Nthi 30:4 - ÎVUKU RÎA ÛVORO MWARO

⁴ Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Nthi 30:4 Iomraidhean Croise

Kîam 32:29

Jakovu nîwerire mûndû ûcio atîrî, “Nakûthaitha, mbîra wîtagwa atîa?” Mûndû ûcio nîwamûcokerie atîrî, “Ûrenda kûmenya rîîtwa rîakwa nîkî?” Nîwacokire akîrathima Jakovu.

Ayubu 11:7

“Nwa ûvote kûmenya nthintho ya Ngai? Nwa ûvote kûmenya ûnene wa Ngai mwene vinya wonthe?

Ayubu 11:8

Ûnene wake ûnenevete ûgakîrûka matu, we ndûngîûkinyîra, na nîmûrikîru gûkîra kûrîa gwa akuû, we ndûngîmenya.

Ayubu 26:8

Ngai nîke wîcûragia matu ma mbura manjî, na akagiria matûrîke maritûva.

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 24:2

Aaûmbire mûcingi wa nthî îgûrû rîa îria, na akîmiga îîkindîrîtie îriarî kûrîa kûriku.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Ntha 15:10

Nwatî rîrîa rûkûngi rwaku rwavurutanire we Ngai-Mûnene, andû a Misiri maakunîkirwe nî îria. Maaûrîre manjîrî meengî ta ûrîa cuuma yûragîra.

Ntha 6:3

Nînaumîrîre Iburahimu, Isaka na ngiumîrîra Jakovu ta Ngai Mwene Vinya Wonthe, nwatî ndiemenyithania kûrî o na njîra ya rîîtwa rîakwa rîrîa rîtheru, Ngai-Mûnene.

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 53:8

Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa, na gûtirî mûndû wamakagua nî maûndû marîa oonaga. Nîwathengutirue vûrûrirî wa arîa marî mwoyo, aaûragirwe nîûndû wa mevia ma andû akwa.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Aroma 10:6

Nwatî ûvoro wîgiî ûthingu ûrîa mûndû agîcaga naguo nîûndû wa gwîtîkia, Mandîko Matheru maugaga atîrî: “Ndûkeyûrie we mwene nû ûkunûkia îgûrû (ûguo nî kuga, Nû ûkunûkia îgûrû na arete Kristû gûkû nthî?”)

Gûco 28:58

“Ethîrwa mûtikaavingagia na kinyi mawatho monthe marîa mandîkîtwe îvukuurî rîîrî, na mwîtigagîre rîîtwa rîa Ngai-Mûnene Ngai wenyu, na nîrîo rîrî riiri na rîagîrîrwe nî kûgoocwa,

Gûco 30:12

Matirî îgûrû kwa Ngai atî nwa mûrie, nû ûkûthiî kuo nîguo amûretere mo nîguo mûmegue na mûmathîkîre.

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

Atir 13:18

Nake mûraika wa Ngai-Mûnene nîwaûririe Manoa atîrî, “Ûrenda kûmenya rîîtwa rîakwa nîkî? Rîîtwa rîakwa nî rîa kûgegania.”