Mathaayo 5:7 - ÎVUKU RÎA ÛVORO MWARO

⁷ Kûrathimwa nî arîa megucanagîra ntha, nîûndû nîmakeguîrwa ntha!

Mathaayo 5:7 Iomraidhean Croise

2Sam 17:28

Nîmaamûvirîre mbakûri na indo cia rîûmba, ngano, cairi, irio nduge, irio ciîngî mvîvie, mboco, manyeni,

2Sam 22:26

Ngai-Mûnene we ûrî mwîvokeku kûrî arîa makwîvokete, na nîwîkaga maûndû maro kûrî andû arîa matarî na ûcuke.

Thaburi 112:4

Andû arîa aro, atugi, marî ntha na athingu, nîmaragîrwa nî ûtheri ndumarî.

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Thaburi 18:25

We Ngai-Mûnene ûrî mwîvokeku waku kûrî andû arîa magwîtîkîtie, nîwonanagia wega waku kûrî andû arîa matarî ûcuke.

Thaburi 37:26

Vîndî cionthe mavecanaga makenete na magakombithania, na ciana ciao nî kîrathimo kûrî o.

Nthi 11:17

Mûndû ûrîa ûrî ntha nîagunîkaga ke mwene, nwatî mûndû ûrîa mwaganu ecûkangagia ke mwene.

Nthi 11:25

Mûndû mûtaana nîarathimagwa, nake mûndû ûrîa ûvecanaga wanake nîavecagwa.

Nthi 14:21

Mûndû ûrîa ûnyararaga mûndû ûrîa mariganîtie nake nî mwîvia, nwatî mûndû ûrîa wîgucagîra mûthîni ntha nîarathimagwa.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 2:1

Kwoguo îtani aa mûrwanyûkwe, “andû akwa,” na aa mwarwanyûkwe, “Arîa meguîrîrwe ntha.”

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Aroma 11:30

Mue andû a Ndûrîrî nîkûrî vîndî mwatûîre mûremerete Ngai, nwatî rîu nîmûrîkîtie kwîguîrwa ntha nî Ngai nîûndû Ayahudi nîmaaregire kwathîka.

1Akor 7:25

Ûvoro wîgiî arîa matavikanîtie, nie ndirî na rîathani kuuma kûrî Mwathani, nwatî nî woni wakwa nîravecana nîûndû nînduîkîte mûndû mwîvokeku nîûndû wa ntha cia Mwathani.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

Aefeso 4:32

Vandû va ûguo, tuganagani, îgucanagîrani ntha na mwovanagîre wata ûrîa Ngai aamwoveere na njîra ya Kristû.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

1Tim 1:16

Nwatî Ngai nîwambîguîrîre ntha. Ekire ûguo nîguo gûkirîrîria kwa Jesû Kristû kwonekane na njîra yakwa nîûndû naarî mûndû mwîvia mûno. Nie nîrî kîonereria Kîam andû arîa magaacoka gwîtîkia Jesû Kristû nîguo magîe na mwoyo wa tene na tene.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.