Mathaayo 6:28 - ÎVUKU RÎA ÛVORO MWARO

²⁸ “Na mûtangîkaga nîkî nîûndû wa nguo? Ta roriani maûa ma kîthaka ûrîa makûraga; matirutaga wîra kana metumîre nguo.

Mathaayo 6:28 Iomraidhean Croise

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Afil 4:6

Mûtikamakue nî ûndû wana ûrîkû nwatî voyani na mwîtie Ngai kîrîa kîonthe mûrenda na mûcokagie ngatho vîndî cionthe.

Luka 12:27

Tathiîni mûkaaroria ûrîa maûa ma kîthakarî makûraga; matiîrutagîra wîra wana kana metumîre nguo. Nwatî nie nîramwîra atî wana ethîrwa mûthamaki Solomoni aarî mûtongu mûno, ke ndangîonire riiri ta wa riûa wana rîmwe rîa mama.

Mathaayo 6:31

“Kwoguo mûtigatangîke ngororî cienyu mûkîîyûria, ‘Nîtûrîa ndûî’ kana ‘Nîtûnyua ndûî’, wana kana ‘Nîtwîkîra ndûî?’

Luka 3:11

Nake Johana nîwamacokerie atîrî, “Mûndû wonthe ûrî na cati igîrî nwa nginya ave ûrîa ûtarî, na mûndû wa wonthe ûrî na irio nwa nginya agaîre ûrîa ûtarî.”

Mathaayo 10:10

Rûgendorî mûtigekuuîre mûvuko, kana cati igîrî kana iratû, wana kana mûtiriî. Mûruti wîra nîwagîrîrwe nî kûvewa kîrîa avatarîte.

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Mathaayo 6:27

Kûrî mûndû wana ûmwe gatagatîrî kenyu ûngîyongerera mûthenya wa naarî ûmwe ûtûûrorî wake nîûndû wa gûtangîka?

Luka 10:41

Nwatî Mwathani nîwamûcokerie atîrî, “Maritha! Maritha! We nîûramakua na ûkathînua nî maûndû meengî mûno,

Luka 12:11

“Vîndî îrîa andû mamûvira mûgacirithue mavoerorî, athamaki wana kana mbere ya anene, mûtikamake mûgîîciria ûrîa mûngîyarîrîria wana kana mûngiuga.

Luka 12:22

Jesû nîwacokire akîra arutwa ake atîrî, “Nie nîramwîra atî mûtikamakue nî ûvoro wîgiî irio irîa mûvatarîte kûrîa nîguo mûtûûre, wa na kana nguo irîa mûvatarîte gwîkîra mîîrîrî yenyu.

1Pet 5:7

Tigîrani Ngai maûndû monthe menyu marîa matûmaga mûtangîke nîûndû nîamûmenyagîrîra.