Mathaayo 7:13 - ÎVUKU RÎA ÛVORO MWARO

¹³ “Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Mathaayo 7:13 Iomraidhean Croise

Kîam 6:12

Nake Ngai nîwaroririe na akîona nthî îrî njûku nîûndû andû onthe maatûûraga mevagia.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Nthi 16:25

Kûrî mîthiîre mûndû onaga îrî mîagîrîru, nwatî mûthiiarî îviraga mûndû gîkuûrî.

Nthi 7:27

Nyomba yake nî njîra ya kûthiî kwa arîa akuû, nî njîra ya kûthiî mbîrîrarî.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 3:8

Îkani maûndû ma kwonania atî nîmwîrirîte mevia menyu.

Mathaayo 7:14

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Luka 14:33

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

Luka 9:33

Na vîndî îrîa andû acio maatigaga Jesû, Petero nîwerire Jesû atîrî, “Mwarimû, na kaî nî ûndû mwaro tûrî ava-î! Twîtîkîrie tûtume tûnyomba tûthatû: kamwe gaku, kamwe ka Musa na kamwe ka Elija.” (Nwatî ke aaririe ûguo atakûmenya ûrîa aaugaga.)

Johana 10:9

Nie nînie kîvingo. Mûndû wa wonthe ûvîtûkagîrîra varî nie agîtonya, nîakaavonoka; ke agaatonyaga na akauma na akona kîndû gîa kûrîa.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 9:22

Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.

Kûguû 20:3

Nîwacokire akîmikia îrimarî rîu rîtarî mûthiia, akîvinga mûrango warîo na mvungûro na agîkîra mûvûûri. Mûraika eekire ûguo nîguo njûnamatu îkare kuo îvingîrîtwe nginya mîaka ngiri îmwe îthire, nîguo ndakaavîtithie andû a nthî rîngî. Kavinda kau kathira nî akoovorwa gwa kavinda kanini.