Nehemia 8:12 - ÎVUKU RÎA ÛVORO MWARO

¹² Kwoguo andû onthe nîmeenûkire mîciî kwao na nîmaarîre na makînyua marî na gîkeno. Nîmaacokire makîgaîra andû arîa mataarî na kîndû nîûndû nîmaataûkîrwe nî ciugo irîa maathomerwe.

Nehemia 8:12 Iomraidhean Croise

1Maû 29:22

Kwoguo mûthenya ûcio andû nîmaarîre na makînyua makenete mûno marî mbere ya Ngai-Mûnene. Nîmaacokire magîtua Solomoni mûvîcî wa Daudi mûthamaki riita rîa kaîrî. Nîmeetîrîrie Solomoni maguta mbere ya Ngai-Mûnene makîmûtua mwathi wao na Zadoku agîtuîka mûthînjîri-Ngai.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Nehemia 8:11

Kwoguo Alawi nîmaathiîre magîkiragia andû makîmeeraga matikethîrwe marî na kîeva nîûndû ûyû nî mûthenya mwamûre.

Nehemia 8:13

Mûthenya wa kaîrî atongoria a mbarî cia andû onthe, wa vamwe na athînjîri-Ngai na Alawi nîmaathiîre kûrî Ezira marî vamwe nîguo makathome kîrîra Kîam Watho.

Esita 9:22

Mîthenya îno nî îrîa Ayahudi maavootire nthû ciao. Kûrî Ayahudi mûthenya ûyû wagarûrûkîte ûgatuîka wa gûkûngûîra, îthenya rîa kîeva na gûcakaya. Nîmerirwe maririkanage mîthenya îno na kîrugo gîa kûrîa makenete, makîvecanaga iveo cia mîthemba ya irio kûrî mûndû na ûrîa wîngî wana kûva athîni.

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Thaburi 119:111

Matuîro maku ma ciira nîmo îgai rîakwa rîa tene na tene; mau nîmo matûmaga ngoro yakwa îkene.

Thaburi 119:127

Nie nîmendete mawatho maku gûkîra thaavu, gûkîra thaavu ntheru.

Thaburi 119:130

Ciugo ciaku itaûrîtwe nîiretaga ûtheri; nîivecaga ûmenyo andû arîa mataicî ûndû.

Thaburi 119:14

Nîngenagîra kûrûmîrîra maathani maku, wata ûrîa mûndû akenaga arî na ûtonga mwîngî.

Thaburi 119:16

Nîngenagîra mawatho maku; ndikaariganîrwa nî kiugo gîaku.

Thaburi 119:171

Ngaagûkumagia vîndî cionthe, nîûndû nîûnthomithagia mawatho maku.

Thaburi 119:174

Nîmbetererete ûvonokio waku, we Ngai-Mûnene! Nie nîngenagua nî watho waku.

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 119:97

Ûûi, kaî nîmendete watho waku-î! Ndindaga ngîîciria ûvoro waguo mûthenya mûgima.

Jeremia 15:16

We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Luka 24:32

Nao nîmaambîrîrie kûrania atîrî, “Na kinthî ngoro cietû itikûrîrîmbûkaga vîndî îrîa agûtwaragîria na gûtûtaarîria Mandîko Matheru tûrî njîrarî?”

Aroma 7:18

Nie nîmbicî atî ndaarî yakwa, ûguo nî kuga mwîrîrî wakwa ndirî na ûvoti wa gwîka waro. Nîûndû wana ethîrwa nîmendaga gwîka waro ndivotaga gûwîka.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.