Nthi 14:26 - ÎVUKU RÎA ÛVORO MWARO

²⁶ Mûndû ûrîa wîtigîrîte Ngai-Mûnene ndetigagîra, nacio ciana ciake nîikaagîa na kûndû gwa kûûrîra.

Nthi 14:26 Iomraidhean Croise

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Nthi 14:27

Gwîtigîra Ngai-Mûnene nîta kîthima Kîam mwoyo, na nî gîtûmaga mûndû aûrîre mîtego ya gîkuû.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 19:23

Gwîtigîra Ngai-Mûnene nî gûtûmaga mûndû atûûre îvinda îraca, na mûndû atûûraga arî mwîganîru na ndangînyitwa nî ûndû mûcûku.

Nthi 20:7

Mûndû mûthingu ûrîa ûtûûraga na mîtugo mîagîrîru, njiarwa ciake nîikaarathimwa.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Jeremia 15:11

We Ngai-Mûnene, ethîrwa ndianagûtungatîra ûrîa kwagîrîrîte kana ngûthaitha vandûrî va nthû ciakwa rîrîa maarî na thîna na ruuo, nîronyitwa nî irumi ciao.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.