Nehemia 11:3 - ÎVUKU RÎA ÛVORO MWARO

³ Matûûrarî mau mengî ma andû a Isiraeli, athînjîri-Ngai, Alawi, aruti wîra a hekarû, na njiarwa cia ndungata cia Solomoni maatûûraga mîciîrî yao ene matûûrarî mao.

Nehemia 11:3 Iomraidhean Croise

Ezira 2:1

Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

Ezira 2:43

Andû a mîvîrîga ya andû arîa maarutaga wîra hekarûrî maarî: mbarî ya Ziha, Hasufa, Tabaothi, K

Ezira 2:70

Athînjîri-Ngai, a Lawi, na andû amwe nîmaacokire magîtûûra Jerusalemu na icagirî irîa ciarî vakuvî na Jerusalemu. Nao aini a nyîmbo arangîri a hekarû na ndungata cia hekarû nîmaatûûrire matûûrarî marîa maarî vakuvî na Jerusalemu. Na Aisiraeli acio engî nîmaathiîre na magîtûûra matûûrarî marîa methe mao ma tene maaumîte.

Nehemia 11:20

Andû acio engî a Isiraeli, athînjîri-Ngai na Alawi arîa maatigarire maatûûraga mîciî kwao matûûrarî mau mengî monthe ma Juda.

Nehemia 11:4

Andû a mûvîrîga wa Juda na mûvîrîga wa Benjamini nîo maatûûraga Juda. Andû a Juda maarî: Athaia mûvîcî wa Uzia, îthe wa Uzia aarî Zakaria mûvîcî wa Amaria. Amaria aarî mûvîcî wa Shefatia, Shefatia aarî mûvîcî wa Mahalaleli. Aya onthe maarî njiarwa cia Perezi.

Nehemia 7:39

Ûyû nîguo mûtaratara wa mîvîrîga ya athînjîri-Ngai arîa maacokire kuuma îthamîriorî: Njiarwa cia Jedaia (mbarî ya Jeshua) andû magana kenda ma mîrongo mûgwanja na ithatû (973).

Nehemia 7:43

Alawi arîa maacokire kuuma îthamîriorî maarî: Avîcî a Jeshua arîa meetagwa rîngî Kadimieli mbarî ya Hodavia, andû mîrongo mûgwanja na ana (74).

Nehemia 7:46

Mîvîrîga ya andû arîa maarutaga wîra hekarûrî arîa maacokire kuuma îthamîriorî maarî: Mbarî ya Ziha, Hasufa, Tabaothi,

Nehemia 7:6

Aya nîo andû arîa maacokire kuuma îthamîriorî vûrûrirî wa Babuloni. Wa mûndû aacokire îtûûrarî rîake rîa Jerusalemu na Juda. Njiarwa ciao ciatûûraga îthamîriorî kûrîa ciathamithîrîtue nî Nebukadinezarû mûthamaki wa Babuloni.

Nehemia 7:7

Atongoria ao maarî Zerubabeli, Joshua, Nehemia, Azaria, Raamia, Nahamani, Moridekai, Bilishani, Misiperethi, Bigivai, Nehumu, na Baana.

Nehemia 7:73

Kwoguo athînjîri-Ngai, Alawi, arangîri a ivingo, aini a nyîmbo, na andû amwe, ndungata cia hekarû; andû onthe a Isiraeli nîmaatûûrire matûûrarî mao na matûûrarî manene ma Juda. Mweri wa mûgwanja ûgîkinya andû onthe a Isiraeli nîmaarîkîtie gûtûûra matûûrarî mao.