Nthi 17:13 - ÎVUKU RÎA ÛVORO MWARO

¹³ Ûngîrîvia wega na ûcûku, thîna ndîkaathira gwaku mûciî.

Nthi 17:13 Iomraidhean Croise

2Sam 12:10

Nîûndû wa ûguo, andû amwe kuuma njiarwarî ciaku cionthe magaakua gîkuû Kîam ruuo nîûndû nîûregete kûmbathîkîra na nîwocete mûndûmûka wa Uria.

1Atha 21:22

Nîngaatûma mûciî waku wîkare ta mûciî wa mûthamaki Jeroboamu mûvîcî wa Nebati na wîkare ta mûciî wa mûthamaki Baasha mûvîcî wa Ahija, nîûndû nîûndakarîtie nîûndû wa gûtûma andû a Isiraeli mevie.’

Thaburi 35:12

Nîmekaga maûndû maro nao makambîka maûndû macûku, nanie ndigîtwe nîrî na vinya.

Thaburi 38:20

Acio mambîkaga naaî rîrîa ngûmeka waro, mareganaga nanie nîûndû mbîkaga maûndû marîa maro.

Nthi 13:21

Mathîna marûmanagîrîra na mwîvia kûndû kuonthe, nwatî andû arîa athingu nîmakaarîvwa na maûndû maro.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Mathaayo 27:5

Nake Judasi nîwaikanirie mbeca icio kûu hekarûrî, akiuma na akîthiî agîita.

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Sam 19:4

Jonathani nîwagaathîrîrie Daudi kûrî îthe na akîîra Saûlo atîrî, “Mwathi wakwa, ndûgeke ndungata yaku Daudi ûndû mûcûku. Ndarî anakûvîtîria wanarî na ûndû na maûndû make monthe agîgûtungatîra methîrîtwe marî na ûtethio mûnene mûno kûrî we.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 25:21

Daudi nîweciragia atîrî, “Nie naarutire wîra wa mana ngîgitîra indo cia mûndû ûcio kûu werûrî na gûtirî kîndû wanarî kîmwe Kîam indo ciake cionthe Kîamûrire na rîu, wega ûrîa wonthe nîramwîkîte andîvîte na ûûru!