Nehemia 2:6 - ÎVUKU RÎA ÛVORO MWARO

⁶ Nake mûthamaki, na mûka wake ekarîte vakuvî nake, nîwambûririe nîrenda kûthiî vandû va kavinda kegana atîa na ngaacoka rî. Kwoguo mûthamaki nîwetîkîre nthiî nanie nînavecanire kavinda karîa ngaacoka.

Nehemia 2:6 Iomraidhean Croise

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Nehemia 13:6

Ndiarî Jerusalemu vîndî îrîa maûndû mama mekîkaga, nîûndû mwakarî wa mîrongo îthatû na îîrî îrîa Aritakiserikise ethîrîtwe arî mûthamaki wa Babuloni nînathiîte kûmûmenyithia maûndû. Vuvarî nînacokire ngîûria mûthamaki amve rûtha nthiî,

Nehemia 2:4

Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Nehemia 2:5

na ngîra mûthamaki atîrî, “Ethîrwa mwathi wakwa wî mûkenie nînie na nwa wîguîre ndungata yaku ntha, tiga nthiî vûrûrirî wa Juda nîguo nthiî îtûûrarî rîrîa rînene kûrîa methe metû ma tene mathikîtwe, nîguo ngatume îtûûra rîu rîngî.”

Nehemia 5:14

Natwirwe mûnene wa vûrûri wa Juda mwakarî wa mîrongo îîrî kuuma mûthamaki Aritakiserikise ambîrîria kwathana nginyagia mwakarî wake wa mîrongo îthatû na îîrî. Naarî mûnene îvinda rîa mîaka îkûmi na îîrî. Kavinda kau konthe nekarire nîrî mûnene, ndiarîa irio irîa naagîrîrwe nîkûrîa nîrî mûnene wana andû etû matiairîa.

Isaia 58:12

Andû enyu nîmagaatuma rîngî nyomba irîa ciomomorirwe tene, maitume rîngî îgûrû rîa mîcingi îrîa mîkûrû. Namue mûgeetagwa andû arîa maatumire rîngî nthingo irîa ciomomoretwe, arîa maatumire rîngî nyomba irîa ciavaraganîtue.”

Isaia 61:4

Nîmagaatuma rîngî nyomba irîa ciomomoretwe tene, nîmagaatuma rîngî matûûra marîa maacûkangîtue mbere, na magatigwa matarî andû nî njiarwa nyîngî.

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.