Nthi 2:8 - ÎVUKU RÎA ÛVORO MWARO

⁸ Nîagitagîra arîa marûmagîrîra kîvooto, na nîamenyagîrîra arîa mamwîtîkîtie.

Nthi 2:8 Iomraidhean Croise

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 145:20

Ngai-Mûnene nîagitagîra arîa onthe mamwendete, nwatî nîagaacûkangia arîa onthe aganu.

Thaburi 23:3

Nîatûmaga njokwe nî vinya rîngî. Nîandongoragîria njîrarî cia ûthingu, nîûndû wa rîîtwa rîake.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Thaburi 37:31

Nîmaigaga mawatho ma Ngai ngororî ciao; na matiîkaga maûndû mataringanîte na mawatho mau.

Thaburi 66:9

Ke nîatwigîte tûrî mwoyo na ndaatûrekereria tûvootwe.

Thaburi 97:10

Ngai-Mûnene nîendete andû arîa mathûrîte maûndû macûku, nîamenyagîrîra ûtûûro wa andû ake, nîamavonokagia kuuma kûrî andû arîa aganu.

Nthi 8:20

Ndûûraga na njîra ya ûthingu, nûmagîrîra njîra cia kîvooto.

Isaia 35:9

Gûtirî mînyambû îkethîrwa njîrarî îo, kana nyamû wa yonthe mbaganu îvîtûkîrîra varavararî îo. Nyamû icio itikooneka varavararî îo, nwatî andû arîa akûre nîo makaavîtûkîrîra kuo.

Gûco 33:3

Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.