Nehemia 13:1 - ÎVUKU RÎA ÛVORO MWARO

¹ Mûthenya ûcio andû nîmaathomerwe na mûgambo mûnene Watho kuuma îvukuurî rîa Musa. Wathorî ûcio nîmaathomire vandû varîa vaaugîte atî gûtirî vîndî wana îrîkû andû a Aamoni kana Amoabu mageetîkîrua gûtonya kîûnganorî Kîam andû a Ngai.

Nehemia 13:1 Iomraidhean Croise

2Atha 23:2

Mûthamaki nîwathiîre hekarûrî ya Ngai-Mûnene marî na andû onthe a Juda, andû onthe a Jerusalemu, athînjîri-Ngai, arathi, na andû onthe anini na anene. Mûthamaki nîwathomire îvuku rîonthe rîa watho rîrîa rîonirwe hekarûrî ya Ngai-Mûnene andû acio mathikîrîrîtie.

Nehemia 13:23

Kavindarî wa kau nînaamenyire atî Ayahudi eengî nîmaavikîtie aka kuuma Ashidodi, Aamoni, na Moabu.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 4:3

Tobia ûrîa Mûamoni aarî vo rîrîa Sanibalati aaugire ûguo na Tobia akiuga atîrî. “Rûthingo rûu maratuma wana mbwe îgatwa îgûrû rîaruo nî kwomomoka!”

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Nehemia 9:3

Nîmeekarire marûngamîte varîa maarî kavinda ka mathaa mathatû makîthomagîrwa Watho wa Ngai-Mûnene, Ngai wao. Nîmaathiririe mathaa mengî mathatû makiumbûra mevia mao na nîmaagoocire Ngai-Mûnene, Ngai wao.

Isaia 34:16

Cariani na mûthome kuuma îvukuurî rîa Ngai-Mûnene, gûtirî kîûmbe wanarî kîmwe gîgaatura, wa kîmwe gîkethîrwa kîrî na mûnyanya. Nîûndû Ngai-Mûnene nîke wathanîte ûguo, na Roho wake nîke ûgaciûngania cionthe.

Jeremia 48:1

Ngai-Mûnene mwene vinya wonthe Ngai wa Isiraeli arauga atîrî, “Kaî andû a Nebo marî na thîna-î, nîûndû îtûûra rîao nîrîcûkangie! Îtûûra rîa Kiriathaimu nîrîconorithie na gûgatavwa, nthingo ciakuo cia vinya nî nyomomore.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Ndari 22:5

Kwoguo Balaki mûvîcî wa Zipori, na nîke warî mûthamaki wa Moabu vîndî îo, nîwatûmire anjaama magete Balaamu mûvîcî wa Beori. Balaamu aarî Pethori vakuvî na rûnjî rwa Farati vûrûrirî wa Amawi. Balaki nîwerire Balaamu atîrî, “Kûrî na rûrîrî rumîte Misiri na rûrî kûndû kuonthe gûkû nthî, na nîmarenda gwoca vûrûri wakwa.

Luka 10:26

Nake Jesû akîmûcokeria nîwamûûririe atîrî, “Mandîko matheru maugaga atîa? We ûmataûraga atîa?”

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”