Nthi 10:9 - ÎVUKU RÎA ÛVORO MWARO

⁹ Andû arîa marî mîthiîre mîkinyanîru methagîrwa marî agitîre, nwatî arîa matarî evokeku nîmakaamenyeka.

Nthi 10:9 Iomraidhean Croise

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Ayubu 8:20

Taroria, Ngai ndakaarega mûndû ûtarî na ûcuke, na ndagaatethia arîa mekaga naaî.

Thaburi 23:4

Wana nîngîvîtûkîrîra mûkururî ûrî nduma nene ta ya gîkuû, gûtirî ûgwati nîngîtigîra, nîûndû we Ngai-Mûnene ûrî vamwe nanie. Rûthanju rwaku rwa ûrîthi na mûragi waku nîcio ingitagîra.

Thaburi 25:21

Ngitîra nîûndû wa wega na wîvokeku wakwa, nîûndû we nîwe nîîvokete.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Nthi 17:20

Mûndû ûrîa wîciragia maûndû macûku ndathatûkagwa, na mûndû ûrîa waragia maveeni nîagûcaga thînarî.

Nthi 26:26

Wana îngîgeria gûkunîkîra ûvinga wayo, ûcûku wayo nîûkaamenyekana nî andû onthe.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Nthi 28:18

Mûndû ûrîa ûthiîcaga na mîthiîre mîkinyanîru nîakaavonokua, nwatî mûndû wa mîthiîre mîcûku nîakaagwa wa rîmwe.

Nthi 3:23

Ûgaacoka ûthiîcage ûtagwîtigîra na ûkaathiîcaga ûtakûvîngwa.

Mathaayo 10:26

“Kwoguo mûtigetigîre andû. Nîûndû gûtirî kîndû gîkunîkîre gîtagaakunûrwa kana kîthithe gîtakaamenyekana.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

1Tim 5:25

Na njîra wata îno, ciîko mbaro nîcionekaga waro na ethîrwa itironeka itingîkara ciîthithîte.