Mathaayo 5:8 - ÎVUKU RÎA ÛVORO MWARO

⁸ Kûrathimwa nî arîa atheru ngoro, nîûndû nîmakoona Ngai!

Mathaayo 5:8 Iomraidhean Croise

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

2Sam 22:27

We ûrî mûtheru mbere ya arîa metheretie, nwatî ûrî mwaganu mbere ya arîa matarî evokeku.

Thaburi 15:2

Nî arîa mathîkagîra Ngai maûndûrî monthe, na vîndî cionthe mekaga maûndû marîa magîrîrîte, arîa maragia ûma kuuma ngororî ciao,

Thaburi 18:26

We ûrî mwagîrîru kûrî andû arîa agîrîru, nwatî nîûverithagia andû arîa aganu.

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 73:1

Nama Ngai nî mwaro kûrî andû arîa athingu, nî mwaro kûrî arîa marî ngoro ntheru.

Nthi 22:11

Mûndû ûrî ngoro ntheru na mîario ya ntha, mûthamaki nîagaatuîka mûrata wake.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

Kûguû 22:4

Nao nîmakoona ûthiû wa Ngai, na rîîtwa rîake nî rîkaandîkwa mothiûrî mao.