Nehemia 9:6 - ÎVUKU RÎA ÛVORO MWARO

⁶ Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Nehemia 9:6 Iomraidhean Croise

Kîam 1:1

Kîambîrîriarî Ngai nîwaûmbire îgûrû na nthî.

Kîam 1:9

Nake Ngai nîwaugire atîrî, “Manjî marîa marî rungu rwa matu nîmacokanîrîre vamwe nîguo nthî nyûmû yumîre.” Na gûgîtuîka guo.

Kîam 2:1

Ngai nîwarîkirie kûmba nthî na indo cionthe irîa irî kuo.

Kîam 32:2

Rîrîa oonire araika acio nîwaugire atîrî, “Îno nî mbûtû ya athigari a Ngai.” Kwoguo nîwetire vandû vau Mahanaimu.

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Atha 19:15

Mûthamaki Hezekia nîwavoire atîrî, “We Ngai-Mûnene Ngai wa Isiraeli, we wîkarîte gîtîrî gîaku Kîam ûthamaki îgûrû rîa Akerubi, we wenga tu nîwe Ngai, we nîwe Ngai wa mothamaki monthe ma nthî. We nîwe waûmbire nthî na îgûrû.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 103:21

Kumiani Ngai-Mûnene, mue ciûmbe cionthe cia îgûrû, mue ndungata ciake irîa ciîkaga wendi wake.

Thaburi 115:15

Mûrorathimwa nî Ngai-Mûnene, ûrîa waûmbire îgûrû na nthî!

Thaburi 124:8

Ûtethio wetû umaga kûrî Ngai-Mûnene, ûrîa waûmbire îgûrû na nthî.

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 24:10

Mûthamaki ûcio ûrî riiri nû? Nî Ngai-Mûnene, mwene vinya wonthe, ke nîke Mûthamaki ûrî riiri!

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 36:6

Ûthingu waku wîkariî ta irîma nene; waragania waku nî ta îria îriku mûno. We Ngai-Mûnene, nîwe ûgitagîra andû na nyamû.

Thaburi 86:10

We wî mûnene na nîwîkaga maûndû ma magegania; we wenga tu nîwe Ngai.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Ezek 20:11

Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.

Jona 1:9

Nake Jona nîwamacokerie atîrî, “Nie nîrî Mûhibirania, na ngoocaga Ngai-Mûnene, Ngai wa îgûrû ûrîa waûmbire îria na nthî nyûmû.”

Johana 10:30

Nie na Vava tûrî kîndû kîmwe.”

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!

Gûco 10:14

Îgûrû na îgûrû kûrîa kûraca mûno wana nthî vamwe na indo cionthe irîa irî kuo nî cia Ngai-Mûnene Ngai wenyu.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Gûco 6:4

“Tathikîrîriani mue andû a Isiraeli! Ngai-Mûnene, Ngai wetû nî Ngai-Mûnene ûmwe tu.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 1:6

Nwatî rîrîa Ngai aarî vakuvî kûrete Mûriû wake wa îrikithathi gûkû nthî nîwaugire atîrî, “Araika onthe a Ngai nwanginya mamûgooce.”

Kûguû 14:7

Ke nîwaugire augîrîrîtie atîrî, “Tîîani Ngai na mûkumie ûnene wake! Nîûndû kavinda gake ga gûtuîra andû a nthî nîgakinyu. Goocani Ngai ûrîa waûmbire îgûrû, nthî, îria na kûrîa kuumaga manjî!”

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”