Nehemia 8:1 - ÎVUKU RÎA ÛVORO MWARO

¹ Andû onthe a Isiraeli nîmaagomanire vamwe kîvarorî vakuvî na Kîvingo Kîam Manjî. Nao nîmaaûririe Ezira ûrîa warî mwandîki arete îvuku rîa Watho wa Musa ûrîa Ngai aaveete andû a Isiraeli.

Nehemia 8:1 Iomraidhean Croise

2Atha 23:2

Mûthamaki nîwathiîre hekarûrî ya Ngai-Mûnene marî na andû onthe a Juda, andû onthe a Jerusalemu, athînjîri-Ngai, arathi, na andû onthe anini na anene. Mûthamaki nîwathomire îvuku rîonthe rîa watho rîrîa rîonirwe hekarûrî ya Ngai-Mûnene andû acio mathikîrîrîtie.

2Maû 34:15

Hilikia nîwerire Shafani, mwandîki atîrî, “Nînona îvuku rîa Watho hekarûrî.” Nake Hilikia nîwanengere Shafani îvuku rîu.

2Maû 34:30

Nîwathiîre hekarûrî arî vamwe na andû onthe a Juda na andû arîa matûûraga Jerusalemu, athînjîri-Ngai, Alawi na andû onthe kuuma ûrîa warî îgweta mûno kinya ûrîa ûtaarî îgweta. Mûthamaki nîwathomire maûndû monthe marîa maarî îvukuurî rîa kîrîkanîro rîrîa rîonekete hekarûrî andû onthe makîgucaga.

Ezira 7:1

Vuva wa ûguo, vîndî îrîa Aritakiserikise arî mûthamaki wa Perisia, kwarî na mûndû wetagwa Ezira. Mûndû ûcio aarî mûvîcî wa Seraia, Seraia aarî mûvîcî wa Azaria, Azaria mûvîcî wa Hilikia.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Ezira 7:11

Ezira aarî mûthînjîri-Ngai na mûndû mûûgî wa watho ûrîa Ngai-Mûnene avete andû a Isiraeli. Mûthamaki Aritakiserikise Nîwamûvere maarûa yandîkîtwe atîrî:

Ezira 7:6

Ezira aarî mûthomi na mûndû warî na ûûgî ûvororî wîgiî watho ûrîa Ngai-Mûnene, Ngai wa Isiraeli aaveete Musa. Ezira nîwaumire Babuloni. Ngai-Mûnene, Ngai nîwamûrathimîte. Kwoguo mûthamaki nîwavere Ezira kîndû kîonthe kîrîa eetîrie.

Nehemia 12:26

Andû aya maatûûraga mwoyo vîndî ya Joiakimu mûvîcî wa Jeshua, Jeshua mûvîcî wa Jozadaki, na vîndî ya Nehemia ûrîa warî mûnene, na vîndî ya mûthînjîri-Ngai Ezira ûrîa warî mûndû mûgî ûvororî wa watho.

Nehemia 12:37

Kîvingorî kîrîa Kîamrî kîthimarî Kîam manjî nîmaaunûkirie mathiîrîrîte ngathîrî îrîa yathiîte îtûûrarî rînene rîa Daudi. Nîmaavîtûkire mûciî wa mûthamaki Daudi, na nîmaathiîrîre vuva wa rûthingo nginya kîvingorî Kîam manjî, mwena wa îrathîro wa îtûûra rîa Jerusalemu.

Nehemia 3:26

Nacio ndungata cia hekarû irîa ciatûûraga Ofeli nîciatumire rûthingo rîngî nginya vandû varîa vaaroranîtie na kîvingo Kîam manjî mwena wa îrathîro na nyombarî îrîa ndaca na îgûrû.

Nehemia 8:16

Kwoguo andû nîmaathiîre na makîrete mvûa icio na magîtuma wa mûndû kanyomba gake. Wa mûndû nîwatumire kanyomba kamwe îgûrû rîa nyomba yake, na kengî kamwe nja ya nyomba, na kengî kamwe nja ya nyomba ya Ngai, na kanyomba kengî kîvarorî kîrîa kîrî vakuvî na Kîvingo Kîam Manjî, na kengî kîvarorî vakuvî na Kîvingo Kîam Efiraimu.

Nehemia 8:3

Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Alawi 9:5

Andû nîmaavirire mûromorî wa îgema rîa Ngai-Mûnene nyamû irîa Musa aathanîte, nao andû onthe a Isiraeli nîmaaûnganire vo nîguo magooce Ngai-Mûnene.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Mathaayo 13:52

Kwoguo Jesû nîwamerire atîrî, “Mwarimû wa wonthe wa Watho ûrîa ûtuîkîte mûrûmîrîri wa Ûthamaki wa Îgûrû, ekariî ta mwene mûciî ûrîa ûrutaga indo irîa njerû na irîa ngûrû kuuma mûthithûrî wake.”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:2

“Arimû a watho na Afarisai nîo mavetwe rûtha rwa gûtaûra watho wa Musa.

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Gûco 31:11

mûkaathomagîra andû onthe a Isiraeli watho ûyû vîndî îrîa mûgomanîte varîa mûgoocagîra Ngai-Mûnene.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 20:8

Nao andû onthe nîmaarûngamire vamwe na makiuga atîrî, “Gûtirî mûndû wanarî ûmwe wa cietû ûkûthiî îgemarî rîake, na gûtirî wanarî mûndû ûmwe ûkwînûka.