Nehemia 9:1 - ÎVUKU RÎA ÛVORO MWARO

¹ Mûthenya wa mîrongo îîrî na îna wa mweri wa ûcio andû a Isiraeli nîmaagomanire vamwe. Nîmeenyerekirie na magîkîra nguo cia macakaya na makîîminjîria rûkûngû ciongorî ciao.

Nehemia 9:1 Iomraidhean Croise

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Ezira 8:23

Kwoguo nîtwenyerekirie na tûkîvoya Ngai atûgitîre, na nîwegwire mavoya metû.

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Esita 4:3

Kûndû kuonthe vûrûrirî kûrîa ndûmîrîri na watho wa mûthamaki ciamûkîrwe, nîkwagîre na kîeva kînene. Nîmenyerekirie, makîrîra na magîkîra nguo cia macakaya na makîîvaka mûu.

Ayubu 2:12

Na marî varaca nîmoonire Ayubu nwatî matiamûmenya. Nwatî rîrîa mamûmenyire nîmaatumûkire na kîrîro. Nîmatembûrangire nguo ciao na magikia mûu na îgûrû ûkîgûcaga ciongorî ciao.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Alawi 23:34

“Kîrugo gîa tûnyomba gîkambagîrîria mûthenya wa îkûmi na îtano wa mweri wa mûgwanja na gîkathiî na mbere îvinda rîa mîthenya mûgwanja.

Alawi 23:39

Mûkaambîrîria gûkûngûîra kîrugo gîkî mûthenya wa îkûmi na îtano mweri wa mûgwanja mwarîkia gûketha irio. Mûgaakûngûîra kîrugo gîkî îvinda rîa mîthenya mûgwanja, nwatî mûthenya wa mbere na wa kanana nî mîthenya ya kûvurûka.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

Atir 20:26

Andû onthe a Isiraeli nîmaacokire makîthiî Betheli na magîcakaîra kuo. Nîmeekarire mbere ya Ngai-Mûnene kuo na makîînyerekia nginya kîvwaî na nîmaarutîre Ngai-Mûnene magongoona ma kûvîvua na ma thayû.

1Sam 4:12

Nake mûthuuri ûmwe wa kuuma mûvîrîgarî wa Benjamini, nîwaumire kûrîa mbaara yarî, akîthiî avinyûrîte na agîkinya Shilo mûthenya wa ûcio. Mûthuuri ûcio nîwatembûrangîte nguo ciake na ageîtîrîria mûthetu kîongo, rûrî rûûri rwa kwonania ûrîa aarî na kîeva.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)