Mathaayo 7:14 - ÎVUKU RÎA ÛVORO MWARO

¹⁴ Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Mathaayo 7:14 Iomraidhean Croise

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Nthi 8:20

Ndûûraga na njîra ya ûthingu, nûmagîrîra njîra cia kîvooto.

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 57:14

Ngai-Mûnene arauga atîrî, “Tûgûtani, tûgûtani, thondekani njîra, thengutiani ithukî cionthe njîrarî ya andû akwa!

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Mathaayo 20:16

Jesû akîrîkîrîria nîwaugire atîrî. “Andû arîa marî vuva nîmagaatuîka a mbere nao arîa marî mbere rîu, nîmagaatuîka a vuva.”

Mathaayo 22:14

Nake Jesû nîwarîkîrîrie atîrî, “Andû eengî nîmetîtwe, nwatî arîa athuure nî anini.”

Mathaayo 7:13

“Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Maariko 8:34

Nake Jesû nîwacokire agîîta kîrîndî na arutwa ake varîa aarî, na akîmeera atîrî, “Mûndû wa wonthe ûngîenda kûnûmîrîra, nwa nginya erege, akuue mûtharava wake na acoke anûmîrîre.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 9:32

Waturire nîûndû maaûcaragia na njîra ya maûndû marîa meekaga nwatî tî na njîra ya wîtîkio. Kwoguo nî maavîngirwe nî, “Îthiga rîrîa rîvînganaga.”