Nthi 22:4 - ÎVUKU RÎA ÛVORO MWARO

⁴ Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Nthi 22:4 Iomraidhean Croise

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 21:20

Mûciî wa mûndû mûûgî wîthagîrwa ûrî na indo cia goro, nwatî mûndû mûritu atûmagîra indo ciake naaî ikathira.

Nthi 21:21

Mûndû ûrîa wîkaga maûndû ma ûthingu na kwîgucanîra ntha, nîagaatûûra îvinda îraca na atîwe nî andû.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Nthi 22:5

Njîra ya arîa aremi îrî mîgua na mîtego, mûndû ûrîa wîmenyagîrîra nîamîîthemaga.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Nthi 3:16

Ûûgî ûvecaga mûndû ûtûûro mûraca, na nîûvecaga mûndû ûtonga na gîtîîo.

Nthi 31:30

Ûgemu nîûveenanagia, na ûthaka nîûthiraga, nwatî mûndûmûka wîtigîrîte Ngai-Mûnene nîakumagua.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Danieli 4:36

Narîkia gûcokerwa nî meciria makwa, nînagîre ngumo nene, wathani na riiri rîngî. Atongoria na athani a vûrûri wakwa nîmaaûkire kûnjaria na ngîcokua ûthamakirî wakwa rîngî, na ngîgîa vinya wa wathani wana gûkîra mbere.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”