Nehemia 8:3 - ÎVUKU RÎA ÛVORO MWARO

³ Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Nehemia 8:3 Iomraidhean Croise

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Nehemia 13:1

Mûthenya ûcio andû nîmaathomerwe na mûgambo mûnene Watho kuuma îvukuurî rîa Musa. Wathorî ûcio nîmaathomire vandû varîa vaaugîte atî gûtirî vîndî wana îrîkû andû a Aamoni kana Amoabu mageetîkîrua gûtonya kîûnganorî Kîam andû a Ngai.

Nehemia 8:1

Andû onthe a Isiraeli nîmaagomanire vamwe kîvarorî vakuvî na Kîvingo Kîam Manjî. Nao nîmaaûririe Ezira ûrîa warî mwandîki arete îvuku rîa Watho wa Musa ûrîa Ngai aaveete andû a Isiraeli.

Nehemia 8:18

Kuuma mûthenya wa mbere wa kîrugo, Ezira nîwamathomagîra gîcunjî Kîam Watho wa Ngai wa mûthenya wa mûthenya. Nîmaakûngûîre kîrugo kîu kavinda ka mîthenya mûgwanja, na mûthenya wa kanana nîmaagomanire vamwe kûgooca wata ûrîa watho waugîte.

Nehemia 8:4

Ezira nîwarûngamire vandû vatûgîru vaathodeketwe na mbaû nîguo arie arî vo. Mwena wake wa ûrîo nîvaarûngamîte Matithia, Shema, Anaia, Uria, Hilikia na Maaseia. Naguo mwena wake wa ûmotho nîvaarûngamîte Pedaia, Mishaeli, Malikija, Hashumu, Hashibadana, Zekaria na Meshulamu.

Nehemia 8:5

Ezira arûngamîte vandû vatûgîru na andû onthe makîmwonaga, nîwavingûrire îvuku nao andû onthe nîmaarûngamire.

Maariko 12:37

Angîthîrwa Daudi ke mwene eetire Mesaya Mwathani, Mesaya angîthîrwa arî wa mbarî ya Daudi atîa?” Navo vaarî na andû eengî mûno maathikîrîrîtie Jesû makenete.

Luka 19:48

Nwatî matingîavotire gwîka guo nîûndû andû onthe mekaraga mamûthikîrîrîtie matakwenda kûvîtûkwa nî kiugo gîake wana kîmwe.

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 13:27

Andû arîa matûûraga Jerusalemu na atongoria ao matiamenya atî Jesû nîke Mûvonokia. O matiataûkîrwa nî ciugo irîa arathi maandîkire, irîa ithomagwa mîthenya yonthe ya thavatû. Nwatî o nîmaaivingirie vîndî îrîa maaugire atî Jesû aarî na ûcuke.

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Ciîko 16:14

Nake ûmwe wa arîa maatûthikîrîrie aarî mûndûmûka wetagwa Lîdia, warî wa kuuma îtûûrarî rîa Thîatira na warî mwendia wa nguo ciarî na rangi ya njambarawe. Ke aarî mûgooci Ngai, na Mwathani nîwavingûrire ngoro yake agîtûma îgue îkîenda kûthikîrîria maûndû marîa Paûlo aaragia.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Ciîko 20:11

Nake Paûlo nîwacokire akiunûkia nyomba ya îgûrû, akîenyûra mûgate na akîrîa. Ke nîwamaarîrie gwa kavinda karaca nginya gûgîkîa na agîcoka akîmatiga.

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

Josh 8:35

Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.

Kûguû 2:29

Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 3:22

“Mûndû wa wonthe ûrî na matû ma kwîgua nîathikîrîrie ûrîa Roho areera Makanitha!”