Nthi 15:1 - ÎVUKU RÎA ÛVORO MWARO

¹ Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 15:1 Iomraidhean Croise

2Sam 19:43

Nao andû a Isiraeli nîmaacokerie andû a Juda atîrî, “Tue tûrî na vata maita îkûmi kûrî mûthamaki kûmûkîra wana ethîrwa nî ûmwe wenyu. Nîndûî kîratûmire mûtûnyarare? Mûtikanariganîrwe, atî nîtue twarî a mbere kwarîrîria ûvoro ûcio wîgiî gûcokia mûthamaki!” Nayo mîario ya andû a Juda yarî na ûrûrû mwîngî mûno gûkîra ya andû a Isiraeli

1Atha 12:7

Nao nîmaamûcokerie atîrî, “Ûmûnthî ethîrwa nîûkwenda gûtungatîra andû aya waro, macokerie waro ûndû ûrîa makûûria, na makaagûtungatagîra vîndî cionthe marî na wîvokeku.”

2Maû 10:7

Nao nîmaamûcokerie atîrî, “Ûngîguîra andû aya ntha, ûmakenie na ûmarîrie waro, nîmatûûra marî ndungata ciaku tene na tene.”

Ayubu 41:3

Nwa gîkûthaithe ûkîrekie? Nwa gîgûkaîre ûkînakîguîra ntha?

Nthi 10:12

Rûthûro rûretaga ngucanio, nwatî rwendo rûrekagîra mavîtia monthe.

Nthi 15:18

Mûndû wa kûrakara na îvenya nîatûmaga kûgîe na ngucanio, nwatî mûndû ûrîa ûtarakaraga na îvenya nîathiragia ngarari.

Nthi 25:15

Gûkirîrîria nwa gûtûme mûthamaki etîkîre ûndû, na mîario ya ûvoreri nwa îtûme thîna ûthire.

Nthi 28:25

Mûndû mwîyendi nîatûmaga kûgîe na ngucanio, nwatî ûrîa wîvokete Ngai-Mûnene nîarathimagwa.

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.

Nthi 29:8

Andû arîa aritu matûmaga îtûûra rîakane mwaki, nwatî andû arîa aûgî nî mathiragia marakara.

Ciîko 19:41

Nake karani wa îtûûra arîkia kuga maûndû mama, nîwerire andû mathiî.