Nthi 17:22 - ÎVUKU RÎA ÛVORO MWARO

²² Mwîrî wa mûndû mûkeni wîkaraga ûrî na vinya, nwatî mwîrî wa mûndû ûrîa wîkaraga na kîeva nîûthiraga vinya.

Nthi 17:22 Iomraidhean Croise

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Nthi 12:25

Gûtangîka ngororî nîgûtûmaga mûndû athirwe nî gîkeno, nwatî kiugo Kîamro nîgîtûmaga mûndû akene.

Nthi 15:13

Andû marî na gîkeno, nî mathekaga, nwatî marî arakaru monekaga marî na kîeva.

Nthi 16:24

Ciugo mbaro ciîkariî ta ûûkî, nîciîguithagia mwoyo mûrîo na igekîra mwîrî vinya.

Nthi 18:14

Mwîrîgîrîro wa gûtûûra mwoyo nîûtûmaga mûndû eyûmîrîrie rîrîa arî mûrwaru, nwatî mwîrîgîrîro ûngîthira gûtirî mûndû ûngîvota kwîyûmîrîria.

Mûvunjia 2:2

Nînaamenyire atî wana kûtheka nî ûrimû, na gûkena gûtirî vata.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

2Akor 7:10

Nîûndû kîeva kîrîa Ngai egwithanagia nîgîtûmaga andû magarûrûke na gîkamatongoria kûrî ûvonokio, na ûguo ndwagîrîrwe gûtûma mûndû akua ngoro. Nwatî kîeva kîrîa kiumanaga na ûmûndû nîkîretage gîkuû.