Mathaayo 7:26 - ÎVUKU RÎA ÛVORO MWARO

²⁶ “Nwatî mûndû ûrîa wîgucaga ciugo ino ciakwa na akarega gûciathîkîra ekariî ta mûndû mûritu, ûrîa watumire nyomba yake mûthangarî.

Mathaayo 7:26 Iomraidhean Croise

Ayubu 22:16

Maavagîrîrue nî mwîcûro wa manjî, wana îvinda rîao rîtarî rîkinyu.

Nthi 14:1

Mûndûmûka mûûgî nîatumaga mûciî wake, nwatî mûndûmûka kîrimû atharagia mûciî wake na njara ciake ke mwene.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Mathaayo 7:25

Mbura nîyaurire; nyûnjî ikiuna na ngûngi ikîvurutana, na ikîringa nyomba îo na vinya mûno. Nwatî nyomba îo ndîagwa nîûndû yatumîtwe rûciararî.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Luka 6:49

Nwatî mûndû wa wonthe ûrîa wîgucaga ciugo ciakwa na akarega gûciathîkîra ekariî ta mûndû ûrîa watumire nyomba atambîte kûthondeka mûcingi. Vîndî îrîa rûnjî rwaunire na manjî maruo makîringa nyomba îo na vinya, nyomba îo nîyomomokire wa rîmwe. Nyomba îo nîyomomokire na vinya îkîvaragana.”

Jakuvu 2:20

We kîrimû! Nîûrenda kwonua atî wîtîkio ûtarî na ciîko nî ûyû mûthatu?

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.