Mathaayo 9:16 - ÎVUKU RÎA ÛVORO MWARO

¹⁶ “Gûtirî mûndû ûtengaga nguo ngûrû na kîraka gîcerû. Angîka ûguo, kîraka kîu nwa kîgucagucie nguo îo ngûrû, nayo îgatembûka mûno.

Mathaayo 9:16 Iomraidhean Croise

Kîam 33:14

Nakûthaitha mwathi wakwa ûthiî mbere yakwa, nanie mbûkage kavora kûringana na mûthiîre wa ndîthia yakwa na ciana ciakwa, nginya ngaakwîthîra Seiru (Edomu.)”

Thaburi 125:3

Arîa aganu matigûtûûra mathanaga vûrûri wa arîa athingu; nîguo arîa athingu matikagucîrîrue gwîka naaî.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

Mathaayo 9:17

Wana gûtirî mûndû wonoragîria ndivei ya kûvivwa warîo mboororî îno ngûrû, nîûndû mbooro îo nwa îtarûke na ndivei îgetîka na mbooro îgacûkanga. Ndivei ya kûvivwa warîo yonoragîrua mboororî îrîa njerû nîguo ndivei wa vamwe na mbooro itigacûke.”

Maariko 2:21

“Gûtirî mûndû ûtengaga nguo ngûrû na kîraka gîkî gîcerû, nîûndû angîka ûguo, kîraka kîu nwa kîgucagucie nguo îo ngûrû, nayo îgatembûka mûno.

Luka 5:36

Wana rîngî Jesû nîwamerire na ngerekano atîrî, “Gûtirî mûndû ûtinagia kîraka kuuma nguorî îno njerû akînagîtumîrîra nguorî îno ngûrû. Mûndû ûcio angîka ûguo, nwa atembûre nguo îo njerû na kîraka kîu kîrege gwocana na nguo îo ngûrû.

Johana 16:12

“Nîrî na maûndû mengî meengî ma kûmwîra, nwatî rîu mûtingîvota kûmaûmîrîria.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

2Akor 9:12

Wîra ûyû mûraruta ndûratethia andû a Ngai onga, nwatî nîûratûma andû macokie ngatho nyîngî makîria kûrî Ngai.