Nthi 13:22 - ÎVUKU RÎA ÛVORO MWARO

²² Mûndû mwaro nîatigagîra njiarwa ciake îgai, nwatî ûtonga wa andû arîa evia ûthiîcaga na andû arîa athingu.

Nthi 13:22 Iomraidhean Croise

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Thaburi 102:28

Ciana cia ndungata ciaku igaatûûraga irî ngitîre, nacio njiarwa ciao igaatûûra ciîkindîrîtie varî we.

Thaburi 112:2

Njiarwa ciake nîigaatuîka andû marî vinya vûrûrirî; njiarwa cia andû arîa arûngîrîru nîikaarathimwa.

Thaburi 128:6

Ûrotûûra nginya ûkoona ciana cia ciana ciaku! Isiraeli kûrogîa thayû!

Thaburi 37:25

Vîndî îmwe naarî mwîthî, na rîu nîrî mûkûrû, nwatî ndianona andû arîa athingu matiganîrîtue nî Ngai-Mûnene kana mona ciana ciao ikîvoya irio.

Nthi 17:6

Andû arîa akûrû nî makenaga rîrîa makwona ciana cia ciana ciao, wata ûrîa ciana ikenaga ikîona aciari a cio.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.