disa Silosa xu sī ū, îs sada tawa hâ, îs sada khākhoen di ǃomǁaeba xu huiǂui da.”

1 Samuel 4:3 Iomraidhean Croise

2 Samuel 15:25

Ob ge gao-aoba Sadoka ge mîmā: “ǃGaeǀhaos ǂGaes Elob disa ǁkhawa ǃāsa ǃoa oa-ū. ǃKhūb ga ǀkhomxa te tsî oaǀkhī-ū te, ob ge ǁîs tsî mâǃkhais âs tsîra nî mû kai te.

1 Kroniks 17:1

Gao-aob Davidi ge ǁîb di gao-ommi ǃnâ ge ǁan hâ i. ǀGuitsēb ge ǁîba kēbo-aob Natanna ǃoa ge mî: “Kō, tita ge sederhain ǀkha kurusa ommi ǃnâ ǁan hâ, xawe ǃGaeǀhaos ǂGaes ǃKhūb dis ge Tentommi ǃnâ mâ.”

Psalmdi 74:1

Elotse tare-i ǃaromats kha sida ǀamosib kōse ge ǂhara? Tare-i ǃaromab kha sa ǁaixasiba sa ǃû-ais di gūn ǃoagu nî ǀan?

Psalmdi 74:11

Tare-i ǃaromats sa ǃommi, sa amǀkhāb ǃomma ra ūdawa? ǁÎba sarab di xamiba xu ūǂui, îts hîkākā.

Jesaja 50:1

Nētib ge ǃKhūba ra mî: “Sadu îs di ǀgoraǂkhanis, ǁîsa ta ge sîbē-ūsa mâpa hâ? Tamas ka io mâb ti surude ôa-aob, ai ta ge ǁamaxū du? Ā, sadu ǁoren ǃaromas ge ǁamaxūhe du gesa, tsî sadu tsūdīgu ǃaromas ge sadu îs ge sîbēhesa.

Jesaja 58:3

Khoen ge ra mî: “Tare-i ǃaroma da ge ǂûtama hâ, xawe sats ge ǁnāsa mû tama hâ? Tare-i ǃaroma da ge aitsama ǃgamǃgamsen, xawe sats ge ǁnāsa mûǂan tama ge hâ i?” ǃKhūb ge ra mî: “Mû, sadu ǂûtama hâsa du ge sadu ǃgâib ǃoa ǀgui ra dī tsî sadu sîsenaon hoana ra ǁgâiǀā.

Jesaja 59:1

Mû, ǃKhūb ǃommi ge ores ǃaroma ǃnubu tama, tamas ka ios ge ǁîb ǂgaesa ǁnâus ǃaroma ǂgansa tama hâ.

Jesaja 59:2

Xawe sadu ǁoren ge sadu tsî sadu Elob tsîdu ǁaegu ǁhāba ǁgui hâ, tsî sadu ǁoren ge ǁîb aisa sado xu gaugau hâna, ǁîb ǁnâu tidese.

Jeremia 3:16

Tsî du ga nē tsēdi ǃnâ ǀarosen tsî ǂûǂûxa, on ge ǃaruǀî ǃGaeǀhaos ǂGaes xa ǃhoa tide. ǁKhātin ge ǂâihō tide tsîn ge ǁnās xa ǂâi tsî ǁîsa ôa tide tamas ka io ǀnîsa kuru tide.

Jeremia 7:4

Tā ǂkhaba mîdi ai ǂgomaiǂnûi’ tsî ‘Nēb ge ǃKhūb di Tempela! ǃKhūb di Tempeli, ǃKhūb di Tempeli’ ” ti mî re.

Numeri 10:33

Israelǁîn ge ǃanu ǃhommi Sinaiba xu doe, on ge ǃnona tsēde ge ǃgû. ǃKhūb di ǃGaeǀhaos ǂGaes ge aisǀkhāb ai gere tanihe, khoen sī nî ǂnaumâiǃkhai-e hōs kōse.

Numeri 10:35

ǃGaeǀhaos ǂGaes gere ǃgûtsoatsoa-ūhe ǁaeb hoabab ge Moseba gere mî: “Khâima, ǃKhūtse, sa khākhoena ǀgaruǀgaru, î satsa ǁkhan hâ-i hoa-i ǃoagu ǃkham.”

Numeri 31:6

Moseb ge ǃkhamaoga Eleasari ôab, prister Pinehasi di ǂgaeǂguis ǃnaka torob ǁga ge sî. ǁÎb ge ǃnâu xūn tsî ǂanǂans di ǀōb ǃaroma xâiǁnâdi ǃereams tsîna ge ūhâ i.

Deuteronomium 29:24

Hoaraga ǁaedi ge nî dî: ‘Tare-i ǃaromab ǃKhūba ǁîn ǃhūba nēti ge hîkākā? Tare-e ǃKhūb di ǁaiba nēti ge ǁgoaǂui-e?’

Deuteronomium 31:26

“Nē ǂHanub ǂKhanis Elob disa ū, î ǃGaeǀhaos ǂGaes ǃKhūb sadu Elob dis xōǀkhā sī ǁgui, îs ǁîsa ǀhûǀguitimî ase ǁnāpa sadu ǃoagu hâ.

2 Timoteub 3:5

Elob di ǃoaba-aon khamin ge nî dīsen, xawen ge ǁîba xu hâ ama ǀgaiba nî ǂhara. ǁNāti ī khoen ǀkha tā ǁaeǁaesen.

Hebreǁîn 9:4

ǁÎb ǃnâ ra ge ǃhuniǀuri ǀanǀanaltars tsî ǃGaeǀhaos ǂGaes, ǃhuniǀurib ǀkha ge ǃkhûǀkhāsa is tsîna ge hâ i. ǁÎs ǃnân ge ǃhuniǀuri xapas mannab hâǃnâs, Aronni ǀkharub, ǂnarexa ge ib tsî ǀgam ǀuiǂgapakha, ǁîkha ai di Disi Mîmāde xoasakha tsîna ge hâ i.

Josua 4:7

o du ge ǁîna ǃGaeǀhaos ǂGaes ǃKhūb dis ge Jordanna ǃgâu, ob ge ǃāb di ǁgamma a dâuǀû ǃkhaisa nî mîba. Nē ǀuidi ge Israelǁaesa hoaǁae tare-i ge nēpa ī ǃkhaisa nî ǂâiǂâiǃnâ.”

Josua 6:6

Josuab ge pristerga ǂgai tsî ǁîgu ǃoa ge mî: “ǃGaeǀhaos ǂGaesa ū, î gu hûgu sago diga ǁîs ais ai xâiǁnâde tani hâse ǃgû.”

Josua 7:7

ǁNās khaoǃgâb ge Josuaba ge mî: “ǃKhū Elotse, tare-i ǃaromats kha ǁnâi Jordanǃāba ge ǃgâu-ū da? Amorǁînats nî māǁnâ dagasa? Hîkākā dats nîsesa? Tare-i ǃaromats go Jordanni nauǃani da nî ǁanse ǁnāxū da tama hâ i?

Josua 7:8

ǃKhūtse, tare-e ta nēsi nî mî, Israelǁîn go khākhoen aiǃâ a ǁhâo?

1 Petrub 3:21

Nē ǁgammi dâus ge ǁāǁnâs sado ra sâus khami ī, ǁîs ge sorosi ǀurisasib di ǁāǁnâ tama, xawe Elob ǃoa dabasen ǃgâi ǂgaoǂans ǀkha, Jesub Xristub ge ǁō hâna xu khâi xui-ao.

Judab 1:5

Xawe ta ge ra ǂâiǂâiǃnâ du ǂgao, nē xūn hoana du a ǂan xawe, ǃKhūb hîa ge ǁaesa Egipteba xu oreb ge ega ǁnān hîa ge ǂgom tama ina hîkākā ǃkhaisa.

1 Samuel 1:24

ǀŌǀō bis ges khaoǃgâs ge ǁîba Silos ǁga ge ūsao; ǁkhātis ge ǃnona kurixa ǁgōb, disi kiloxramgu mel-i tsî ǀgui ǃgapas ǂauxûi-i tsîna ge ūsao. ǁÎs ge ǀgôaroba noxopab kaise a ǂkham hîa Silos tawa ǃKhūb ommi ǁga ge sī-ū.

1 Samuel 14:18

Ob ge Saula Ahiab ǃoa ge mî: “Efoda nēpa hā-ū.” (ǁNātsēb ge Ahiaba efoda ge ana hâ i khoen ǁaegub hâ hîa.)

1 Samuel 4:2

Filisteǁîn ge ǃkhams ǃoa ge khâi Israelǁîn ǃoagu; ǃkhamgub ge ǀgai on ge Filisteǁîna Israelǁîna dan tsî hakaǀoadisi aogu âna ǁnāpa ge ǃgam.