Nehemia 5:4 - ÎVUKU RÎA ÛVORO MWARO

⁴ Kûrî na engî maaugaga atîrî, “Twakombire mbeca na mîgûnda yetû na mîtî yetû ya mîthavibu nîguo tûrîve gooti ya mûthamaki.

Nehemia 5:4 Iomraidhean Croise

1Atha 9:21

vamwe na njiarwa ciao irîa ciatigarire vûrûrirî wa Kanaani irîa andû a Isiraeli mataavota kûthiria viû nîmaarutithagua wîra na vinya nî Solomoni, na nwaguo matwîre nginya ûmûnthî.

Ezira 4:13

Mwathi wetû, ethîrwa îtûûra rîîrî nîrîgûtumwa rîngî na nthingo ciarîo itumwe irîke, andû acio nîmagûtiga kûrîva gooti irîa irîvagwa. Nacio mbeca irîa itonyaga mûthithûrî wa vûrûri nîikûnyiva.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Ezira 7:24

Wana nî tûramûmenyithia atî mûtiagîrîrwe nî gwîtia gooti kuuma kûrî athînjîri-Ngai, Alawi, aini a nyîmbo, arangîri na kîvingo, ndungata cia hekarû, kana mûndû wa wonthe ûkonenie na hekarû îno.

Nehemia 5:3

Nao engî nîmaaugaga atîrî, “Tue twanenganîre mîgûnda yetû, mîtî yetû ya mîthavibu na nyomba cietû nîguo twone irio cia kûrîa tûtigakue nî yûra.”

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Nthi 22:7

Itonga ciathaga arîa athîni, ûrîa ûkombaga nî ngombo ya ûrîa ûkombithanagia.

Josh 16:10

Kûnarî ûguo mûvîrîga wa Efiraimu ndwengata andû a Kanaani arîa matûûraga Gezeri. Andû acio nwa maathiîre na mbere gûtûûra kuo vamwe na andû a mûvîrîga wa Efiraimu. Akanaani matûûraga kuo na nîmarutithagua wîra na vinya marî ngombo.