Nehemia 8:9 - ÎVUKU RÎA ÛVORO MWARO

⁹ Rîrîa andû onthe meegwire ûrîa watho waugire nîmaambîrîrie kûrîra. Nehemia ûrîa warî mûnene, Ezira mûthînjîri-Ngai na mwandîki, na Alawi arîa maathomithagia andû watho nîmaacokire makîra andû onthe atîrî, “Ûmûnthî nî mûthenya mûtheru wa Ngai-Mûnene, Ngai wenyu. Kwoguo mûtikaarîre kana mwîgue kîeva.

Nehemia 8:9 Iomraidhean Croise

2Atha 22:11

Rîrîa mûthamaki eegwire ûrîa îvuku rîa watho rîaugaga, nîwatembûrangire nguo ciake,

2Atha 22:19

mûthamaki wa Juda nîareririre na enyivia mbere ya Ngai-Mûnene, na atembûranga nguo ciake. Rîrîa aregwire ûrîa mbugîte nîngwîka kûndû gûkû vamwe na andû arîa matûûraga kuo, na atî vûrûri ûyû nîûtûûra ûrî mûrume na ûrî îganjo. Nie Ngai-Mûnene nîmbîguîte îvoya rîaku,

2Maû 15:3

Aisiraeli maatûûrîte kavinda karaca matarî na Ngai ûrîa wa ma, na matarî na mûthînjîri-Ngai wa kûmathomithia na matarî na watho.

2Maû 30:22

Nake Hezekia nîwagathîrîrie Alawi onthe nîûndû wa wara wao wa gûtungatîra Ngai-Mûnene. Kwoguo andû nîmaarîre irio cia kîrugo îvinda rîa mîthenya mûgwanja (7). Nîmaarutaga magongoona ma thayû na magîkumagia Ngai-Mûnene, Ngai wa methe mao.

2Maû 34:19

Rîrîa mûthamaki eegwire ciugo cia watho, nîwatembûrangire nguo ciake nî kwîgua kîeva.

2Maû 34:21

“Thiîni mûkambûrîrie ûtaaro kûrî Ngai-Mûnene na nîûndû wa andû arîa matigarîte Isiraeli na Juda, ûvoro wîgiî ciugo cia îvuku rîîrî rîronekire. Ngai-Mûnene nîarakarîte nîtue nîûndû methe metû matiathîkîra Ngai-Mûnene, matieka kûringana na maûndû monthe marîa mandîke îvukuurî rîîrî.”

2Maû 35:3

Nîwerire Alawi arîa maathomithagia andû onthe a Isiraeli na maamûrîrîtwe Ngai-Mûnene atîrî, “Igani îthandûkû rîa kîrîkanîro kîtheru hekarûrî îrîa Solomoni mûvîcî wa Daudi, mûthamaki wa Isiraeli aatumire. Mûtikaarîkuue kuuma gûkû kûthiî kûndû kwîngî na ituro cienyu rîngî. Rîu tungatagîrani Ngai-Mûnene, Ngai wenyu na andû ake a Isiraeli.

Ezira 2:63

Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.

Ezira 7:11

Ezira aarî mûthînjîri-Ngai na mûndû mûûgî wa watho ûrîa Ngai-Mûnene avete andû a Isiraeli. Mûthamaki Aritakiserikise Nîwamûvere maarûa yandîkîtwe atîrî:

Nehemia 10:1

Andû arîa meekîrire mûvûri maarî Nehemia ûrîa warî mûnene. Nehemia aarî mûvîcî wa Hakalia. Arîa engî meekîrire mûvûri maarî: Zedekia,

Nehemia 12:26

Andû aya maatûûraga mwoyo vîndî ya Joiakimu mûvîcî wa Jeshua, Jeshua mûvîcî wa Jozadaki, na vîndî ya Nehemia ûrîa warî mûnene, na vîndî ya mûthînjîri-Ngai Ezira ûrîa warî mûndû mûgî ûvororî wa watho.

Nehemia 7:65

Mûnene wa Ayahudi nîwamerîte atî matiagîrîrwe nî kûrîa irio irîa nyamûrîre Ngai, nginya rîrîa gûkoneka mûthînjîri-Ngai wa gûtûmîra Urimu na Thumimu.

Nehemia 7:70

Atongoria amwe a mbarî nîmeevecanire nîûndû wa kûruta wîra. Mûnene wa Ayahudi aarutire indo cia mûthithû kilo inyanya cia thaavu. Mbakûri mîrongo îtano (50), nguo cia athînjîri-Ngai ciarî magana matano ma mîrongo îthatû (530).

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Mûvunjia 3:4

Kavinda ga kûrîra na kavinda ga gûkena, kavinda ga kîeva na kavinda ga kwîinia.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Alawi 23:24

“Îra andû a Isiraeli atî, mûthenya wa mbere mwerirî wa mûgwanja rîrîa tûrumbeta tûkaavuvwa, nî mûkaavurûka na mûgomane vamwe nîguo mûgooce.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Aroma 3:20

Nîûndû gûtirî mûndû ûngîtuîka mûthingu mbere ya Ngai nîûndû wa kwathîkîra Watho. Ûrîa watho wîkaga nî kûmenyithia mûndû atî nî evîtie.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 26:14

Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.

Jakuvu 4:9

Îguani kîeva, rîrani na mûcakae. Mîtheko yenyu nî îgarûrûke îtuîke kîrîro, nakîo gîkeno kîenyu gîtuîke kîeva.