Nthi 17:20 - ÎVUKU RÎA ÛVORO MWARO

²⁰ Mûndû ûrîa wîciragia maûndû macûku ndathatûkagwa, na mûndû ûrîa waragia maveeni nîagûcaga thînarî.

Nthi 17:20 Iomraidhean Croise

Thaburi 18:26

We ûrî mwagîrîru kûrî andû arîa agîrîru, nwatî nîûverithagia andû arîa aganu.

Nthi 10:10

Mûndû ûrîa ûthithagîrîra ûma nîatûmaga kûgîe na thîna, nwatî mûndû ûrîa waragia ûma aûmîrîrîtie nîatûmaga kûgîe na thayû.

Nthi 10:14

Andû arîa aûgî maragia maûndû mavarîrîrîtie, nwatî mûtûkatûko wa irimû nîûtûmaga kûgîe na thîna.

Nthi 10:31

Andû arîa athingu maragia maûndû ma ûûgî, nwatî andû arîa maragia maûndû marîa macûku nîmagaacûkangua.

Nthi 24:20

Nîûndû mûndû mwaganu ndarî kîîrîgîrîro, taa ya mwoyo wa mûndû mwaganu nîîkaavorua.

Nthi 3:32

Nîûndû Ngai-Mûnene nîathûrîte mûndû ûrîa mwaganu, nwatî nîatucaga mûndû ûrîa mwîvokeku mûrata wake.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Mûvunjia 10:12

Ciugo cia mûndû mûûgî nîitûmaga atîwe, nwatî kîrimû gîcûkangagua nî mîario yakîo.