Mathaayo 5:44 - ÎVUKU RÎA ÛVORO MWARO

⁴⁴ Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Mathaayo 5:44 Iomraidhean Croise

2Atha 6:22

Nake Elisha nîwamûcokerie atîrî, “Naarî ndûkamaûrage, wana mûtikaûrage athigari arîa mûnyitîte. Marûmieni irio na mûmakundie kîndû gîa kûnyua, na mûmarekererie macoke kûrî mûthamaki wao.”

Thaburi 7:4

ethîrwa mbocete indo cia nthû yakwa na vinya gûtarî na gîtûmi, ethîrwa mbîkîte ûmwe wa maûndû mama,

Nthi 19:11

Mûndû mûûgî ndarakaraga na îvenya, na rîrîa avîtîrua nîarekanagîra.

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Johana 13:34

Na rîu nîngûmûva rîathani rîcerû: Endanagani. Nwa nginya mwendanage wata ûrîa nîmwendete.

Ciîko 16:28

Nwatî Paûlo nîwaugîrîrie na mûgambo mûnene akiuga atîrî, “We tiga gwîîka naaî! Tue tuonthe tûrî kuo!”

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Aroma 12:14

Rathimagani andû arîa mamwîkaga naaî, marathimageni na mûtikamarume.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!