Nthi 15:12 - ÎVUKU RÎA ÛVORO MWARO

¹² Andû arîa etîi matiendaga kûrutwa mavîtia; matiûragia ûtaaro kûrî andû arîa aûgî kûrî o.

Nthi 15:12 Iomraidhean Croise

2Maû 18:7

Nake Ahabu nîwamûcokerie atîrî, “Kûrî na wîngî ûmwe wîtagwa Mikaia mûvîcî wa Imula. Nwatî nîrî mûmûthûru nîûndû ndandathagîra maûndû maro tiga wa marîa macûku.” Nake Jehoshafati nîwamwîrire atîrî, “Mûthamaki ndwagîrîrwe nî kuga ûguo.”

Ayubu 21:14

Andû arîa aganu meraga Ngai atigane nao, matiendaga kûmenya wendi wake mûtûûrîrerî wao.

Nthi 1:22

“Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî?

Nthi 13:1

Mwana mûûgî nîathikagîrîria rîrîa agûtaarwa nî îthe, nwatî mûndû mwîtîi ndathikagîrîria rîrîa akûrutwa mavîtia.

Nthi 14:6

Andû arîa etîi macaragia ûûgî na matiwonaga, nwatî andû arîa aûgî mataûkagîrwa nî maûndû na îvenya.

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

2Tim 4:3

Mavinda nîmagaûka rîrîa andû makaarega kûthomithua maûndû marîa magîrîrîte. Nwatî nîmakeyûnganîria arimû ao kûringana na merirîria mao. Arimû acio nîmakaamakenia, nîûndû makaaragia maûndû marîa matû mao mendete kwîgua.