Nehemia 5:9 - ÎVUKU RÎA ÛVORO MWARO

⁹ Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Nehemia 5:9 Iomraidhean Croise

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

Nehemia 4:4

Nanie nînavoire Ngai ngiuga atîrî, “Ngai wetû twîgue. Andû aya nî maratûnyarara. Tiga kînyararo Kîamo kîmacokere. Tiga indo ciao irîa irî vata ciîwe na mavirwe njeera vûrûri mûgeni.

Nehemia 5:10

Îgûrû rîa ûguo nie, aa mûrwaiya, na ndungata ciakwa nîtûrakombithia andû acio mbeca na ngano. Kwoguo nîtûtigane na ûndû ûcio wa kuga tûrîvwe.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Thaburi 90:11

Nîûrîkû ûngîmenya vinya wa marakara maku? Nû wicî guoya îrîa yumanaga na marakara maku?

Nthi 16:29

Andû arîa aganu maveenagîrîria arata ao, na makamavira thînarî.

Nthi 17:26

Gûtiagîrîrîte kûverithia mûndû ûtarî na mavîtia, rîrîa andû matarî na mavîtia makûverithua, kîvooto gîtirûmagîrîrwa.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Nthi 19:2

Tî waro gwîka ûndû ûtambîte gwîciiria, nginya kavora ndiunîkaga îvîndî.

Nthi 24:23

Ino wana cio nî ciugo cia andû arîa aûgî: Tî waro gûtwithania ciira na kîmenyano.

Ezek 36:20

Nwatî mathiî kûrî andû a ndûrîrî, wa kûrîa kuonthe maathiîcaga nîmaagwatagia rîîtwa rîakwa rîtheru gîko. Nao andû nîmaaragia ûvoro ûmegiî na makauga atî, ‘Aya nî andû a Ngai-Mûnene, nwatî kûnarî ûguo nîmaaumire vûrûrirî wake.’

Alawi 25:36

Mûtikamwîtie maciaro ma kîrîa mûmûkombithîtie, nwatî athîkagîrani Ngai na mûtûûranie na Mûisiraeli ûrîa wîngî.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

Tito 2:5

Nîmagîrîrwe nî kwînyitagia maûndûrî na kwîthagîrwa marî atheru, na marî aka aro a mûciî. Nîmagîrîrwe nî kwathîkîra arûme ao, nîguo arûme matikagîe na ûndû ûngîcambithia ndûmîrîri ya Ngai.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

1Sam 2:24

Tigani gwîka maûndû mau rîngî anake akwa! Nîûndû ûvoro ûcio nîregua andû a Ngai-Mûnene makîaria îgûrû rîenyu tî mwaro!