Mathaayo 7:21 - ÎVUKU RÎA ÛVORO MWARO

²¹ “Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Mathaayo 7:21 Iomraidhean Croise

Mathaayo 12:50

Mûndû wa wonthe wîkaga ûrîa Vava ûrîa ûrî Îgûrû endaga, nîke mûrwaiya na mwarwaiya na nîke nyanya.”

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 18:19

Na rîngî nîramwîra atî, ethîrwa andû aîrî gatagatîrî kenyu magetîkanîria ûndû ûrîa makûvoya, nîmakaavingîrua ûndû ûcio nî Vava ûrîa ûrî îgûrû.

Mathaayo 18:3

na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû.

Mathaayo 18:35

Nake Jesû akîrîkîrîria nîwamerire atîrî, “Ûguo nwaguo Ngai Vava ûrîa wî îgûrû ageeka kûrî mûndû wa wonthe wa cienyu, mûngîrega kûrekera aa mûrwanyûkwe kuuma ngororî cienyu.”

Mathaayo 19:24

Wana rîngî nîramwîra atî nî ûndû mûvûthû ngamîîra gûtonyerera karimarî ga cindano, gûkîra gîtonga gûtonya Ûthamakirî wa Ngai.”

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Mathaayo 26:42

Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.”

Maariko 3:35

Mûndû wa wonthe ûvingagia wendi wa Ngai, nîke mûrwaiya na mwarwaiya, na nîke nyanya.”

Maariko 9:47

Narîo riitho rîaku rîngîtûma wîvie, rîkûûre. Nîkava ûtonye ûthamakirî wa Ngai wîna riitho rîmwe gûkîra wîthîrwe na metho moîrî na wikue îcuarî,

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Luka 18:25

Na nî ûndû mûvûthû ngamîîra gûtonyerera îrimarî rîa cindano, gûkîra gîtonga gûtonya Ûthamakirî wa Ngai?”

Luka 6:46

“Nîndûî gîtûmaga mûmbîte, ‘Mwathani, Mwathani,’ na mûtiîkaga maûndû marîa nîmwîraga mwîke?

Johana 14:7

Nake Jesû nîwerire arutwa ake atîrî, “Angîthîrwa na ma nîmûmbîcî, nîmûngîramenya wana nginya Vava. Nwatî kuuma rîu nîmwamûmenya na nîmwamwona.”

Johana 15:23

Mûndû wa wonthe ûmenete nîamenete wana nginya Vava.

Johana 3:5

Nake Jesû nîwamûcokerie atîrî, “Nîrakwîra na ma atî gûtirî mûndû ûngîtonya Ûthamakirî wa Ngai atambîte gûciarwa rîngî na manjî na Roho Mûtheru.

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 2:13

Ngai ndatucaga andû athingu nîûndû wa kwîgua watho, nwatî amatucaga athingu nîûndû nîmekaga ûrîa watho uugîte.

Aefeso 6:6

Tigagani gwîkaga ûguo tu wa rîrîa mamûroretie atî nîûndû wa kwenda kwîyendithia kûrî o. Nwatî mûrî ta ngombo cia Kristû, vingagiani wendi wa Ngai mûkîvûthagîra vinya wonthe wenyu.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 4:3

Ngai endaga mwîthagîrwe mûrî atheru na mûtagwîka ûmaramari.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!

Ahib 4:6

Andû arîa meeguire ûvoro mwaro rîa mbere matiatonya vandû vau va kûvurûka nîûndû nîmaaregire gwîtîkia. Kwoguo kûrî andû amwe metîkîrîtue gûtonya kuo.

Jakuvu 1:22

Tigani kwîveenia na njîra ya kûthikîrîria kiugo gîake tu, vandû va ûguo îkagani ûrîa kiugîte.

1Pet 2:15

Nîûndû wendi wa Ngai nî atî, na njîra ya maûndû maro marîa mwîkaga mûkaavotaga gûtûma andû arîa aritu matigane na mîario yao ya ûrimû.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

Kûguû 2:27

Nîakaamatha na mûragi wa cuuma na nîagaicûkangia wata ûrîa nyûngû ya yûmba îcûkangagua îgatuîka icunjî.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

Kûguû 3:5

Arîa makaavootana nîmageekîra nguo cia rangi njerû wata andû acio. Na nie ndikaavuta marîîtwa mao îvukuurî rîrîa Ngai andîkîte marîîtwa ma andû arîa makaavewa mwoyo wa tene na tene. Nie nîngaarûngama mbere ya vava na araika ake mbuge atî nî akwa.